Dienst konmakandra foe januari
Wiki di e bigin 4 januari
Singi 23
10 min: Wan toe sani foe a gemeente èn wan toe sani di fiti èn di teki poeroe foe Wi Kownoekondre Dienst.
25 min: „’A leri foe Gado’-distriktkongres foe Jehovah Kotoigi 1993”. Aksi-nanga-piki-takimakandra foe inlegvel foe sekretarsi. Kari den dei nanga a presi pe a Kongres o hori. Poti krakti tapoe a bijbel prakseri èn memre den na penti di de prenspari gi sma di abi tanpresi fanowdoe èn di de ini spesroetoe situwâsi. Den gronprakseri foe eerlijkfasi, foe no de trangajesi, foe abi lobi broko ede gi trawan, èn den sortoe sani dati, e fiti ala ten. Prèise den brada nanga sisa taki den e wroko makandra nanga den difrenti kongres seti.
10 min: Fanowdoe foe a gemeente, noso taki di nen „Tan si prisiriten na wan joisti fasi”, èn di gron tapoe Ontwaakt! foe 8 november 1992, bladzijde 3-10.
Singi 139 nanga lasti begi.
Wiki di e bigin 11 januari
Singi 162
10 min: Wan toe sani.
20 min: „Preiki a fasi fa Gado sa tjari vrede nanga seikerfasi kon”. Aksi-nanga-piki-takimakandra foe artikel. Gi den preikiman deki-ati foe den gebroiki traktaat ini velddienst. Baka te joe taki foe paragraaf 3, meki wan preikiman di sreka ensrefi boen na tapoe, demo fa wan bijbelstudie kan bigin na a fosi fisiti noso gobaka, ala di a e gebroiki a traktaat A grontapoe disi sa tan? Preikiman: „Morgoe. Tide wi e taki nanga sma foe a kwaliteit foe a libi foe disiten. Joe satisferi nanga den sani di joe e si taki e pasa ini a libi foe sma ini a ten disi?” Ososma: „Nôno.” Preikiman: „Joe denki taki a situwâsi sa kon moro boen?” Ososma: „Mi no sabi.” Preikiman e pristeri traktaat èn e taki: „Son sma e denki taki san e pasa na wan kon troe foe bijbel profeititori èn taki a kaba foe grontapoe de krosibei. San joe e denki?” Ososma: „Mi no sabi. Mi denki taki a man.” Preikiman e sori go na traktaat èn e froeklari dati a kaba foe grontapoe no wani taki a kaba foe den troetroe hemel nanga grontapoe. Preikiman e seti sani gi wan tra fisiti foe loekoe den bijbel boeweisi taki a kaba foe a sistema disi de krosibei.
15 min: Wai pasa gi problema foe broedoe transfusie—A de ten foe vul wan njoen broedoe karta in. Owroeman di abi na pisi disi moesoe meki den prati njoen karta gi preikiman di dopoe èn a moesoe loekoe a brifi foe 15 oktober 1991, finifini, pe den e taki fa foe gebroiki a karta disi. Te joe e sreka joesrefi, loekoe a brifi foe a genootschap foe 1 januari 1990 finifini. Den wan di e poti den nen leki kotoigi moesoe si taki a sma di abi a karta, skrifi en nen. Gi ala sma deki-ati foe vul a njoen karta in bifo den libi a kownoekondrezaal. Dopoe Kotoigi noiti no moesoe libi oso sondro den broedoe karta. Pikin di no dopoe ete èn di papa nanga mama de Kotoigi, ala ten moesoe tjari wan Identiteit-karta nanga den. Wan loekoe ben sori taki ini wan gemeente 1 foe ibri 5 preikiman no ben abi den karta nanga den, èn no wan enkri pikin ben abi den ID-karta. Leisi Odo 22:3 te foe kaba èn taki fa a e fiti.
Singi 151 nanga lasti begi.
Wiki di e bigin 18 januari
Singi 130
10 min: Wan toe sani nanga Theokrasia Njoensoe. Leisi den moni verslag èn a seni di a Genootschap seni piki taki den kisi a bijdrage di oenoe ben gi. Prèise gemeente na wan waran fasi fa den e gi moni foe horibaka gi den fanowdoe foe a gemeente, so boen leki a Kownoekondrezaal-fondsoe nanga a wroko foe a genootschap na heri grontapoe
20 min: „Gebroiki prenspari jepisani na wan konifasi”. Baka wan sjatoe inleiding foe fesiman, toe demonstrâsi sa de di gron tapoe a stòf foe san den e taki ini paragraaf 2 te nanga 5. Na a kaba foe a fosi demonstrâsi, a ososma e teki toe tijdschrift. Preikiman e pramisi foe kon baka foe gi piki tapoe na aksi: Foe san ede Gado e gi pasi foe sma e pina? Na a kaba foe a di foe toe demonstrâsi, a e bigin wan oso-bijbelstudie nanga wan traktaat di fiti. Gi ala preikiman deki-ati foe den meki ososma teki prati na wan bijbel takimakandra te den e wroko ini velddienst na a kaba foe a wiki disi.
15 min: San ede Kresten moesoe tan farawe foe broedoe. Lezing foe owroeman di gron tapoe definitie nanga den fosi dri ede paragraaf ondro „Broedoe” ini a Taki-go-taki-kon boekoe, bladzijde 78-80.
Singi 177 nanga lasti begi.
Wiki di e bigin 25 januari
Singi 128
10 min: Wan toe sani foe a gemeente. Taki foe den edepenti foe artikel „Wan toemoesi moi grani foe dini sma”. Efoe ten e gi pasi foe dati, hori aksi-takimakandra nanga wan preikiman di abi sma pe a e tjari den doronomo. Fa a ben bigin nanga dati? Fa a ben jepi en foe kweki belangstelling noso abi na koni foe si krinkrin omeni belangstelling a ososma abi?
15 min: „Joe kan dini Jehovah leki wan pionier?” Takimakandra nanga arkiman. Hori aksi-takimakandra nanga wan jongoe sma di de wan pionier noso wan preikiman di ben pionier di a ben jongoe. Tjari krin kon na fesi, fa papa nanga mama nanga trawan kan gi den jongoewan deki-ati foe doro den marki foe pionier. Taigi alamala na wan waranfasi foe go loekoe serjoesoe efoe den man teki prati ini a foeroeten diniwroko. Meki plan now foe go ini a jepipionierwroko ini april.
20 min: „Bow tapoe belangstelling di sma ben sori, foe di joe e tjari gobaka di abi boen bakapisi”. Sjatoe lezing èn baka dati demonstrâsi foe takimakandra di skrifi ini paragraaf 3. Efoe ten de gi dati, den kan taki baka foe son prenspari penti foe a pristeri, so leki na biginpisi noso a pisi foe go tapoe a bijbeltekst.
Singi 160 nanga lasti begi.