Diniwroko-konmakandra foe november

Wiki di e bigin 1 november

Singi 5

10 min: Wan toe sani foe a gemeente èn Wan toe sani foe Wi Kownoekondre Dienst. Prèise preikiman foe a teki di den e teki prati na a Kownoekondre preikiwroko.

10 min: „Dren”, Taki-go-taki-kon-boekoe, bladzijde 121-123. A moesoe hori leki wan takimakandra nanga wan bijbelstudenti. A studenti e aksi efoe a de wan koni sani foe kisi tiri foe den dren foe wi. Taki foe a kefar foe a sani disi, fa a kan meki wi fadon go ini a trapoe foe grontapoe fasi foe denki èn foe ogri jeje. Sori o prenspari a de foe kisi tiri foe den gronprakseri foe Gado Wortoe.

10 min: Fanowdoe foe a gemeente noso „Komunikasi - Moro leki taki nomo”. Wan lezing di abi en gron na tapoe den artikel ini A Waktitoren foe 1 augustus 1993, bladzijde 3-8 (Bakratongo).

15 min: „A waarde foe bijbel ini a grontapoe foe a ten disi”. Takimakandra na mindri a dienst-opziener èn wan preikiman di wani foe go na fesi ini a doe foe na oso-foe-oso wroko. Baka di den loekoe paragraaf 3, a dienst-opziener e aksi a preikiman foe proeberi a pristeri di den gi leki rai, nanga a dienst-opziener leki ososma. Baka di den loekoe paragraaf 4, a dienst-opziener e doe a pristeri di den gi leki rai, na a preikiman. Gi a gemeente deki-ati foe jepi sma di abi belangstelling èn bijbelstudenti foe abi warderi gi a waarde foe a Njoen Grontapoevertaling.

Singi 52 nanga lasti begi.

Wiki di e bigin 8 november

Singi 7

10 min: Wan toe sani foe a gemeente. Demo a pristeri foe den njoen tijdschrift, di e pristeri wan artikel di kan gebroiki ini a velddienst na a kaba foe a wiki disi. Poti prakseri na tapoe „Wan spesroetoe moen gi velddienst” èn gi ala sma wan kari foe go loekoe serjoesoe efoe den man doe moro ini a velddienst ini december leki jepipionier noso foe di den e wroko nanga den pionier.

15 min: „A boekoe di e gi troetroe tiri”. Aksi-nanga-piki-takimakandra foe na artikel. Demo a go-baka fisiti di skrifi ini paragraaf 3. Gi ala sma a deki-ati foe de nanga faja foe a praktis waarde foe bijbel, te wi e taki nanga sma ini na oso-foe-oso wroko èn te wi e go baka na den.

20 min: „Jongoewan​—Prisiri na ati foe Jehovah”. Wan owroeman e taki nanga toe noso dri jongoe preikiman di dopoe foe paragraaf 1-18. Poti krakti na tapoe den wini di jongoesma abi foe di den de wan boen eksempre èn a waarde foe „Jongoe sma e aksi. . . ”-artikel. Loekoe den bijbeltekst efoe ten e gi okasi gi dati.

Singi 80 nanga lasti begi.

Wiki di e bigin 15 november

Singi 73

10 min: Wan toe sani foe a gemeente, so srefi raport foe moni afersi nanga piki taki a Genootschap ben kisi den bijdrage di den ben gi. Prèise a gemeente foe den moni di den ben gi foe horibaka gi a gemeente so boen leki a Kownoekondrezaal fondsoe èn gi a wroko di a Genootschap e doe na heri grontapoe. Taki foe sani di seti gi velddienst ini den grontapoe fesadei di de krosibei.

15 min: „Sorgoe gi den sani di den dofoewan abi fanowdoe na jeje fasi”. Aksi nanga piki. Efoe no wan dofoe memre de ini a gemeente, poti prakseri na tapoe taki wi no moesoe frigiti den dofoe sma di wi ben feni ini a gebied. De srekasreka nanga njoen traktaat di tjari kon na doro gi dofoe sma.

20 min: „Jongoewan​—Prisiri na ati foe Jehovah”. Aksi-nanga-piki-takimakandra foe paragraaf 19-33 foe na inlegvel. Takimakandra nanga wán noso toe jongoe preikiman. Meki den taki fa a gemeente ben jepi den ini a gro di den ben gro na jeje fasi.

Singi 90 nanga lasti begi.

Wiki di e bigin 22 november

Singi 74

10 min: Wan toe sani foe a gemeente nanga Theokrasia njoensoe. Gi deki-ati foe gebroiki den njoen tijdschrift ini a gi foe kotoigi na a kaba foe a wiki disi.

15 min: „Jepi bijbelstudenti foe sreka densrefi gi a studie foe den”. Aksi nanga piki. Leisi den paragraaf efoe ten e gi okasi gi dati.

20 min: „Joe e taki-go-taki-kon nanga jepi foe den Boekoe foe bijbel?” Aksi-nanga-piki-takimakandra foe wan brada di abi boen bakapisi ini na oso-foe-oso wroko èn a wroko foe tjari go-baka fisiti. Baka te joe loekoe paragraaf 4, demo fa wan preikiman kan teki wan tekst noso teki en taki na ede, te na ososma abi foeroe foe doe. Baka a demonstrâsi, poti krakti na tapoe a waarde foe waka baka a rai disi te wi e doe moeiti foe „preiki a wortoe” ini kontren, pe someni sma ala ten abi foeroe foe doe noso den abi en druk nanga den aladei afersi (2 Tim. 4:2). Baka te joe loekoe paragraaf 6, aksi wan preikiman di abi boen bakapisi nanga a Taki-go-taki-kon-boekoe foe froeteri fa a e gebroiki en te a e gi kotoigi.

Singi 108 èn lasti begi.

Wiki di e bigin 29 november

Singi 83

10 min: Wan toe sani foe a gemeente. Gi deki-ati na denwan di kan go ini a jepi-pionierwroko ini december.

15 min: „Bijbel​—Wan praktis tjariman gi disiten libisma”. Wan lezing di wan famiri edeman e hori tapoe a gron foe wan artikel ini A Waktitoren foe 1 mei 1993. Poti krakti na tapoe taki a doe di wan sma e doe bijbel gronprakseri, kan meki dati wan osofamiri sfeer foe lobi èn vrede e kon. Aksi wán noso toe komentaar di sreka na fesi foe a poebliki, di e sori fa a rai foe Gado Wortoe ben jepi wan osofamiri noso wan aparti sma.

20 min: Gebroiki ini december a Moro bigi libisma boekoe foe jepi den sma di gersi skapoe. Takimakandra nanga a poebliki. Poti den aksi leki: Sortoe tori foe Jesus diniwroko noso a fasi fa a ben handri nanga trawan, ben naki joe ati srefisrefi? Foe san ede a tori disi ben naki joe ati? Sortoe waarde a poeblikâsi disi ben abi gi joe? San joe ben leri foe Jehovah, foe di joe ben studeri en? Sortoe penti joe ben tjari kon na fesi di joe ben pristeri en? Meki wan preikiman nanga ondrofeni demo wan pristeri foe a boekoe. Gi ala sma deki-ati foe abi wan prati ini a velddienst sonde.

Singi 94 nanga lasti begi.