„Omeni yuru mi musu skrifi?”

Oiti yu aksi yusrefi a sani dati? Wi kan feni wan tu rai di abi fu du nanga a tori disi na ini a Wi orga-buku na tapu bladzijde 86 nanga 87. Son leisi tra rai gi, soleki na ini Wi Kownukondre diniwroko fu september 2008, na ini a faki di nen „Aksi di opo kon”. Fu di ibri situwâsi de tra fasi, meki wi no kisi wan lo rai di e taki fu iniwan situwâsi di kan opo kon. Fu dati ede, a no ben o fiti efu owruman noso trawan ben o gi tra rai te a abi fu du nanga a tori disi.

Efu wan aksi opo kon èn nowan rai di abi fu du nanga a tori dati de fu feni na ini den publikâsi fu wi, dan ibri preikiman kan aksi ensrefi a sani disi: Mi ben gebroiki a ten gi a diniwroko? Noso gi tra sani di no abi fu du nanga a diniwroko? Den sani di wi e skrifi na tapu wi preikiwroko raportu ibri mun musu gi wi prisiri, a no musu gi wi konsensi fonfon (Tori. 23:1). A sani di musu de moro prenspari gi wi, a no fa fu teri den yuru di wi e wroko, ma na fu gebroiki wi ten bun fu di wi e du wi diniwroko fayafaya.​—Hebr. 6:11.