De alaten na ay fu pristeri beybri lektuur
1 Fa wi de grantangi gi na beybri lektuur di Yehovah e gi doronomo nanga yepi fu en organisâsi! Wi e warderi na yeye nnyan disi srefisrefi. Te wi e kisi wan nyun publikâsi dan wi e dray den bladzijde fu luku na heri buku nanga wan yeye di e pusu wi fu du wan sani. Moro fara, te wi e leysi na publikâsi finifini, dan wi e kisi frustan fu sani. Wi warderi gi Yehovah nanga gi san a poti na prakseri fu du e gro.
2 Den winimarki di wi e kisi gi wi srefi e buweygi wi fu prati den bun sani di wi leri nanga trawan (Mat. 24:14). Wi e angri fu poti den publikâsi fu na Genootschap ini den anu fu someni sma leki a kan. Disi e meki den kon sabi so srefi tu den waarheid di de na ini den di e gi leri. Efu wi sreka wi srefi bun èn de na ay fu teki na fosi stap fu wroko nanga na buku pristeri fu na mun dati, dan kande wi sa man fu yepi tra opregti sma fu den dray srefi kon na Yehovah èn kon moksi den srefi na wi na ini en dienst.
OSO-FU-OSO
3 Na ini februari nanga maart wi sa pristeri wan owru buku fu na bijdrage di saka kon tapu Sƒ 1,50. A e go fu owru publikâsi di na gemeente srefi abi na ini en kasi. Den owruman kisi moro fini bodoy èn sa fruteri na gemeente sortu buku sa pristeri.
4 Sontron den sma abi en trutru tumusi druk te wi e naki na den doro. Na ondro den omstandigheid dati wi wani pristeri kande soso na buku soleki den e gi ray na ini na lasti eksenpre na tapu bladzijde 19 fu na Taki-go-taki-kon-buku. Ofu wi ben sa kan taki wan sani nanga wi eygi wortu di e tyari na srefi prakseri kon na fesi fu na fosi eksenpre na tapu bladzijde 20, aladi wi e sori taki wi e frustan na situwâsi fu na ososma èn e taki na wan fasi di abi overtoygi: „Ma fu di yu no abi ten fu taki now meki wi e gi yu na ray fu yu teki den tu tijdschrift disi fu wan bijdrage fu Sƒ 1,00 èn fu yu leysi den te yu abi moro fri ten. Yu sa nyanbun fu en fu leri sabi Gado pramisi fu wan nyun sani.” Den fasi disi fu taki nanga sma e sori taki wi e hori den omstandigheid fu na ososma na prakseri èn na a srefi ten wi e pristeri na lektuur.
5 San wi kan du efu wan sma abi na publikâsi kba di wi e pristeri? Fu san-ede yu no e handri ini akruderi nanga na gronprakseri di de fu feni na ini 1 Korente sma 3:6-9? Na siri prani kba. Nyanbun fu na okasi fu nati en fu di yu e preyki moro fara gi na sma. Ofu wi ben sa kan taki wan sani so leki disi: „Mi e feni en heri moy taki yu abi wan fu na publikâsi disi kba. A no de fu taki taki yu nyanbun fu en di yu leysi na ini. Efu yu e feni en bun, mi ben sa wani sote fu fruteri finifini fa yu srefi kan kisi moro wini ete fu na buku. A e teki wan tu miniti nomo.” Demo dan fa wi e stuka na beybri nanga yepi fu na publikâsi. Wi marki na a doro no e kenki efu na ososma abi wan buku kba. Hori na prakseri taki wi moro prenspari marki de ’fu meki disipri’. — Mat. 28:19.
GI OKASI PREYKI
6 Wi musu de so srefi srekasreka fu den furu okasi di wi abi kande fu pristeri lektuur te wi e preyki na okasi. Go prakseri fu fasi fu preyki gi fisitiman, famiriman, konpewrokoman, sma nanga suma wi e sidon na ini na srefi klas, sma di wi e miti te wi e bay sani, èn den wan di wi e miti te wi de na ini na velddienst èn e komoto fu na wan oso go na a trawan. Meki plan na fesi èn abi lektuur krosibey fu pristeri te den sortu okasi disi de awansi oten srefi. Furutron a no muylek fu tyari nanga wi wan ofu tu fu den publikâsi disi. Furu bun kan du kon nanga na gi fu okasi preyki. — 1 Petr. 3:15.
7 Yehovah organisâsi sondro gridifasi e sorgu fu wi kisi furu lektuur fu hori wi na yeyefasi tranga èn fu yepi wi nanga na prati fu na bun nyunsu. Fu de na ay gi okasi fu pristeri beybri lektuur sa yepi wi fu meki Yehovah nen bigi. — Ps. 34:3.