Preiki​—Te na den moro farawe presi fu grontapu

Suma o wani luku a video Tot de einden der aarde (Te na den moro farawe presi fu grontapu) ala ten baka? Den sma di wani tron zendeling. Fu san ede? Fu kon sabi so furu leki den man fu a Waktitoren Bijbelskoro Gilead. A video disi ben tyari kon na doro di a spesrutu skoro disi ben tapu 50 yari. A skoro disi seti fu man du a preikiwroko na „ala den farawe presi fu grontapu” (Ps. 22:27). Te yu e luku a video disi, dan dati o gi yu moro warderi gi a prenspari wroko fu preiki a bun nyunsu èn dati o gi yu deki-ati fu du moro na ini a diniwroko. Prakseri disi: (1) San ben de a moro prenspari sani di Yehovah organisâsi ben abi fu du syatu baka 1940? (Tori. 1:8) (2) Sortu Bijbel profeititori ben de fu kontru ini 1942, èn fu san ede wi no ben denki fu a tori leki fa ala tra sma ben e denki? (Openb. 17:8; wO89 15/4 bladzijde 14, paragraaf 12) (3) Den Kotoigi ben fruwakti wan pisi ten fu vrede baka a di fu Tu Grontapufeti. Sortu sani den ben sreka fu dati ede? (jvO bladzijde 522, paragraaf 1, 2) (4) San yu ben lobi fu a fasi fa den studenti fu a Gileadskoro ben tyari densrefi? (5) Omeni studenti ben kaba a Gileadskoro na ini den fosi 50 yari, èn na omeni kondre den ben seni den studenti dati go? (6) Omeni sani den studenti e leri fu Bijbel? (7) San e meki wan sma tron wan bun zendeling nanga wan bun leriman fu Gado Wortu? (8) Fa a libi fu wan zendeling tan, èn nanga sortu problema a e tuka? (9) Fa zendeling e feni a fasi fa den e libi èn sortu prisiri sani den e ondrofeni fu di den e libi na so wan fasi? (10) San den dusundusun zendeling du te nanga now? Gi wan tu eksempre. (11) San yu e denki fu den brada nanga sisa di go te na „den moro farawe presi fu grontapu” fu preiki? (12) Sortu deki-ati na eksempre fu den zendeling e gi yu èn fu san ede?