Sani di yu kan fruteri fu den tijdschrift

A Waktitoren oktober-december

Taki fu wan tori di bari na nyunsu èn di e gi sma na ini a kontren broko-ede. Baka dati, aksi a sma: „Yu aksi yusrefi kaba fu san ede sma e du den ogri sani disi? [Gi a sma na okasi fu piki.] Bijbel e gi wi reide fu san ede wi kan abi howpu. [Leisi 2 Petrus 3:13.] Nanga yepi fu Bijbel, a tijdschrift disi e sori fu san ede ogridu de èn fa heri esi Gado o tyari wan kaba kon na ala ogri di sma e du.”

Ontwaakt! december

„Furu sma aksi densrefi a sani disi: ’Efu wan Gado de, dan fu san ede a no e pori Didibri?’ Yu ben aksi yusrefi a sani disi? [Gi a sma na okasi fu piki.] Nanga yepi fu Bijbel, na artikel di de na tapu bladzijde 10 nanga 11 e gi piki tapu na aksi dati. Na artikel e sori wi tu fa grontapu o de te Didibri no de moro.” Leisi Openbaring 21:3, 4.

A Waktitoren 1 yanuari

„Furu sma e bribi taki a dyari fu Eden na wan anansitori. A ben o fruwondru yu fu sabi taki Yesus ben taki fu Adam nanga Eva leki sma di ben libi trutru? [Gi a sma na okasi fu piki. Baka dati leisi Mateyus 19:4-6.] A tijdschrift disi e gi piki tapu wan tu aksi di sma gwenti poti te a abi fu du nanga a dyari fu Eden.”

Ontwaakt! yanuari

Sori a sma a fesisei kafti èn aksi en: „Fa yu ben o piki na aksi disi? [Gi a sma na okasi fu piki.] Bijbel e gi sma deki-ati fu lobi vrede. [Leisi Yakobus 3:17.] We, dan fu san ede kerki no man sorgu taki libisma e libi na ini vrede nanga makandra? Kerki o man yepi fu tyari vrede kon? A tijdschrift disi e taki fu a piki tapu den aksi dati.”