Yepi Trawan fu Kon na den Konmakandra
1 „Ala sma fu a birti di . . . wani kon na den konmakandra e kisi wan prisiri kari fu du dati.” Sensi na a ten di dati ben meki bekènti na ini na uitgave fu Zion’s Watch Tower fu november 1880, Yehovah Kotoigi ben gi sma kari fayafaya fu kon makandra nanga den fu kisi Bijbel leri (Openb. 22:17). Disi na wan prenspari pisi fu a tru anbegi.
2 A Prenspari Trutru fu De na den Konmakandra: Wi o kisi blesi te wi abi demakandra nanga a gemeente. Wi o kisi wan moro bun matifasi nanga wi tumusi bigi Gado, Yehovah. Ini a gemeente wi e kon makandra fu kisi „leri fu Yehovah” (Yes. 54:13). Doronomo na organisâsi fu en e gi wan programa fu Bijbel leri di e meki wi sabi en moro bun. Na organisâsi e yepi wi tu fu man waka baka „ala rai fu Gado” (Tori. 20:27; Luk. 12:42). Den konmakandra e poti prakseri na ibri sma fu yepi den kisi a koni fu gi leri na ini Gado Wortu. Den frumane fu den Buku fu Bijbel e yepi wi fu abi bun matifasi nanga trawan èn nanga Yehovah srefi. Te wi abi demakandra nanga den wan di lobi Gado, dan dati e tranga a bribi fu wi.—Rom. 1:11, 12.
3 Gi Sma wan Kari Wantewante: Gi ibri bijbelstudenti wan kari fu kon na den konmakandra, na a fosi leisi kaba te yu studeri nanga den. Gi en wan strooibiljet. Yepi en fu wani sabi moro fu di yu e fruteri en wan penti di gi yu deki-ati na a lasti konmakandra èn fu di yu e taki nanga en fu wan sani di o taki na a konmakandra di e kon. Fruteri en fa a Kownukondre zaal de, èn sorgu taki a sabi fa fu feni a presi.
4 Efu wan studenti no e kon wantewante, dan tan gi en wan kari. Teki wan tu miniti ibri wiki fu sori en fa na organisâsi e wroko. Gebroiki a brochure Verenigd in het doen van Gods wil nanga a video Jehovah’s Getuigen — De organisatie achter de naam, so taki a studenti kan leri sabi suma na wi èn so srefi san na den konmakandra fu wi. Tyari tra preikiman tu so taki a studenti kan kon sabi den. Te yu e begi, dan taigi Yehovah grantangi fu na organisâsi fu en, èn taki tu o prenspari a de gi a studenti fu abi kontakti nanga na organisâsi.
5 No draidrai fu yepi den nyunwan di wani sabi moro fu kon makandra nanga wi. Te den e warderi Yehovah moro nanga moro, dan dati o meki taki den e du san den leri èn taki den kon tron wan pisi fu na organisâsi fu Gado di de na ini wánfasi.—1 Kor. 14:25.