Studeri a Libi foe têgo-boekoe nanga na Anbegi-boekoe
1 Traktaat, brochure, tijdschrift nanga boekoe—joe kan gebroiki alamala foe bigin wan oso-bijbelstudie na sma di abi belangstelling. Foe di a boekoe A moro bigi libisma foe ala ten ben panja foeroe èn foe di a e hari sma, meki den ben gebroik en foe bigin wan studie. Seiker, ala sma moesoe kisi deki-ati foe leisi èn studeri en. Wi ben doe dati, foe di wi ben sreka doronomo gi a theokrasia diniwroko-skoro èn ben de drape.
2 Ma, wi abi spesroetoe boekoe di wi moesoe studeri nanga njoensma, foe jepi den foe kan froestan den fondamenti bijbel leri nanga so toe den kresten markitiki foe a libi. Den disi na: Joe kan libi foe têgo ini wan paradijs na grontapoe nanga Den tjari den kon na wan ini na anbegi foe a wanenkri troe Gado. Den sma di e hori wan oso-bijbelstudie ini wan tra poeblikâsi, e kisi a rai foe go abra na wan foe den boekoe disi, so esi a kan. Efoe joe ben e hori wan studie ini a Moro bigi libisma-boekoe, dan gi a studenti deki-ati foe leisi a boekoe go doro ensrefi. Wan bijbelstudie moesoe go doro te leki a Libi foe têgo-boekoe èn na Anbegi-boekoe kaba studeri, awinsi kande wan sma e teki dopoe fosi a kaba nanga a di foe toe boekoe. A fasi disi foe wroko sa gi a bijbelstudenti wan moro dipi inzicht èn meki a de moro steifi na jeje fasi.