A paradijs grontapoe

Jehovah sa poeroe krinkrin ala na ogri di Satan doe. Jehovah meki Jesus tron Kownoe kaba foe a heri grontapoe. Grontapoe sa tron wan paradijs ondro a tiri foe en. — Danièl 7:13, 14; Lukas 23:43.

Jehovah e pramisi den sani disi:

• NOFO NJANJAN: „Grontapoe srefi sa gi seiker en froktoe; Gado, wi Gado, sa blesi wi.” „Tarwe nanga gerst sa de bogobogo na grontapoe; na tapoe na ede foe den bergi sani sa de pasa marki.” — Psalm 67:6; 72:16.

• NO WAN FETI MORO: „Oen kon loekoe den wroko foe Jehovah, fa a doe froewondroe sani na grontapoe. A e meki feti kon a wan kaba te na a farawe oekoe foe grontapoe.” — Psalm 46:8, 9.

• NO WAN TAKROE SMA: „Bika na den ogri sma den sa koti poeroe . . . Èn ete wan sjatoe ten, èn na ogri sma no sa de moro; èn joe sa poti prakseri na tapoe a presi foe en èn a no sa de.” — Psalm 37:9, 10.

• 

  NO WAN SIKI, SARI NOSO DEDE: „Ini a ten dati den ai foe den breniwan sa kon opo, èn srefi den jesi foe den dofoewan sa kon opo. Ini a ten dati a malengriwan sa kren neleki wan dia èn a tongo foe a babaw-wan sa bari foe prisiri ede.” — Jesaja 35:5, 6.

  „Èn Gado srefi sa de nanga den. Èn a sa figi poeroe ala watra-ai na den ai, èn dede no sa de moro, no wan sari, no wan krei, no wan pen no sa de moro. Den fositen sani pasa kaba.” — Openbaring 21:3, 4.

Tra fasi leki Satan nanga den ogri jeje, Jehovah no e lei noiti. Ala sani san a e pramisi moesoe kon troe (Lukas 1:36, 37). Jehovah lobi joe, a wani joe libi na ini a Paradijs di a sa meki. Foe dati ede go na Jehovah Kotoigi foe leri sabi moro foe den toemoesi moi waarheid di de foe feni na ini a Wortoe foe Gado. Efoe joe poti a waarheid ini joe libi, joe sa kon fri foe a katibo foe lei, kroektoe bribi, nanga don. Baka wan pisi ten, joe sa kon fri srefi foe a katibo foe sondoe nanga dede. So leki Jesus ben taki: „Joe sa sabi a waarheid èn a waarheid sa meki joe kon fri.” — Johanes 8:32.