Wan toe sani foe memre a sekretarsi nanga a dienstopziener

Ibri jari wan sani na ini a Kownoekondre Dienst foe februari e poti a prakseri foe a sekretarsi nanga a dienstopziener na tapoe „a loekoe di den moesoe loekoe den aktiviteit baka foe ala den gewoon pionier”. San na a marki foe a sjatoe loekoe baka disi? A de foe kon sabi soema abi jepi fanowdoe kande, foe miti den joeroe di den moesoe doro bifo a dienstjari e kaba.

Den gewoon pionier moesoe gi 1000 joeroe ibri jari na a diniwroko. Na a kaba foe a moen februari, son pionier e si taki den no abi nofo joeroe foe doro a marki, èn disi kan meki den lasi-ati. Foeroe tron den owroeman kan jepi den pionier, foe di den e gi den pionier deki-ati èn praktis rai. Disi kan bepaal efoe den pionier sa abi boen bakapisi foe di den e proeberi foe miti den joeroe di den moesoe doro ini a jari, noso efoe den o stop nanga den pionier aktiviteit.

Den pionier seiker sa warderi a broko di den owroeman e broko den ede troetroe ini a tori disi. A gemeente sa kisi wini toe, foe di den abi pionier di de kolokoe ini den diniwroko èn di e tan getrow na ini a toewijzing foe den.