A jeje foe Jehovah de nanga wi
1 Leki Kotoigi foe Jehovah, wi abi wan kefalek bigi wroko toewijzing. Jesus ben taki: „Na ini ala nâsi a boen njoensoe moesoe preiki fosi” (Mark. 13:10). Efoe wi e si en leki fa libisma e si en, dan a ben sa gersi leki disi no kan, ma dati no de so. Wi abi a moro bigi krakti na ini na universum di e jepi wi — a jeje foe Gado. — Mat. 19:26.
2 Boeweisi foe a fosi-jarihondro: Di Jesus ben e fiti a profeititori foe Jesaja tapoe ensrefi, a ben taki: „A jeje foe Jehovah de na tapoe mi . . . foe meki boen njoensoe bekènti” (Luk. 4:17, 18). Bifo a opo go na hemel, a ben taigi den apostel foe en taki, na a srefi fasi den ben sa kisi krakti foe a santa jeje foe gi kotoigi „te na a moro farawe pisi foe grontapoe”. Baka dati, a santa jeje ben tiri Filipus foe go preiki gi wan tiriman foe na kownoe-oso foe Etiopia, a jeje ben seni Petrus go na wan tiriman foe legre foe Rome, èn a ben seni Paulus nanga Barnabas go foe preiki gi den heiden nâsi. Soema ben sa denki taki sma foe den sortoe background dati ben sa handri boen tapoe waarheid? Ma den ben doe dati troetroe. — Tori. 1:8; 8:29-38; 10:19, 20, 44-48; 13:2-4, 46-48.
3 Eksempre foe a ten disi: A boekoe Openbaring e poti krakti tapoe a prati di a santa jeje ben o abi na ini a disiten preikiwroko, foe di a e taki: „A jeje nanga a trow-oema ben tan taki: ’Kon!’ . . . Meki ibriwan sma di wani so, teki a watra foe libi foe soso” (Openb. 22:17). A jeje boeweigi a trow-oema groepoe foe Krestes nanga den kompe „tra skapoe” foe den, foe preiki a boen njoensoe gi ala sma (Joh. 10:16). Wi moesoe taki sondro frede na ini wi preikiwroko, èn noiti wi no moesoe draidrai foe go na ala sortoe foe sma, foe di ala ten wi abi a froetrow taki a jeje foe Gado sa jepi wi. A Jaarboek 1998 e gi overtoigi boeweisi taki a jeje foe Gado e tan de nanga den foetoeboi foe en. Loekoe den bakapisi! Na ini den toe dienstjari di pasa, wan gemiddelde foe moro leki 1000 sma ben teki dopoe ibri dei.
4 Abi a djaranti taki a jeje foe Gado sa tan de nanga wi, ala di wi e preiki a Kownoekondre boskopoe so fara leki Jehovah wani dati. Foe di wi sabi disi, dan a moesoe gi wi deki-ati èn a moesoe boeweigi wi foe tan meki tranga moeiti na ini a Kownoekondre wroko di de toemoesi prenspari. — 1 Tim. 4:10.