Teki penti di fiti foe joe kan taki foe den
1 San wi kan doe foe gi sma deki-ati foe leisi A Waktitoren nanga Ontwaakt! doro? A de fanowdoe foe wi abi penti di e wiki belangstelling foe taki foe den te wi e rikomanderi den tijdschrift na trawan. Efoe wi kon sabi den sma foe wi gebied boen èn wi abi den na prakseri, te wi e leisi den tijdschrift, dan wi kan soekoe penti di kan hori den belangstelling.
2 Ini son kontren sma abi kande a srefi bakagron, di e meki en moro makriki foe feni wan sani di moro foeroe sma ben sa abi belangstelling gi en. Ma na tra presi, wi kan feni sma di abi foeroe difrenti bakagron. Efoe wi abi wan toe penti foe taki na ede, wi kan teki wan di fiti moro boen na iniwan sma di wi miti.
3 No de toemoesi esi foe poti owroe nomroe foe den tijdschrift na wan sei te joe e kisi den moro njoen wan. Wan brada gwenti foe hori dri noso fo nomroe foe A Waktitoren meki a ososma si èn a e gi en na okasi foe a teki sortoe wan a wani leisi. Efoe wi feni taki wi e kisi moro tijdschrift leki san wi kan pristeri, dan wi moesoe go denki foe kenki san wi ben e bisteri.
4 Te wi e gebroiki ala ten penti di fiti foe taki foe den, wi kan wiki a belangstelling foe trawan foe leisi den tijdschrift foe wi èn kande den sortoe sma disi e meki wan bigin foe waka a pasi foe libi (Mat. 7:14). Te wi e go loekoe a prenspari afersi disi finifini, dan wi kan de seiker foe a blesi foe Jehovah.