Yu de srekasreka?

Efu wan rampu pasa na ini a kontren pe yu e tan, dan yu de srekasreka? Gronseki, bigi draiwinti, bigi faya di e bron heri busi, nanga frudu kan pasa wantronso èn den kan tyari bigi pori kon. Ma awinsi pe wi de, a kan pasa wantronso taki terrorist du ogri-ati sani, taki dyugudyugu pasa na ini a libimakandra, èn taki siki broko (Pr 9:11). Wi no musu denki taki den sortu sani dati no o pasa noiti na ini a kontren pe wi e libi.

Wi alamala musu du san wi man fu sreka gi wan rampu (Odo 22:3). Aladi na organisâsi fu Yehovah e yepi te wan rampu pasa, toku wi alamala abi a frantwortu fu de srekasreka.​—Ga 6:5.

LUKU A FELEM YU DE SREKASREKA EFU WAN RAMPU PASA? BAKA DATI, PIKI DEN AKSI DISI:

• 

  Te wi na bun mati fu Yehovah, dan fa dati o yepi wi te wan rampu pasa?

• 

  Fu san ede a prenspari fu . . .

  • • sorgu taki den owruman abi yu telefon nomru nanga adres so taki den sabi pe yu de te wan rampu pasa?

  • • poti wan tu prenspari sani na ini wan tas di yu kan teki tyari gowe wantewante?​—g17.5-O 6

  • • luku sortu rampu kan pasa èn san yu kan du na ini den situwâsi dati?

• 

  San na dri sani di wi kan du fu yepi trawan te wan rampu pasa?