Meki na bun nyunsu bekenti fri èn sondro frede
1 Na historiya e sori taki kresten de bekenti fu na fri èn sondro frede fasi fu den. Den apostru Petrus nanga Yohanes de heri bun eksenpre fu dati. Ala di den ben trowe den go ini dungru-oso èn ben tapu skreki gi den, dan toku nanga deki-ati den ben tan taki na waarheid fri èn sondro frede (Tori. 4:18-20, 23, 31b). Ala di Paulus ben kisi frufolgu toku nanga fri èn sondro frede en tu ben go doro nanga na diniwroko fu en ini muylek kontren. — Tori. 20:20; 2 Kor. 11:23, 28.
2 Fa a du kon taki den apostru nanga tra kresten ben kan go doro fu meki na bun nyunsu bekenti fri èn sondro frede na heri historiya doro, ala di furu gens ben de? Na apostru Paulus e piki na aksi disi na ini 1 Tes. 2:2, pe a e taki: ’Nanga yepi fu wi Gado wi tyari fri èn sondro frede kon na wan fu taki fu na bun nyunsu fu Gado nanga unu.’ So srefi Petrus nanga Yohanes èn tra disipri tu ben man fu preyki na bun nyunsu fri èn sondro frede. Baka di den ben kon fri fu den dungru-oso buy fu den, Petrus nanga Yohanes ben gi nyunsu na den konpe disipri fu den. Na ini begi den ben begi Yehovah tranga fu gi den na deki-ati èn na krakti fu ’tan taki en wortu nanga ala fri èn sondro frede’. Gado ben yere na begi disi wantewante di ’den ben kon makandra èn alamala sondro fu misi wan fu den, wan ben kon furu nanga santa yeye èn ben taki na wortu fu Gado fri èn sondro frede’. — Tori. 4:29, 31.
SORI FRUTROW NA INI YEHOVAH
3 Den apostru ben abi na frutrow taki Yehovah ben horibaka gi den. Ala den pramisi di Yehovah ben du na ini en Wortu, ben kon tru. Èn den wan di ben musu kon tru ete, ben dyaranti nanga yepi fu Yeyses Krestes. Wi abi na srefi frutrow disi fu meki na bun nyunsu bekenti fri èn sondro frede? Ala di wi no e taki na ini tongo ofu e dresi siki sma, toku wi abi buweysi psa marki fu na horibaka fu Yehovah. Te wi e si taki beybri profeytitori e kon tru, dan dati e gi wi deki-ati fu taki nanga fri èn sondro frede fu na bun nyunsu fu Gado Kownukondre?
4 Ma wi kan fruwakti taki so wan fri èn sondro frede preyki sa ondrofeni gens (Yohanes 15:20). Dati ben de so nanga Yeyses èn den fosi yarihondro kresten. Ma dati no ben tapu den èn no ben meki na faya nanga san den ben preyki ben kon saka. Te yu luku en bun dan na gens dati ben gi den nofotron moro okasi fu prati na bun nyunsu fu na Kownukondre (Tori. 4:3, 8-13a). Fu di wi leki kresten e hori wi srefi na a Wortu fu Gado na ini prenspari afersi, dan nofotron den e aksi wi fu gi wan reyde fu wi bosroyti. Wi e si den sortu situwâsi dati leki okasi fu meki na bun nyunsu bekenti nanga fri èn sondro frede. Na a fasi disi wi e waka baka Yeyses nanga en apostru.
5 Na yepipionierwroko e gi wi moro okasi fu meki na bun nyunsu bekenti. Ini april nanga mei furu sma sa go na ini na yepipionierwroko, ala di trawan e seti sani fu du disi na ini na bigi dreyten. Yu situwâsi sa gi yu pasi fu gi yu nen? Fu di wi e du muyti fu teki prati na a yepipionierwroko, meki wi e sori taki wi de leki Paulus nanga Barnabas. Ini Tori fu den Apostru 14:3 tanapu taki ’den ben psa furu ten [ini Ikonium] èn taki nanga fri èn sondro frede den ben taki nanga yepi fu na makti fu Yehovah’. Efu wi kan bay na ten fu tra afersi, fu kobroyki no moro mendri leki 60 yuru ini wán mun gi na velddienst, dan sondro degedege wi sa kisi moro blesi.
6 De fri èn sondro frede ini na diniwroko de spesrutu wan yepi te wi e pristeri abonnement. Den tijdschrift abi wan boskopu di e kibri libi, èn di abi en gron ini Gado Wortu. So bun no meki wi kikbak, ma meki wi preyki nanga fri èn sondro frede, fu waka baka wi Eksenpre, Yeyses, nanga di fu en apostru.