Schema gi a wiki fu 14 februari

WIKI DI E BIGIN 14 FEBRUARI

Singi 62 nanga begi

□ Gemeente Bijbelstudie:

cf kap. 6 par. 19-25, faki na tapu blz. 76 (25 min.)

□ Theokrasia Diniwroko-skoro:

Leisipisi fu Bijbel: Nehemia 9-11 (10 min.)

Nr. 1: Nehemia 11:1-14 (no moro leki 4 min.)

Nr. 2: Sma ben spikri Yesus na wan pina-postu fu gi en syen—td 25A (5 min.)

Nr. 3: Na sortu difrenti fasi Gado e sori a no-frudini bun-ati fu en—1 Petr. 4:10 (5 min.)

□ Diniwroko Konmakandra:

Singi 48

5 min: Sani fu meki bekènti.

12 min: Fa fu taki nanga wan sma di yu no sabi. Takimakandra di teki puru fu a Diniwroko-skoro-buku, bladzijde 62-64. Hori wan syatu interview nanga wan preikiman di gwenti bigin takimakandra nanga sma te a abi na okasi noso te a e go oso fu oso.

18 min: „Wi abi na okasi fu du moro na a ten fu a Memrefesa.” Aksi nanga piki. A dienst-opziener musu hori a pisi disi. Baka te unu kaba taki fu na artikel, dan fruteri sortu sani seti gi den preikiwroko konmakandra di o hori na ini maart, april, nanga mei. Sori sortu difrenti schema de di sma na ini difrenti situwâsi kan gebroiki, so taki den kan doro den 50 yuru na ini wan mun. Interview tu noso dri preikiman di ben go na ini a yepi pionierwroko na a ten fu a Memrefesa na ini a yari di pasa. Den du dati aladi den ben abi furu fu du noso aladi den no de so gosontu.

Singi 8 nanga begi