„Tan doe disi foe memre mi”
1 Jesus ben gi en bakaman a komando foe hori memre na dede foe en (Lukas 22:19). A respeki fasi disi foe hori sani, ben sa dini leki wan memre foe na bigi ofrandi di Jesus ben gi foe a boen foe a libisma famiri. A jari disi Jehovah Kotoigi na a heri grontapoe sa hori a Memrefesa foe a dede foe Krestes, freida 17 april baka te son dongo.
2 Persoonlijk sreka: Fa wi kan sreka wisrefi foe hori a prenspari okasi disi na wan fasi di fiti? Wan fasi na foe loekoe, ondro begi, a libi èn a diniwroko foe Jesus na grontapoe. A ben tron na froeloesoeman foe libisma foe di a ben gi en volmaakti libisma libi leki wan ofrandi (Mat. 20:28). Foe jepi ibri wan sma foe warderi na seti disi, wi e gi oenoe a rai foe go loekoe kapitel 112 te 116 foe Na moro bigi libisma di oiti ben libi.
3 A bijbel leisipisi foe wi bifo a Memrefesa foe a jari disi, so leki fa skrifi tapoe a Kalender foe 1992 foe Jehovah Kotoigi, abi tekst di den teki foe a bijbelboekoe Markus. A spesroetoe bijbel leisipisi disi poti tapoe schema ini a pisi ten foe siksi dei foe sonde 12 te nanga freida 17 april. Wi alamala sa wani foe teki nofo ten foe prakseri dipi foe den serjoesoe sani disi di ben pasa.
4 Owroeman moesoe sreka densrefi dorodoro: De seiker taki den kari gi a Memrefesa de foe kisi. Nofo sidonpresi de gi ala sma di wi e froewakti foe de na a fesa? Pe moro leki wan gemeente sa gebroiki a zaal, a de fanowdoe foe seti sani na wan ordelijk fasi, so taki ibri gemeente sa abi nofo ten foe hori a Memrefesa. Den sma di sa de dienstjepiman, moesoe kisi bodoi foe den wroko foe den. Den sa moesoe foe teki a fosi stap foe bari njoen sma di e kon na a fesa, wan switikon. Oenoe sa moesoe teki wan boen takiman di sa pristeri den bodoi krin èn akroederi bijbel. Poti den owroeman noso dinari ini a diniwroko di man teki frantiwortoe, a wroko foe langa den simbôl gi den sma. Oenoe sa moesoe sorgoe gi brede sondro sroedeki èn redi win sondro spesrei. Foe kan memre sani finifini, dan loekoe a tijdschrift Na Waktitoren foe 15 februari 1985, bladzijde 10.
5 Efoe wi e sreka wisrefi dorodoro, dan wi sa sori srefisrefi taki wi e warderi a marki foe na spesroetoe okasi disi èn taki wi abi na winsi foe hori a Memrefesa foe a dede foe Krestes akroederi a komando foe Jesus. — 1 Kor. 11:23-26.
[Faki na tapoe bladzijde 5]
1. Ala sma, so srefi a takiman, kisi bodoi foe a joisti ten èn presi foe a fesa? Na takiman abi sani foe rèi go drape?
2. Ala sani seti foe sorgoe gi den simbôl?
3. Sani seti foe wan sma tjari wan krin tafradoekoe nanga a nomroe grasi nanga preti di de fanowdoe?
4. Sortoe sani seti foe krin a zaal bifo a Memrefesa èn foe krin en pikinso baka dati, efoe wan tra gemeente sa gebroiki a zaal a neti dati?
5. Den dienstjepiman nanga den sma di e prati sani kisi na toewijzing? Plan meki kaba foe abi wan konmakandra nanga den foe loekoe den wroko foe den bifo a Memrefesa? Oten? San na den sani di oenoe e doe foe de seiker taki den e dini ala sma na wan boen fasi?
6. Sani seti kaba foe jepi owroe èn siki brada nanga sisa? Sani seti foe dini iniwan foe den salfoewan di kande didon a bedi èn no man kon na a Kownoekondrezaal?