Diniwroko-konmakandra foe september
Wiki di e bigin 7 september
Singi 84
15 min: Wan toe sani foe a gemeente èn Wan toe sani di fiti a gemeente di teki foe Wi Kownoekondre Dienst. Taki foe artikel „Joe kan wiki a belangstelling baka?” èn gi wan sjatoe demonstrâsi fa joe kan meki so wan gobaka.
15 min: „Prèise a Gado di meki ala sani”. Aksi-nanga-piki takimakandra foe artikel. Seti sani a fesi foe jongoewan di de wan boen eksempel, froeteri ondrofenitori nanga a boekoe foe san den e taki ini paragraaf 4, èn wan tra preikiman kan froeteri ondrofenitori foe san den e taki ini paragraaf 5. Poti krakti na tapoe taki a de fanowdoe foe loekoe boen oten joe kan pristeri a warti poeblikâsi disi.
15 min: „Pristeri di e wiki belangstelling”. Taki nanga arkiman fa den kan gebroiki den idea di ben gi, ini a kontren foe oenoe. Sreka toe noso dri demonstrâsi di oefen boen na fesi di e go foe troetroe sani di joe e miti ini velddienst.
Singi 96 nanga lasti begi.
Wiki di e bigin 14 september
Singi 79
10 min: Wan toe sani foe a gemeente. Taki so srefi foe den verslag foe moni afersi èn foe den moni di den preikiman ben gi nanga wan fri ati. Prèise gemeente foe den moni di den e gi foe horibaka gi den fanowdoe foe a gemeente, so srefi gi a wroko foe a Genootschap na heri grontapoe. Meki sma di sreka densrefi, froeteri ondrofenitori di abi foe doe nanga a pristeri foe a Meki sani-boekoe, efoe ten e gi pasi foe dati.
20 min: „Kibri joe pikin foe den no kisi broedoe”. Wan owroeman e hori wan lezing foe paragraaf 1-11. Tjari kon na krin taki efi papa nanga mama e agri foe datra jepi den pikin ondro den situwâsi so leki skrifi ini paragraaf 5-7, dati den no moesoe si dati leki den libi den soifri retifasi.
15 min: „Sorgoe taki joe e go baka”. Aksi-nanga-piki takimakandra. Sori wan demonstrâsi di sreka boen na fesi èn di e gi bodoi foe san den e taki ini paragraaf 6. Poti krakti a tapoe taki a de fanowdoe foe go baka na sma di ben abi belangstelling nanga soema den ben taki kaba a moen disi.
Singi 10 nanga lasti begi.
Wiki di e bigin 21 september
Singi 125
5 min: Wan toe sani foe a gemeente. Froeteri wan sjatoe ondrofenitori foe velddienst noso taki foe penti di den kan gebroiki a wiki disi ini velddienst.
15 min: „Kibri joe pikin foe den no kisi broedoe”. Aksi-nanga-piki takimakandra foe paragraaf 12-28. Poti prakseri tapoe piki foe aksi di e kon ini paragraaf 12 nanga 20. Poti krakti na tapoe dati efoe papa nanga mama e sreka sani na fesi foe kisi datra jepi gi den pikin, foeroe tron dati na a sroto foe abi boen bakapisi foe den pikin foe den no kisi broedoe.
15 min: „Studeri Mi boekoe nanga bijbel tori”. Aksi-nanga-piki takimakandra. Meki preikiman kon de fajafaja foe studeri a boekoe disi bigin foe 23 november.
10 min: Loekoe den wroko foe a gemeente. Gebroiki den nomroe di skrifi na fesisei foe a Gedetailleerd raport foe a gemeente (S-10) di oen ben seni go na a Genootschap na a bigin foe a moen. A fesiman opziener nanga a dienstopziener e taki foe heimarki, so leki fa den skrifi ini a Raport (S-10), foe den wroko foe a gemeente foe a jari di pasa. Prèise den preikiman èn den pionier na wan switifasi foe den moeiti di den ben meki nanga a gi di den ben gi densrefi ini velddienst èn a fisiti di den fisiti gemeente konmakandra na wan getrow fasi. Taki spesroetoe foe kontren pe den ben boen srefisrefi. Joe kan teki den wroko foe den gersi nanga den wan di den ben doe den jari na fesi, efoe oen abi den raport dati ete. Sori so srefi tapoe kontren pe den kan go na fesi ini a dienstjari 1993.
Singi 43 nanga lasti begi.
Wiki di e bigin 28 september
Singi 51
15 min: Wan toe sani foe a gemeente. Theokrasia njoensoe. Meki bekènti sortoe tijdschrift de foe kisi foe gebroiki ini velddienst, èn gi idea foe wán noso toe penti foe san wi kan taki di sa fiti a kontren. Demo fa den kan pristeri den njoen tijdschrift ala di joe e hori wan taki di gron tapoe den Boekoe, so leki fa den e taki foe dati ini „Pristeri di e wiki belangstelling” di tanapoe na a lasti bladzijde. Memre alamala foe den tjari den eigi eksemplaar foe A moro bigi man-boekoe kon na a dienstkonmakandra tra wiki.
15 min: „Dopoe”, Taki-go-taki-kon-boekoe bladzijde 95-99. Inleiding di gron tapoe „Definitie”. Demo fa wan owroeman kan abi wan takimakandra nanga wan sma di ben hori ensrefi na baka foe no teki dopoe. Taki foe bodoi tapoe bladzijde 96 [Bakratongo]. Poti krakti a tapoe o prenspari a de foe gi joesrefi abra èn simbôliseer dati nanga watra dopoe. Takiman e tapoe foe di a e loekoe sjatoe baka den bodoi foe dopoe nanga santa jeje, dopoe gi dedewan èn dopoe nanga faja.
15 min: Gebroiki den tijdschrift ini oktober. Wan sjatoe lezing di e tjari kon na fesi o warti Ontwaakt! nanga A Waktitoren de. Preikiman moesoe leisi den njoen tijdschrift wantewante so taki den kan taki nanga faja te den e rikomanderi den na trawan. Joe moesoe de seiker taki wan sma abi opregti belangstelling, bifo joe e pristeri wan abonnement. Demo fa wan preikiman kan pristeri wan tijdschrift èn e meki mofo foe go baka nanga njoen tijdschrift èn na so fasi e bigin fosi nanga wan tijdschrift route.
Singi 48 nanga lasti begi.