Eksempre di yu kan gebroiki

Fa fu bigin Bijbelstudie tapu a fosi satra na ini september

„Fa a e go nanga yu? Wi kon dya fu tyari wan sani di o yepi trowpaar fu meki sani go bun na ini den trowlibi. San yu e denki? San na a moro bigi problema di e tapu trowpaar fu abi wan koloku trowlibi?” [Gi a sma na okasi fu piki.] Sori a sma a lasti bladzijde fu A Waktitoren fu 1 september, èn taki fu den sani di skrifi na a fosi aksi èn sosrefi wan fu den Bijbeltekst di kari. Gi a sma den tijdschrift èn seti sani fu go baka na en fu taki fu a piki tapu a tra aksi.

A Waktitoren 1 september

„Wi kon na yu tide fu di furu sma na ini wi birti e aksi densrefi fu san ede Gado no e du noti, aladi so furu pina de. Yu aksi yusrefi a sani dati tu? [Gi a sma na okasi fu piki.] A de wan moi sani taki Bijbel e pramisi wi taki wan ten o de pe sari nanga pen no o de moro. [Leisi Openbaring 21:4.] A tijdschrift disi e taki fu feifi prenspari sani di meki taki so furu pina de. A e sori tu san Bijbel e taki fu a fasi fa Gado o meki pina no de noiti moro.”

Ontwaakt! september

„Furu sma e bribi taki a no de wan ogri te wan man nanga wan uma abi seks nanga makandra sondro fu trow. Yu denki taki a no bun te tu sma di no trow abi seks nanga makandra? [Gi a sma na okasi fu piki.] Luku san Bijbel e taki fu sma di abi seks sondro fu trow. [Go na bladzijde 4 èn leisi 1 Tesalonikasma 4:3.] A tijdschrift disi e taki san wan sma kan du fu no du hurudu.”