Sani di wi moesoe hori na prakseri gi a Memrefesa

A Memrefesa sa de tapoe sonde 23 maart. Den owroeman moesoe poti prakseri na den sani di e kon now:

◼ Te oenoe e poti a ten foe a fesa, sorgoe taki a brede nanga a win no prati te leki baka te son dongo.

◼ Ala sma, so srefi a takiman, moesoe kisi foe sabi a joisti ten èn presi pe a Memrefesa sa hori.

◼ A joisti sortoe brede nanga win moesoe de kaba èn moesoe de srekasreka.​—Loekoe De Wachttoren foe 15 februari 1985, bladzijde 19.

◼ Oenoe moesoe tjari preti, grasi nanga wan tafra nanga tafradoekoe di e fiti go na a zaal èn poti den na a joisti presi fosi a konmakandra e bigin.

◼ A Kownoekondre zaal noso wan tra konmakandra presi moesoe krin boen na fesi.

◼ Den owroeman moesoe loekoe soema den o teki leki dienst-jepiman nanga den sma di o prati den simbôl èn moesoe sori den na fesi fa a joisti fasi foe doe sani o de èn san den frantiwortoe foe den de.

◼ Sani moesoe sreka na fesi foe prati den simbôl gi iniwan memre foe a salfoe groepoe di siki èn di no man foe de drape.

◼ Te moro leki wán Memrefesa sa hori na ini a srefi Kownoekondre zaal, dan wan boen wrokomakandra moesoe de na mindri den gemeente foe no meki sma lai na fesisei foe a zaal foe soso, na a mofodoro, na presi pe sma e waka èn na a parkeerpresi.