Pristeri na bun nyunsu — Nanga na Gado Mekisani-buku
1 Na bewijsimateriaal taki wan Mekiman de èn taki a abi belangstelling na ini san a meki, de pasa marki (Rom. 1:20, 21). Nanga wi studi fu Gado Wortu dan sondro degedege wi sabi taki libisma ben du kon fudi Gado ben meki den èn no nanga yepi fu evolutie (Openb. 4:11). Na ini oktober wi abi na okasi fu poti na prakseri fu trawan tapu na waarheid taki Gado ben meki sani, te wi e go pristeri na buku Libi — Fa a du kon? Nanga yepi fu evolutie ofu fudi Gado meki sani?
2 Na sei wi geregelde oso-fu-oso-diniwroko wi kan pristeri na Gado meki sani-buku te wi e du stratiwroko èn e gi okasi-preiki. A de wan tumsi moi buku di wenkriman, bisnisman nanga tra sma di wi e miti wawan tron sa lobi. Dan yu abi den sma fu wi tijdschriftroute. Den no sa nyan bun fu na tumsi moi publikasi disi? Yu kan abi ooktu sma di wi e tyari gobaka na den ofu di wi e studeri nanga den, ma di no abi na buku disi ete, ma ben sa warderi en fu leisi en.
3 Un yonguwan na ini na gemeente, unu abi wan eigi gebied pe unu kan prati na moi publikasi disi, dati wani taki na skoro. Yu ben pruberi gewoon fu tyari wan eksemplaar fu na Gado meki sani-buku go nanga yu na skoro? Sma di gridi fu sabi sani kande sa aksi wantu sani èn e gi yu na okasi fu meki den si na buku. Efu yu teki wan go na skoro èn libi en tapu yu tafra fu ala sma si en ofu fu leisi wan pisi na ini na kantine, dan yu e si kande taki trawan e aksi fa den kan kisi wan eksemplaar. A no de fu taki taki dorosei fu den yuru fu les yu ben sa kan teki fesi èn ben kan sori trawan na buku èn taki nanga den fu en èn pristeri den wan gi na gewone bijdrage.
4 Disi na a ten pe na nyun skoro-yari e bigin. Sobun wi alamala kan de nanga ai tapu okasi fu pristeri na publikasi disi na yonguwan di wi e miti na ini na dienst. Efu wi miti papa nanga mama na oso, dan baka te wi taki fu na Tori fu takmakandra, wi kan pristeri na buku èn sori o bun a sa de gi den pikin. Fudi evolutie na wan leri di pikin e kisi na skoro, dan na buku sa yepi den pikin fu frustan san na bijbel nanga tru wetenschap abi fu taki fu a meki di Gado meki sani.
5 Yu abi furu owru sma di no e bribi na ini evolutie èn di no abi spesrutu belangstelling kande na ini na tori dati. Ma gewoonlek den e broko den ede fu na pina di den e si na ini na grontapu èn kande den wani sabi ofu wan howpu de gi na ten di e kon. Gi den sortu sma disi wi kan gebroiki kapitel 16 ofu 19.
6 Efu wan ososma tyari wan aksi di e go fu na bijbel kon na fesi, dan yu kan tyari kon na krin taki den kapitel 17 nanga 18 sa gi piki tapu den aksi leki „Yu kan poti fertrow na ini na bijbel?” èn „Na bijbel trutru skrifi nanga yepi fu santa yeye?” Na inbere fu den kapitel disi kan de net na sani san a abi fanowdu fu meki en bribi kon baka na ini na bijbel leki wan buku fu waarheid.
7 Wi wani taki nanga someni sma fu kan go si taki Yehovah de na Mekiman (Tori fu den Apostel 17:24-28). Sobun, wi e du bun fu meki ibri sma de na ini na okasi fu kisi èn fu leisi na buku Libi — Fa a du kon? Nanga yepi fu evolutie ofu fudi Gado meki sani?