Yu abi a gwenti fu luku a bord pe a gemeente e meki sani bekènti?

Owruman, dinari ini a diniwroko nanga trawan di abi frantwortu na ini a gemeente abi a gwenti fu luku a bord fu si o ten den abi wan prati. Ma ala sma na ini a gemeente o feni prenspari sani fu leisi tapu a bord. Yu sabi o ten yu musu krin a Kownukondre zaal? A kring-opziener noso a bijkantoro seni prenspari brifi gi a gemeente? Yu sabi a nen fu a publikitaki fu a wiki disi, so taki yu kan gi den Bijbelstudie fu yu wan kari? A schema fu a konmakandra kenki noso sani kenki na ini a preikiwroko grupu fu yu? Furu fu den sani disi no e meki bekènti moro na den konmakandra èn den owruman no man fruteri ibri preikiman den sani disi. Fu dati ede, wi musu abi a gwenti fu luku a bord pe sani e meki bekènti. Efu wi abi a gwenti fu du disi, dan ala sani kan pasa „na wan fasi di fiti èn soleki fa sani seti”.​—1 Kor. 14:40.