Jepi trawan nanga jepi foe den tijdschrift
1 Fa wi e breiti te wi e kisi den njoen nomroe foe A Waktitoren nanga Ontwaakt! Wi e warderi na okasi foe leisi den so esi leki a kan, so taki wi kan abi wini foe den bodoi di skrifi na ini. Boiti foe soekoe materiaal di kan jepi wi persoonlijk, a de wan boen prakseri foe soekoe penti di wi kan gebroiki foe pristeri den tijdschrift na tra sma. Kande wi wani poti marki gi son pisi, di spesroetoe sa hari den sma ini a gebied foe wi gemeente noso skrifi na a seilin foe wi eigi eksemplaar, foe memre wi na den penti foe takimakandra nanga a fasi fa na artikel ben sa kan pristeri ini wi birti.
2 Den tijdschrift foe wi no e lasi den waarde. Ala di ini a fosi presi wi e prakseri foe pristeri den njoen tijdschrift, wi no abi foe trowe den owroe nomroe, foe di den bodoi di skrifi na ini no kon owroe. Hori wan toe owroe tijdschrift ini joe tas, so taki joe kan gebroiki den ini a gi foe kotoigi. Den kan de spesroetoe boen, te joe e kon sabi taki na ososma abi wan spesroetoe fanowdoe.