Tjari wi eigi lai foe frantiwortoe
1 Te sma na ini a ten disi e prakseri foe frantiwortoe dan a e gersi foe de wan hebi gi den. Foeroe e proeberi foe hari densrefi poeroe foe disi. Leki bakapisi foe disi trow masra e gowe libi den wefi, mama no e sorgoe boen gi den pikin foe den, jongoewan no e kaba a skoro foe den èn borgroe e dòk gi belasting. Na lijst foe no-frantiwortoe doe kan kon moro langa. Wan sma di e tjari frantiwortoe na wan sma di den kan froetrow, di de klariklari èn di man foe gi frantiwortoe foe den doe foe en. Foe dati-ede Gado Wortoe e taki krin foe kresten taki „iniwan sma sa tjari en eigi lai’ (Gal. 6:5). Fa a fiti foe dati-ede taki a thema foe a kringkonmakandra foe a jari 1992 de: „Tjari wi eigi lai foe frantiwortoe”! A lo konmakandra disi sa bigin ini september. Wi alamala moesoe meki fasti plan foe de drape.
2 Nanga jepi foe lezing, sjatoe plei, demonstrâsi, ondrofenitori nanga aksi takimakandra na toemoesi moi kringkonmakandra programa disi sa tjari srapoe kon na krin san na den difrenti frantiwortoe di e rostoe tapoe wi alamala leki kresten. Satrabakadina, dan na ini wan symposium foe fo pisi, den sa tjari kon na krin fa wi alamala kan doe wi frantiwortoe na wan prisiri fasi. So srefi den jongoewan foe wi abi foe tjari frantiwortoe, èn na lezing di na kringopziener sa hori satrabakadina sa de spesroetoe gi den. Satra na okasi sa de toe gi njoenwan di gi densrefi abra foe teki dopoe. Ala sma di wani dopoe na a kringkonmakandra, moesoe meki a fesiman opziener sabi disi langa nofo na fesi, so taki sani kan sreka a fesi gi disi.
3 Sondemamanten ete wan symposium foe fo pisi sa poti prakseri tapoe wi kresten frantiwortoe foe preiki. Moro fara sondebakadina, na distriktopziener sa hori na poebliki taki di abi leki nen: „Gado njoen grontapoe—Soema sa mag foe go na ini?” De na ai foe kari ala njoen sma di sori belangstelling foe kon arki na lezing disi.
4 Wi alamala sa wani seti wi afersi na so wan fasi taki wi kan de drape èn njanboen dorodoro foe na toemoesi moi toe dei programa disi. Oen kringopziener sa froeteri oenoe a presi nanga na datum di seti gi na gemeente foe oenoe.