Teken prenki fu man memre sani moro bun

A no makelek ala ten fu memre den sani di wi studeri. Ma a makelek fu memre furu fu den sani di Yesus ben leri, fu di a ben gwenti gebroiki agersitori. Wi man si na wi fesi san Yesus ben e taki èn dati e yepi wi fu memre san a ben e leri wi. Yu o man memre moro bun san yu ben studeri te yu e pruberi fu si na yu fesi san yu ben leisi. Fa yu kan du dati? Yu kan teken prenki fu den sani dati.

Nofo tron, sma di e teken prenki fu den nyun sani di den leri man memre den sani dati moro bun. A sani disi e yepi den fu ferstan moro bun san den wortu wani taki, èn san na den prenspari penti fu den sani di den e leri. Den no e teken sani finfini, ma den e hori en simpel. Spesrutu owru sma e kisi wini fu den sani di den e teken fu di dati e yepi den fu memre moro bun san den e leri.

Tra leisi te yu e studeri, dan kande yu kan teken wan tu prenki fu den sani di yu leri. Kande yu o ferwondru fu si o furu yu man memre.