Schema gi a Diniwroko Konmakandra
Wiki Di E Bigin 9 Oktober
Singi 67
8 min: Wan tu sani fu a gemeente. Wan tu sani di teki puru fu Wi Kownukondre Dienst.
12 min: „Poti Prakseri na den Wondru Wroko fu Gado”. Den sani di yu e taki na a bigin no musu teki moro leki wán miniti. Go doro dan nanga wan aksi-nanga-piki takimakandra. Taki fu wan tu prenki na ini a nyun buku di e meki sma warderi a profeititori fu Yesaya.
25 min: „A Nyun Pisi Ten fu Dusun Yari—San a Tamara Sa Tyari Kon gi Yu?” Wan fayafaya takimakandra di a dienstopziener e hori. Baka di yu leisi wan tu sani fu a brifi fu 3 yuli 2000 di a Genootschap ben seni gi den owruman, dan gi ibri sma di de na a konmakandra wan Kownukondre Nyunsu Nr. 36. Go doro dan nanga wan aksi-nanga-piki takimakandra fu na artikel. Fruteri sortu sani a gemeente seti fu wroko a heri kontren. Poti prakseri na a fasi fa wi kan yepi nyunwan èn pikin fu kon tron preikiman di no dopu ete. Demo syatu fa fu pristeri a traktaat. Sori taki a de prenspari taki ibriwan sma e teki prati dorodoro na a kotoigiwroko disi.
Singi 25 nanga lasti begi.
Wiki Di E Bigin 16 Oktober
Singi 35
10 min: Wan tu sani fu a gemeente. Raportu fu moni afersi. Memre den preikiman taki satra nanga sonde wi o pristeri A Waktitoren nanga Ontwaakt! makandra nanga Kownukondre Nyunsu Nr. 36.
15 min: „Yepisani fu Gi Sma Leri, Deki-ati, Nanga Krakti”. (Paragraaf 1 nanga 2 nomo.) Wan lezing. Taki syatu fu a fasi fa a Genootschap bigin meki video. (Luku a Verkondigers-buku, bladzijde 600, 601.) Gi ala sma deki-ati fu luku a video Jehovah’s Getuigen — De organisatie achter de naam (Yehovah Kotoigi—Na Organisâsi Baka a Nen) fu sreka densrefi gi a takimakandra fu a Diniwroko Konmakandra na ini a wiki fu 30 oktober. Den wan di abi a video kan leni trawan di no abi en, noso kande den kan luku a video makandra nanga den.
20 min: Wi Alamala Kan Sori Taki Wi Abi a Pionier Yeye. Takimakandra na mindri wan bukustudie fesiman nanga a brada di e yepi en. Den sani di den o taki, teki puru fu A Waktitoren fu 15 oktober 1997, bladzijde 22, 23. Luku fu san ede a ben o de wan bu sani fu abi moro pionier na ini a gemeente èn fa ala sma kan yepi fu doro a marki disi. Taki tu fu a fasi fa den kan gi den wan di e pionier nownowde, deki-ati fu tan pionier èn fa ala sma na ini a gemeente kan kon moro fayafaya na ini a diniwroko.
Singi 36 nanga lasti begi.
Wiki Di E Bigin 23 Oktober
Singi 32
10 min: Wan tu sani fu a gemeente.
15 min: Sani di a gemeente abi fanowdu.
20 min: Sreka Yusrefi Bun gi den Konmakandra. Lezing èn takimakandra nanga a publiki. Den winimarki di wi kisi fu den konmakandra e anga moro furu fu omeni muiti wi meki fu sreka wisrefi. Taki syatu fu den bun rai di ben gi ini A Waktitoren fu 1 maart 1998, bladzijde 15, 16, paragraaf 8-11. Gi den arkiman wan kari fu fruteri fa densrefi kweki a bun gwenti fu sreka densrefi bun èn fa den e feni a ten di den abi fanowdu fu du dati.
Singi 93 nanga lasti begi.
Wiki Di E Bigin 30 Oktober
Singi 63
8 min: Wan tu sani fu a gemeente. Memre den preikiman fu gi den preikiwroko raportu fu oktober.
12 min: Ondrofenitori fu a Prati Di Wi Ben Prati Kownukondre Nyunsu Nr. 36. Aksi difrenti preikiman fu fruteri sortu moi winimarki den abi te nanga now di den ben prati Kownukondre Nyunsu Nr. 36. Gi gewoon pionier nanga yepipionier wan kari fu sori taki den e prisiri dati a gemeente wroko moro furu na a kotoigiwroko disi. Meki den sori tu taki den e prisiri fu di den kisi na okasi di den abi fu wroko nanga furu difrenti preikiman.
25 min: Jehovah’s Getuigen — De organisatie achter de naam (Yehovah Kotoigi—Na Organisâsi Baka a Nen). Takimakandra nanga den arkiman. Poti prakseri na den aksi di skrifi na ini paragraaf 3 fu na artikel di nen „Yepisani fu Gi Sma Leri, Deki-ati, Nanga Krakti”. Gi eksempre di e sori fa wi kan gebroiki a video fu yepi sma di wani sabi moro, fu kon sabi na organisâsi moro bun. Fruteri syatu wán noso tu ondrofenitori so srefi.—Luku De Wachttoren fu 1 oktober 1992, bladzijde 30, 31.
Singi 98 nanga lasti begi.
Wiki Di E Bigin 6 November
Singi 28
15 min: Wan tu sani fu a gemeente. Fruteri fa a e go nanga a prati di wi e prati Kownukondre Nyunsu Nr. 36. Fruteri o bigi a kontren de di wroko kaba, èn san a gemeente musu du fu wroko a tra pisi di libi ete bifo 17 november.
20 min: San Wi E Bribi? Wan brada e go baka na wan sma di ben aksi: „Sortu sani di Yehovah Kotoigi e leri e meki taki den de tra fasi leki tra kerki?” Taki fu den penti di skrifi na ini a faki tapu bladzijde 6 fu A Waktitoren fu 1 oktober 1998. Fruklari fa tra kerki no e broko den ede nanga, noso e weigri fu erken den prenspari Bijbel waarheid disi fu den leri fu libisma ede.
10 min: Singi—Wan Prenspari Pisi fu Wi Anbegi. Wan bukustudie fesiman e taki nanga tu preikiman fu a fasi fa den e singi na den konmakandra. A si taki den e singi tumusi safri. A e taki nanga den fu wan tu penti fu A Waktitoren fu 1 februari 1997, bladzijde 27, 28. Den e luku den wortu fu wan fu den singi di musu singi na a Waktitoren-studie fu a wiki di e kon, soleki fa sori na ini A Waktitoren fu 1 yuli 1999, bladzijde 20, paragraaf 12. Te wi e si a singi di wi e singi leki wan seryusu sani, dan wi sa prèise Yehovah fayafaya nanga wi heri ati.
Singi 17 nanga lasti begi.