Aksi boksoe
◼ Sortoe prakseri wi moesoe poti tapoe den wrokosani di wi abi fanowdoe ini a kotoigi wroko?
1 Ala di wi kan abi wan boen bijbel pristeri na prakseri, tokoe wan preikiman foe a boen njoensoe kande no de srekasreka foe gebroiki den wrokosani foe en. Te a de na a doro foe sma, kande a no abi den poeblikâsi di wi e pristeri a moen dati na en. Kande den tijdschrift, brochure nanga den traktaat di a abi na ini en velddienst tas doti noso priti. Kande a no man feni en skrifitiki noso en oso foe oso raport, foe di a tas foe en no orga boen. A de prenspari foe loekoe joe wrokosani boen bifo joe abi wan prati na ini a velddienst.
2 Sortoe sani moesoe de ini wan velddienst tas di orga boen? Bijbel de a moro prenspari sani. Poti wan toe oso foe oso raport na ini joe tas toe. Sorgoe taki joe abi a poeblikâsi di wi sa pristeri a moen dati. Den njoen tijdschrift nanga traktaat nanga brochure de fanowdoe toe. Abi wan eksemplaar foe a Redeneren-boekoe (Taki-go-taki-kon-boekoe) nanga joe. Efoe joe abi a moro njoen Kownoekondre Dienst dan joe sa kan loekoe den pristeri di gi leki rai baka bifo joe e go na a doro foe sma. Te joe e wroko na ini wan kontren pe joe sa miti sma di e taki wan freimde tongo, dan a ben sa de boen foe abi a brochure Goed nieuws voor alle natiën (Boen njoensoe gi ala den nâsi). Efoe joe tjari wan eksemplaar foe wan foe den poeblikâsi di meki spesroetoe gi jongoe sma, dan dati sa jepi joe foe man taki nanga tini.
3 Ala sani di joe e gebroiki moesoe orga boen na ini joe tas. A tas srefi no abi foe de njoen, ma a moesoe de krin èn ini wan boen kondisi. Joe velddienst tas na wan pisi foe joe wrokosani di joe e gebroiki te joe e preiki a boen njoensoe. Meki a loekoe boen alaten.