Yepi trawan fu warderi wi bigi mekiman
1 Efu wi luku den mekisani lontu wi, dan na ini wi yeye no wan degedege de taki wan Mekiman de èn taki a abi furu belangstelling gi wi tamara (Rom. 1:20). Na buku Libi — Fa a du kon? Nanga yepi fu evolutie ofu fu di Gado meki sani? ben de wan yepi na a kon moro bigi fu wi warderi gi wi Mekiman. A yepi wi tu fu puru kon na krin gi trawan fa na libi du kon now.
2 Bakadi a ben leysi na buku, wan sma nanga wan sabidensi bakagron ben taki fu en leki a moro bun buku fu bow na warderi gi na libi di a ben leysi wan ten. Wan hey leriman na wan universiteit ben fruklari: „Noyti ete mi ben si so wan bun buweysi di pristeri fu na bun fu den mekisani.” A de krin taki na Mekisani-buku sori taki a de wan tumusi bun wrokosani fu yepi furu sma fu warderi wi Bigi Mekiman, Yehovah Gado.
MEKI BUN KOBROYKI FU IBRI OKASI DI FITI
3 Ini na mun oktober wi abi na grani baka fu pristeri na buku disi ini na velddienst. Na sey wi gewoon oso-fu-oso, diniwroko wi kan pristeri na Mekisani-buku aladi wi e du stratiwroko èn e preyki na okasi. Wi kan pristeri na buku na konpewrokoman, skoromati, famiriman nanga trawan di wi e miti. Den beybristuka fu yu abi wan eksenplaar kba? Efu no, fu san-ede yu no sa sorgu taki den kisi wan? Yu abi wan tijdschriftenroute? Kande den sma disi nanga ala prisiri wani teki wan eksenplaar. Meki bun kobroyki a mun disi fu ibri okasi di fiti fu pristeri na Mekisani-buku.
4 Furu yonguwan ben abi bun bakapisi nanga a prati fu na Mekisani-buku na skoro. Yu ben pruberi fu teki wan eksenplaar nanga yu go na skoro? Efu den wan, di angri fu sabi sani e aksi yu sani, dan yu abi na okasi fu preyki gi den. Son preykiman ben abi bun bakapisi nanga a du fu stratiwroko pikinso na dorosey fu den universiteit kontren èn ben abi bun takimakandra nanga furu fu den stukawan.
MEKI KOBROYKI FU NA TORI FU TAKIMAKANDRA
5 Na Mekisani-buku e go bun makandra nanga wi Tori fu takimakandra, „Anbegi na Giman fu libi”. Efu yu e pristeri na buku, yu ben sa kan taki: „Furu sma abi belangstelling fu sabi fa a libi du kon. Yu ben prakseri fu dati wan ten? [Gi okasi fu piki]. Difrenti prakseri de fu a fasi fa a libi du kon. Meki wi luku pikinso na reydelek fruklari fu na beybri pikinso. [Leysi Hebr. 3:4]. So bun a de wan logis sani taki ibri sani di bow ofu oso di wi e si now lontu wi, abi wan sma di kon nanga na ideya fu meki en so nanga wan bowman. So bun a de krin taki na universum di dangra furu tron moro ben musu fu abi wan Mekiman. Soleki Hebrew sma 3:4 e taki dan Gado de na Mekiman. Ma sortu krakti na sabi disi musu abi na wi tapu? [Leysi Openb. 4:11.] Na frustan sani de so bun fu, leri sabi na wani fu na Mekiman èn tjari wi libi ini akruderi nanga dati, aladi ten de ete gi dati.” Pristeri ooktu na buku èn tyari kon na krin taki a sa sori fa libi sma du kon èn fa gi yesi na wi Mekiman kan tyari yu go na a tego libi.
6 Fa wi de koloku fu abi na tumusi moy buku di abi 256 bladzijde di e fruklari na waarheid fu evolutie nanga sani di Gado meki! Ma na a fosi presi a buku disi e gi wi Moro bigi Mekiman grani. A buku e du disi fu di a e fruteri wi fu a fa a libi du kon, fu Yehovah en wondru prakseri fu santa en nen èn fu en pramisi fu blesi na libismafamiri nanga yepi fu en Kownukondre.