Sortu Marki Wi Wani Doro?
1 Fu san ede meki wi e hori oso-bijbelstudie nanga sma? Soso fu di wi wani gi sma sabi nomo so taki den kan libi na wan moro bun fasi? Noso wi wani nomo taki den e kisi wan moro bun howpu gi a ten di e kon? Nôno. A prenspari marki di wi wani doro na fu meki sma kon tron disipel fu Yesus Krestes! (Mat. 28:19; Tori. 14:21) Fu dati ede den sma di wi e studeri nanga den musu abi demakandra nanga a gemeente. Den sa go na fesi soso efu den e frustan krinkrin fa a Kresten organisâsi e wroko.
2 Fa Yu Kan Doro a Marki Dati: Na a bigin kaba fu a studie, yu musu tan gi a studenti deki-ati fu go na den gemeente konmakandra (Hebr. 10:24, 25). Fruteri en fa den konmakandra o tranga a bribi fu en, fa a o yepi en fu du Gado wani, èn fa a sa meki taki a e kisi bun demakandra nanga trawan di wani prèise Yehovah tu (Ps. 27:13; 32:8; 35:18). Te yu e fruteri en fa yu abi lobi nanga warderi gi a gemeente nanga den konmakandra, dan dati sa meki taki a sa wani de drape tu.
3 Den nyunwan musu frustan taki Yehovah en organisâsi na wan bradafasi na heri grontapu. Sori den den video di nen Jehovah’s Getuigen — De organisatie achter de naam nanga Onze gehele gemeenschap van broeders. Yepi den fu frustan taki na heri grontapu Yehovah e gebroiki milyunmilyun sma di gi densrefi abra fu du en wani. Meki den nyunwan disi kon sabi taki den srefi e kisi wan kari fu dini Gado tu.—Yes. 2:2, 3.
4 Te wi e si taki wan bijbelstudenti e kon tron wan tru disipel fu Yesus, dan dati na wan sani di e meki wi prisiri srefisrefi. Dati na a marki di wi wani doro!—3 Yoh. 4.