Diniwroko-konmakandra foe januari
Wiki di e bigin 4 januari
Singi 71
10 min: Wan toe sani foe a gemeente. Wan toe sani di teki poeroe foe Wi Kownoekondre Dienst. Efoe den konmakandra ten kenki 1 januari, dan memre ala sma foe gebroiki den strooibiljet di e sori a njoen schema.
15 min: „Gebroiki den moro owroe boekoe na wan boen fasi.” Aksi nanga piki. Meki a gemeente kon sabi sortoe owroe boekoe de foe kisi ete. Taki foe wan toe moi penti foe den boekoe disi, èn froeklari fa wi kan pristeri den na trawan. Gi ala sma deki-ati foe pristeri den boekoe disi na ini a velddienst èn te den e doe okasi preikiwroko na ini januari. Hori wan demonstrâsi foe wan sjatoe èn makriki pristeri.
20 min: A ten doro foe meki wan njoen Broedoekarta (Vooraf opgestelde medische richtlijn/ontheffing. Wan lezing di wan bekwaam owroeman e hori èn a e sori o prenspari a de foe skrifi a karta boen, foe poti a joisti datum na en tapoe èn foe abi en na joe ala ten. Rai di Gado gi na Psalm 19:7 nanga jepi foe en santa jeje, e sori taki Tori foe den Apostel 15:28, 29 na wan fasi fa Gado e sori san na a volmaakti wet foe en ini a tori foe broedoe. Loyaal anbegiman e doe moeiti foe hori a wet dati hei. A document disi e meki sma sabi taki joe abi a fasti bosroiti foe doe dati toe èn a ’e taki’ gi joe te joe no man taki (moro) gi joesrefi. (Teki gersi Odo 22:3.) A sekretarsi sa loekoe taki ibri boekoestudieleider abi den karta di de fanowdoe gi en boekoestudie, so taki a kan prati den tide neti. Wan njoen karta moesoe meki ibri jari foe gi wan njoen froeklari foe a weigri di wi e weigri foe teki broedoe, foe di son datra nanga tra sma taki dati document di owroe moro leki wán jari no e sori kande san na a overtoigi di a sma abi nownow. A Broedoekarta noso Vooraf opgestelde medische richtlijn/ontheffingskaart: Na baka a konmakandra disi, den Kotoigi di dopoe èn di wani dati, sa kisi wan njoen karta, èn den wan di abi jongoe pikin di no dopoe ete sa kisi wan Identiteit-karta gi ibriwan foe den pikin. Oenoe no moesoe skrifi na tapoe den karta disi tide neti. Na oso den karta moesoe vul in soifri, ma oenoe NO moesoe skrifi oen nen na ondro ete. Na baka a gemeente boekoestudie foe a wiki di e kon èn na ondro a tiri foe a boekoestudieleider, oenoe moesoe skrifi oen nen na ondro, den sma di ben de kotoigi foe disi moesoe skrifi den nen toe èn a datum moesoe skrifi na tapoe ala den karta. Bifo oenoe e skrifi oen nen na ondro, loekoe efoe a karta vul in soifri. Memre taki wan froeklari di no skrifi boen, di no abi a joisti datum na en tapoe noso wan handtekening, no e loesoe problema, ma e tjari problema kon. Den sma di e poti den nen na tapoe a karta leki kotoigi, moesoe si troetroe taki a sma di abi a karta, skrifi en nen na tapoe a karta. Den nen foe den sma di kisi pasi foe loekoe gi na eiginari foe a karta taki ala sani e doe di skrifi na tapoe, no moesoe teki abra somaar foe a karta foe a jari di pasa. Joe moesoe aksi den primisi foe doe dati. Loekoe taki ala sani skrifi soifri, soleki na adres nanga a telefon nomroe. Preikiman di no dopoe ete noso preikiman di abi papa nanga mama di no de dopoe Kotoigi, kan meki wan karta gi densrefi èn gi den pikin foe den foe di den e skrifi den sani abra foe a karta disi èn fiti dati na den eigi situwâsi èn na san den e bribi. Den boekoestudieleider moesoe meki wan lijst foe de seiker taki ala sma di de foe a groepoe foe den, kisi a jepi di den abi fanowdoe foe vul a Broedoekarta in. Memre den brada nanga sisa ete wan leisi na „Den sani di joe moesoe doe seiker foe sreka joesrefi foe go didon na ati-oso.” Na overzicht disi ben gi ini wan brifi foe 1 december 1995. Taki toe foe a mededeling na ini Wan toe sani di e taki foe sma di o go nanga fakansi na dorosei kondre.
Singi 13 nanga lasti begi.
Wiki di e bigin 11 januari
Singi 94
10 min: Wan toe sani foe a gemeente. Raport foe moni afersi.
20 min: „A bosroiti foe wi—Foe waka Jehovah en pasi foe libi.” Wan lezing. Gi ala sma deki-ati foe kon na den feifi alawiki konmakandra foe a gemeente doronomo.
15 min: „Hori pasensi.” Takimakandra na mindri memre foe wan osofamiri. Den e taki fa den kan sori moro pasensi na ini a diniwroko foe den. Taki so srefi foe sani di sma ben taki na ini De Wachttoren foe 15 juni 1995, bladzijde 12.
Singi 56 nanga lasti begi.
Wiki di e bigin 18 januari
Singi 75
5 min: Wan toe sani foe a gemeente.
10 min: Sani di a gemeente abi fanowdoe.
15 min: „Opziener di e teki fesi—Den gemeente boekoestudieleider.” Wan lezing di wan boekoestudieleider di de wan boen eksempre e hori, èn a e froeteri sjatoe san na den plekti foe en. A e sori fa a sortoe wroko disi e meki a gemeente go na fesi èn tan boen na jeje fasi. Taki foe prenspari sani di skrifi na ini Georganiseerd om onze bediening te volbrengen, bladzijde 43-45, 74-76.
15 min: „Fa foe bigin wan studie nanga a San Gado e aksi-brochure.” Aksi-nanga-piki-takimakandra.
Singi 57 nanga lasti begi.
Wiki di e bigin 25 januari
Singi 89
10 min: Wan toe sani foe a gemeente.
15 min: „Wan kenki kon na ini den joeroe di pionier moesoe doro.” Lezing di wan owroeman e hori. Prèise den pionier na ini a gemeente, èn gi moro preikiman deki-ati foe bigin nanga a jepi-pionierwroko nanga a gewoon pionierwroko, ala di joe e hori na prakseri taki moro wroko sa doe na ini maart, april nanga mei. Taki toe foe tori di de foe feni na ini den inlegvel foe Wi Kownoekondre Dienst foe februari 1997 èn foe juli 1998.
20 min: Joe e ondrosoekoe den Boekoe foe bijbel ala dei? Wan lezing èn wan takimakandra nanga a poebliki. Ibri jari a Genootschap e gi a pikin boekoe: Ondrosoekoe den Boekoe foe bijbel. Joesrefi noso oenoe leki osofamiri e gebroiki a poeblikâsi disi boen? Tjari kon na krin foe san ede wi moesoe loekoe a tekst foe ibri dei èn san na den winimarki di wi e kisi. Taki foe sani di e tanapoe na ini den biginwortoe foe Ondrosoekoe den Boekoe foe bijbel ala dei—1999, bladzijde 3 nanga 4. Gi preikiman wan kari foe den froeteri sortoe spesroetoe moeiti densrefi noso osofamiri e doe foe loekoe a deitekst nanga den komentaar na wan getrow fasi.
Singi 38 nanga lasti begi.