Aksi boksoe

◼ Wi moesoe bel go na a Genootschap foe kisi piki na tapoe aksi noso foe kisi persoonlijk rai?

Foeroe sma e gebroiki na telefon foe doe wan sani esi-esi, ma foeroetron moro leki esi-esi fasi e prei wan rol. Ini grontapoe a de wan gewoon sani foe poti san de makriki gi joesrefi na a fosi presi: sma e tan farawe foe a meki foe moeiti.

O trafasi a rai foe Gado de! Gado e gi wi a deki-ati foe soekoe sabi neleki wi e soekoe goedoe di kibri, san wani taki toe dati wi wani foe meki moeiti. Na ondrofeni e leri wi taki nanga jepi foe disi wi sa koti moro satisfaksi di e tan. — Odo 2:1-4.

Disi e fiti foe eksempel te wan aksi e opo kon ala di wi e sreka wan aandeel foe a konmakandra noso efoe wi e kisi foe doe nanga wan problema foe wisrefi. Na presi foe wi bel go makriki na a Genootschap, a sa de wan wini gi wi te wisrefi e go doe ondrosoekoewroko ini bijbel èn ini den poeblikâsi foe wi, spesroetoe na Index foe Waktitoren-poeblikâsi, nanga en bijbeltekst nanga tori-index di abi foeroe waarde.

Efoe, baka te wi soekoe so ’foe feni den goedoe di kibri’, tokoe ete wi abi jepi fanowdoe, dan wi kan go na wan foe den owroeman ini a gemeente. Den owroeman abi foeroe sabi foe bijbel nanga ondrofeni ini a soekoe foe bodoi. A balansi jepi foe den ben sa fiti spesroetoe te wi abi rai fanowdoe di abi foe doe nanga wan problema foe wisrefi noso wan bosroiti di wisrefi moesoe teki, bikasi den sabi wi nanga wi situwâsi. — Teki gersi Tori foe den Apostel 8:30, 31.

Efoe tokoe a kon a krin taki moro bodoi de fanowdoe di e komoto langalanga foe a Genootschap, dan leki fa wi gwenti a de moro boen foe seni wan brifi. Na a seti foe disi den owroeman kan gi jepi toe. So wan brifi sa meki a man foe wi teki ten foe gi piki tapoe gron foe nofo ondrosoekoewroko noso tapoe gron foe go denki dipi foe sani, san moro foeroe wi no man doe na wan takimakandra na telefon.