Fa den publikâsi fu wi tan?

A bun fu poti na aksi disi te wi o prati den publikâsi fu wi. Den publikâsi fu wi di fowfow, di lasi kloru, di dotidoti, noso di priti no e gi na organisâsi fu wi wan bun nen èn a kan meki taki na ososma no e poti prakseri na a moi boskopu di skrifi na ini den publikâsi di kan meki sma kisi frulusu.

San wi kan du fu meki den publikâsi fu wi tan bun? Furu preikiman kon si taki a bun fu seti den preikiwroko tas na so wan fasi taki den e poti den srefi sortu publikâsi na makandra. Fu eksempre, den abi wan faki gi buku, wan tra faki gi tijdschrift nanga brochure, èn wan faki gi traktaat. Te den e poti den Bijbel nanga tra publikâsi baka na ini den tas, dan den e du en na so wan fasi taki noti no e pasa nanga den publikâsi. Son preikiman e poti den publikâsi na ini wan map noso na ini plastik saka. Awansi sortu sani wi e du fu meki den publikâsi fu wi tan bun, wi no wani meki sma feni wan fowtu sani fu taki fu a preikiwroko fu wi, bika wi no wani gi den wan publikâsi di no bun moro.​—2 Kor. 6:3.