Taki sani di o hari sma prakseri

San Yesus du

FELEM: Yesus nanga na uma na a watrapeti

1. Luku a FELEM, noso leisi Yohanes 4:6-9. Baka dati luku den aksi disi:

1. San Yesus luku fosi a bigin wan takmakandra nanga a frow?

2. Yesus ben taki: „Gi mi pikinso watra fu dringi”. Fu san ede disi ben de wan bun fasi fu bigin a takmakandra?

San wi kan leri fu Yesus?

2. Wi o man abi wan moro bun takmakandra efu wi e bigin taki fu wan sani di e hari a sma prakseri.

Du leki Yesus

3. Fiti yusrefi. Yu no musu de nomonomo fu bigin wan takmakandra nanga san yu abi na prakseri. Ma taki fu wan sani di a sma abi na prakseri na a momenti dati. Aksi yusrefi:

1. ’San ben de furu na ini a nyunsu?’

2. ’Fu sortu sani den birtisma, sma na wrokope, noso na skoro e taki?’

4. Luku fa a situwâsi de. Aksi yusrefi:

1. ’San a sma e du now? San a sma e denki?’

2. ’Te mi e luku a krosi fu a sma, a fasi fa a sma de, noso na oso fu en, dan san dati e fruteri mi fu a bribi noso a kulturu fu en?’

3. ’Disi na wan bun ten fu taki nanga a sma?’

5. Arki.

1. No taki tumsi furu.

2. Meki en makelek gi a sma fu taki san a e denki. Yu kan poti aksi te a fiti.