Yu kan preiki moro langa?

Son preikiman abi a gwenti fu tapu nanga a preikiwroko na wan spesrutu ten, kande twarfu yuru bakadina. A kan taki son preikiman musu tapu na wan spesrutu yuru, fu di tra fasi no de. Ma yu e tapu nanga a preikiwroko fu di trawan e du dati, noso fu di a de a gwenti na ini yu kontren fu tapu na wan spesrutu ten? Yu man wroko pikinso moro langa na presi pe furu sma de, soleki fu du stratiwroko? Yu kan tyari wán noso tu gobaka te yu de na pasi fu go na oso? Prakseri sortu bun bakapisi yu o abi te yu feni awansi wán sma nomo na oso di wani sabi moro, noso te yu pristeri den tijdschrift na ete wán sma di yu e miti na pasi! Efu wi no abi fu tapu nanga a preikiwroko èn wi e tan pikinso moro langa, dan na so wan fasi wi e „tyari wan ofrandi gi Gado nanga wi mofo”.​—Hebr. 13:15.