Suma e du a wani fu Yehovah na ini a ten disi?

1. O ten wi o studeri a brochure Suma e du a wani fu Yehovah na ini a ten disi?, èn fa disi o yepi wi?

¹ Na ini a wiki fu 28 oktober wi o bigin studeri a brochure Suma e du a wani fu Yehovah na ini a ten disi? na a Gemeente Bijbelstudie. Wi ben kisi a nyun brochure disi na a „Kibri yu ati!” Distrikt Kongres. A brochure disi meki spesrutu fu yepi den Bijbelstudenti fu kon na ini na organisâsi fu wi. A brochure disi no o yepi wi wawan fu abi moro warderi taki wi de na ini na organisâsi fu Yehovah, ma a o yepi wi tu fu man gebroiki a brochure disi bun na ini a diniwroko.​—Ps. 48:13.

2. Fa wi o studeri a brochure disi na ini a gemeente?

² Fa wi o studeri a brochure disi: A brada di o hori a studie musu gebroiki a ten di a abi bun, so taki a abi nofo ten fu taki bun fu ibri lès. Na a bigin fu ibriwan fu den 28 lès a musu leisi na aksi di de a nen fu a lès. Baka dati, a o aksi a leisiman fu leisi a fosi paragraaf. Dan a brada di e hori a studie o poti wan aksi gi den arkiman fu a fosi paragraaf. Na ensrefi musu sreka na aksi disi. Baka dati, a musu leisi èn taki fu ibri pisi di bigin nanga fatu letter. A musu du den pisi disi wan-fru-wan. Baka te wan pisi leisi, a brada o aksi den arkiman fa a pisi disi e piki na aksi di de a nen fu a lès. Yu kan taki tu fu den furu prenki di de na ini a brochure. Efu nofo ten de, dan yu musu leisi den moro prenspari tekst. Fosi yu go na a tra lès, a brada musu poti den aksi di de na ondrosei fu a bladzijde fu luku baka san wi leri. Efu wan faki de di nen „Kon sabi moro”, dan a leisiman musu leisi a faki, èn baka dati a brada o aksi den arkiman fa a sani di skrifi na ini a faki kan tyari wini gi wan Bijbelstudenti. Efu nofo ten de na a kaba fu a studie, dan a brada kan gebroiki den nen fu den lès fu luku baka san wi leri. Hori na prakseri taki yu no abi fu studeri a brochure na a srefi fasi disi te yu e studeri nanga wan sma.

3. Sortu wini wi kan kisi te wi e studeri a brochure disi?

³ Fu man leri furu fu a brochure disi, dan yu musu sreka bun. Du muiti fu gi piki na a konmakandra. Te a konmakandra e hori, dan prakseri na sortu fasi den Bijbelstudenti kan kisi wini fu den sani di wi leri. Meki a nyun brochure disi yepi wi so taki wi man yepi trawan fu du a wani fu Gado. Na so fasi den kan abi a howpu tu fu libi fu têgo.​—1 Yoh. 2:17.