„A leri foe Gado”-distriktkongres foe Jehovah Kotoigi 1993
1 Ala den 3483 sma di ben fisiti a „Tjariman foe leti”-distriktkongres foe 1993 ini Sranan, ben meki den warderi foe dini leki tjariman foe leti ini a doengroe grontapoe disi kon moro bigi (2 Petr. 1:19). Fa a ben de wan toemoesi switi tori taki 54 lobiwan ben simboliseer a gi di den gi densrefi na Jehovah nanga jepi foe dopoe ini watra èn e kon horibaka gi a bigi ipi foe tjariman foe leti! Foe abi boen bakapisi, dan tjariman foe leti moesoe waka baka oen Gran Leriman Jehovah èn a Bigi Meester Jesus. A no de foe taki dati wi abi wan toemoesi „prenspari” boskopoe, èn „A leri foe Gado”-distriktkongres foe a jari disi, sa jepi wi foe abi moro boen bakapisi foe doro na ati foe sma nanga a toemoesi prenspari bodoi disi (Ps. 119:160; Mat. 28:20). Zendeling na heri grontapoe e seti sani now kaba foe fisiti den kongres disi ini den eigi kondre. Joe nanga joe famiri e meki den srefi sortoe plan dati? Foe san ede joe no e gi den bijbel studenti foe joe na deki-ati foe den fisiti a goedoe jeje fesa disi?
2 De seiker taki joe e meki den sani di joe e seti gi na kongres nanga sorgoe èn ondro begi, so taki joe kan de drape foe njanboen foe ala den fo dei foe a switi jeje programa, foe a bigin singi te nanga a lasti begi. Teki denwan nanga spesroetoe fanowdoe na wan lobi fasi ini den plan foe joe, spesroetoe den sma di no sori belangstelling so langa ete, so taki den so srefi kan fisiti ibri konmakandra (Gal. 6:10). A programa e bigin 4.30 bakadina tapoe fodewroko èn e kaba 8.00 joeroe na neti. Tapoe freide nanga satra, a programa e bigin 9.20 mamanten èn e tapoe nanga singi èn begi 5.00 bakadina. A sondemamanten konmakandra e bigin 9.20 èn a programa e kaba 4.10 joeroe bakadina. Den bodoi di e kon now sa jepi joe foe bigin sreka sani now kaba.
3 Spesroetoe fanowdoe: A seti disi de soso gi preikiman di de boen eksempel, so srefi gi den pikin foe den di abi boen maniri, di na Dienstkomte foe a gemeente ben feni boen èn di no man seti wan tanpresi gi densrefi. Na gemeente pe den e go sa orga sani foe sorgoe gi den sma nanga spesroetoe fanowdoe. Owroeman nanga trawan di abi sabi foe den persoonlijk situwâsi disi kan gi jepi na wan lobi fasi. Disi foeroetron e aksi taki preikiman moesoe prakseri foe den nowtoe foe den di de ini a foeroeten diniwroko, den owroe sma, den malengriwan, den dofoewan nanga kande trawan toe. Preikiman kan pristeri jepi na den wan disi foe di den e tjari den noso e sorgoe gi den fanowdoe foe den na tra fasi.—Jak. 2:15-17; 1 Joh. 3:17, 18.
