Wi abi a grani fu bow presi gi a tru anbegi èn fu sorgu bun gi den

Furu wroko ben musu du èn furu moni ben de fanowdu fu bow a tempel fu Yehovah. Toku den Israelsma ben de fayafaya gi a wroko (1Kr 29:2-9; 2Kr 6:7, 8). A fasi fa den Israelsma ben sorgu a tempel baka di a kaba bow, ben sori efu den ben de fayafaya gi a tru anbegi ete (2Kw 22:3-6; 2Kr 28:24; 29:3). Na ini a ten disi Kresten e gebroiki furu fu den ten èn den e du furu muiti fu bow, krin, èn sorgu bun gi den Kownukondre zaal nanga Kongreshal. A de wan bigi grani fu wroko makandra nanga Yehovah na a fasi disi. A wroko disi na wan santa wroko tu.​—Ps 127:1; Opb 7:15.

FA WI KAN YEPI?

• 

  Krin a zaal baka ibri konmakandra. Efu yu no man du dati, dan fosi yu opo gowe sorgu taki pe yu ben e sidon de netjes.

• 

  Abi a gwenti fu yepi krin a zaal èn fu yepi te wroko musu du na a zaal. O moro sma e yepi, o moro esi a wroko o kaba èn o moro prisiri o de.​—lv 107 ¶18.

• 

  Gi bijdrage. Awinsi wi gi ‘tu sensi di no warti furu’ leki bijdrage, toku Yehovah breiti nanga dati efu wi du dati nanga wi heri ati.​—Mr 12:41-44.

• 

  Efu yu man, dan go yepi te wi e bow sani soleki Kownukondre zaal. Awansi yu no sabi du bow-wroko toku yu kan yepi.