Sorgoe taki joe e go baka
1 „Ini den toe jari di pasa, mi ben leisi [a Meki sani-boekoe] fo tron èn mi e tan froewondroe foe a ondrosoekoe di den ondrosoekoe sani finifini, a bigi sabi di den abi foe sani èn den boeweisi di den teki poti di den ben meki a boekoe disi. Mi e begi oenoe foe tan tjari a boekoe disi kon a doro. A boekoe disi moesoe kon na ini den anoe foe ibri sma na grontapoe. Efoe disi ben o pasa, ala den strei-aksi nanga broeja foe a presi foe pe wi komoto èn den bribi taki wan Gado no de, ben sa kon na wan kaba wantewante.” Na disi wan afkati di ben de nanga pensioen ben skrifi, so leki fa a ben skrifi ini Ontwaakt! foe 22 april 1992, bladzijde 32 [Bakratongo].
2 Nanga so wan moi horibaka gi a boekoe disi, a no moesoe de so taki ibriwan foe wi moesoe wani gi jepi nanga wi heri ati foe a Meki sani-boekoe kon ini den anoe foe so meni sma leki a kan, di ben sori belangstelling? Dan wi moesoe sorgoe taki wi o go baka foe tan wiki belangstelling gi a toemoesi moi boekoe disi.
3 No foeroe foe wi ben meki wan dipi studie foe den foeroe theorie di sma di e bribi ini evolutie e tjari kon na fesi. Ma, dati no de fanowdoe foe boeweisi opregti-ati sma taki a leri foe evolutie na ete wan fasi di Satan e gebroiki foe meki a Mekiman foe libisma, Jehovah Gado, kisi wan takroe nen. No meki frede taki joe no ben sa man piki spesroetoe technis aksi di son ososma kan aksi, tapoe joe foe no go baka. A boekoe srefi e gi foeroe boeweisi di troe tori e hori baka gi ibri sani di taki na ini.
4 Moro fara, foeroe bodoi de bigin foe kapitel 16 di e go doro te kapitel 20, di e go foe den faste leri foe den Boekoe di e go foe aksi pe libisma komoto, a prakseri foe Gado gi a grontapoe disi nanga libisma, èn den sani na fesi san libisma famiri e tanapoe ini a ten disi. We, foeroe moi bodoi de ini a boekoe di joe kan gebroiki foe go baka.
5 Efoe joe e tweifri foe tjari gobaka na sonwan foe den sma pe joe ben libi a boekoe na baka, kande joe kan teki wan sma foe a gemeente di abi moro ondrofeni noso di sabi moro foe den leri foe evolutie. Disi kan de wan tini brada noso sisa di ben moesoe leri a tori disi na skoro èn di foe dati ede sabi moro foe den njoen theorie foe evolutie. Na a tra sei, wan sma kan de ini joe gemeente di wan ten ben bribi ini evolutie ma di ben kon leri a troe foe bijbel èn kan de wan bigi jepi now foe boeweisi taki den falsi leri foe evolutie no troe.
6 No draidrai foe poti prakseri tapoe kapitel 19 foe a Meki sani-boekoe èn gebroiki a howpoe foe bijbel foe a ten di o kon, leki fondamenti gi a gobaka di joe o tjari. A kapitel disi abi foeroe penti di joe kan gebroiki foe gi wan sma deki-ati foe poti prakseri tapoe den pramisi foe bijbel, foe a ten di o kon. Kande joe kan gebroiki a pisi di e bigin tapoe bladzijde 236 ondro „Wan grontapoe di kenki”, èn baka dati „A kaba foe pôtifasi” èn „Siki nanga dede no de moro”, tapoe bladzijde 238, 239.
7 A moi boekoe disi ben jepi foeroe sma foe feni a pasi foe libi. Kande wi kan jepi trawan ete foe di wi e gi den deki-ati foe leisi èn poti prakseri tapoe san a Meki sani-boekoe abi foe taki foe a tori foe libi èn fa a doe kon.