4 A no de foe taki, dati na Afdeling Tanpresi, sa proeberi foe sorgoe gi boen tanpresi gi preikiman nanga spesroetoe fanowdoe efoe den sma foe a gemeente no man foe jepi den. Den preikiman disi man taki foe den situwâsi nanga a sekretarsi foe a gemeente. Na sekretarsi moesoe go loekoe makandra nanga a Dienstkomte foe na gemeente san de fanowdoe, so taki den kan go wroko makandra nanga den sma disi foe den dati srefi kan sorgoe foe wan boen tanpresi. Efoe na gemeente no man foe gi na jepi di de fanowdoe, dan na sekretarsi sa gi den sortoe sma disi wan aanvraagformulier foe Spesroetoe Fanowdoe Tanpresi. Soso den sma nanga spesroetoe fanowdoe moesoe vul a formulier disi in. A moesoe gi baka na a sekretarsi èn tjèk efoe a vul in dorodoro, soifri, èn tjèk efoe den situwâsi e meki taki den moesoe kisi tanpresi. Ala den sani disi moesoe doe wan moi pisi ten fosi na kongres. A sekretarsi sa taki FINIFINI foe den situwâsi tapoe a formulier ini a presi di ben gi foe dati. Ala den sani disi moesoe pasa langa nofo fosi a kongres. Na sekretarsi sa seni dan a formulier go na a Afdeling Tanpresi. Na sma di ben seni na aanvraag disi sa kisi ensrefi foe jere pe na tanpresi foe en sa de.
5 Den sma nanga spesroetoe fanowdoe NO moesoe go na a kongres èn aksi foe wan kamra te den doro drape foe di na a Afdeling Tanpresi moesoe abi den papira foe den nanga den bodoi fosi, foe a Dienstkomte foe a gemeente.
6 Den e sorgoe foe kamra ini sma oso, spesroetoe gi den wan di ben sa ondrofeni troetroe problema efoe den sortoe presi disi no ben de foe kisi. Den presi disi no de gi sma di man foe pai wan kamra ini wan hotel ma di wani fri kamra noso kamra di no diri, soso foe kan kibri den moni. So srefi toe, a no fiti foe meki wan fowtoe gebroiki foe a teki di wi brada e teki wi ini den oso foe di wi e froewakti taki wi sa man tan wan toe dei moro na den. Den kamra disi de SOSO gi den kongres dei. Den sma di e kisi den sortoe tanpresi disi sa loekoe boen taki den nanga den pikin foe den e behandel na oso foe a sma pe den e tan na wan respeki fasi èn no e pori noti, no go troeboetroeboe ini a sma sani, noso go na presi ini na oso pe a sma wawan mag foe go. Efoe wan ososma ondrofeni wan foe den sani disi di kari djaso, dan wantron disi moesoe taigi na a brada di e sorgoe foe gi tanpresi na a kongres, èn a sa breiti foe kan gi jepi.
7 Njanjandienst: Neleki a jari a fesi na so den ben meki wan eenvoudig seti gi 1992 gi a njanjandienst. Disi e lekti a wroko srefisrefi èn a e meki en mogelijk foe poti moro prakseri na den jeje pisi foe a kongres, so taki den friwani wrokoman kan njanboen moro foe a programa (Ex. 12:16b; Deut. 31:12; ad blz. 370 (Bakratongo); teki gersi Lukas 10:38-42). Den njanjan sani di sa de sa sari foe mamanten nanga bakadina. (Teki gersi Mateus 14:14-20.) Ibri sma de fri foe sorgoe gi en eigi bakadina njanjan, ala di wan toe njanjan sani sa de foe kisi tapoe a kongres.
8 A Genootschap abi spesroetoe warderi foe a toemoesi boen jepi di oenoe, leki brada nanga sisa ben gi na den seti foe njanjandienst tapoe den distriktkongres ini den jari di pasa. Disi ben meki a de mogelijk foe joeroe boen presi èn foe kan pai den kongres paiman. A ben gi oenoe so srefi na okasi foe tan na a bakadina pause tapoe a kongres presi èn de biten en nanga boen firi baka gi na moro prenspari jeje programa.
[Faki na tapoe bladzijde 4]
„A LERI FOE GADO”-DISTRIKTKONGRES FOE JEHOVAH KOTOIGI 1993
19, 20, 21, 22 augustus Sranantongo Gabaka
9, 10, 11, 12 september Bakratongo Tweede Rijweg
16, 17, 18, 19 september Sranantongo Tweede Rijweg
23, 24, 25, 26 september Ingrisitongo Tweede Rijweg