Bijbel—A moro owroe njoenten boekoe foe libisma
1 Na ini a heri historia, bijbel na a boekoe di prati moro leki ala tra boekoe. No wan enkri boekoe vertaal na ini so foeroe tongo. Boiti dati, no wan enkri tra groepoe foe sma ben de so fajafaja foe prati bijbel leki den Jehovah Kotoigi, èn so srefi no wan tra groepoe ben de soleki den Jehovah Kotoigi na ini a pristeri di den e pristeri a boekoe disi leki a Wortoe foe Gado na poebliki.
2 Foe di bijbel na Gado Wortoe, dati meki wi kan de seiker taki a e jepi sma na ini a ten disi foe loesoe den problema na wan praktis fasi. Èn Jehovah en organisâsi e jepi sma foe feni wan loesoe gi den problema disi na wan praktis fasi, nanga jepi foe den poeblikâsi èn so srefi nanga jepi foe video. Dati meki wi breiti foe meki bekènti taki joe kan aksi na ini joe gemeente na ini Bakratongo a video De Bijbel—Het oudste moderne boekoe van de mensheid (Bijbel—A moro owroe njoenten boekoe foe libisma), a di foe toe video foe den dri video di e sori taki bijbel komoto foe Gado. A video e plèi fotenti miniti.
3 Neleki a fosi video foe den dri video disi, dan a di foe toe video e bow froetrow na ini bijbel leki wan tiri di komoto foe Gado. Na tapoe a video disi sma kan si opname di teki na bijbel kondre nanga museum na heri grontapoe, èn disi meki foe jepi wi froestan fa Jehovah Gado kibri bijbel na ini ala den jarihondro di pasa teleki now. Joe sa si taki bijbel tan soifri teleki now ete, ala di bijbel skrifi abra foeroetron èn a vertaal foeroetron toe. Joe sa si taki a boekoe disi foe Gado kibri teleki now ete, ala di toemoesi foeroe gens ben de teige a boekoe disi. Joe sa si sma toe, di de wan libilibi kotoigi foe a fasi fa bijbel e kenki a libi foe sma gi a boen foe den.
4 A video disi warti foeroefoeroe gi den takimakandra foe na osofamiri èn gi foeroe tra praktis sani—neleki fa a fosi video ben de dati toe. Wi de nanga overtoigi taki Jehovah sa blèsi a gebroiki di sma sa gebroiki a video disi. Den sma di no aksi foe a video disi ete, kan doe dati na den brada di doe lectuur na ini a gemeente. Den video De bijbel—Nauwkeurige geschiedenis, betrouwbare profetieën (Bijbel—Soifri historia, profeititori di joe kan froetrow) nanga Jehovah’s Getuigen—De organisatie achter de naam (Jehovah Kotoigi—Na organisâsi baka a nen), de foe kisi toe.