Stadsopziener, Poti Prakseri na a Sani Disi

Fa a nen fu Kotoigi fu Yehovah musu poti na ini a telefonbuku? Wi si taki a fasi fa den poti a nen Yehovah Kotoigi na ini a telefonbuku, no de so krin. Disi kan bruya sma, bika den no e kisi nofo bodoi. Efu a gemeente abi wan telefon na a Kownukondre zaal, dan a prenspari taki den poti a nen na ini a telefonbuku. Disi o meki taki den sma di wani sabi moro èn so srefi den brada fu wi kan meki kontakti nanga a gemeente fu a birti fu den.

Disi na a fasi fa yu kan meki den skrifi a nen fu wan gemeente na ini a telefonbuku: Yehovah Kotoigi, (Birti), (Distrikt), baka dati a strati nanga a nomru fu a Kownukondre zaal nanga a telefon-nomru. Na ini distrikt di abi moro leki wan gemeente wi e gi unu a rai disi: Yehovah Kotoigi, (Birti), (Distrikt), èn baka dati den nen soleki fa na alfabet de, a strati nanga a nomru fu a Kownukondre zaal, nanga a telefon-nomru fu den gemeente.

Unsrefi kan teki a bosroiti efu unu wani ete wan tra telefon-nomru. Efu yu e gebroiki wan Kownukondre zaal makandra nanga wan tra gemeente di de fu wan tra birti, èn a nomru no de na ini a telefonbuku ete, dan unu musu poti a nen fu a birti dati tu, makandra nanga na adres èn a telefon-nomru fu a Kownukondre zaal.

A kon na krin taki wan tu gemeente no skrifi a nen fu a Kownukondre zaal fu den na ini a telefonbuku noso den no du dati bun. Disi meki wan tu problema kon spesrutu na ini moro bigi foto pe moro gemeente de. Wi e aksi taki a stadsopziener e bigin luku fa den nen fu den gemeente poti na ini a telefonbuku. Efu a nen no poti bun noso efu a no de srefisrefi, dan na opziener disi musu meki kontakti nanga den sma di e tyari a telefonbuku kon na doro. A kan aksi den fu skrifi ete wan tu sani noso fu den puru den fowtu na ini.