BIGIN WAN TAKMAKANDRA
LES 3
Sori switifasi
Bijbel e taki: „Lobi . . . abi switifasi.”—1 Kor. 13:4.
San Yesus du
1. Luku a FELEM, noso leisi Yohanes 9:1-7. Baka dati luku den aksi disi:
San Yesus du fosi? A dresi a breniman, noso a taki fu a bun nyunsu fosi?—Luku Yohanes 9:35-38.
Fu san ede yu denki taki a sani di Yesus du, meki taki a man ben wani arki en?
San wi kan leri fu Yesus?
2. Te wan sma e firi taki yu e broko yu ede nanga en, dan dati kan meki taki a o arki yu.
Du leki Yesus
3. Pruberi fu si fa a sma e firi.
Aksi yusrefi: ’Nanga san a sma e broko en ede kande? San a ben o wani mi du gi en?’ Disi o yepi yu fu sori switifasi èn fu du wan sani fu yepi a sma.
Arki te wan sma e taki. Na so yu e sori a sma taki yu e broko yu ede nanga en. Efu a e ferteri yu fa a e denki fu wan tori, noso sortu problema a abi, dan no go taki fu wan tra sani.
4. Taki na wan switi fasi èn sori lespeki. Te yu e firi gi wan sma èn yu wani yepi en trutru, dan a o man yere dati na ini a fasi fa yu e taki. Prakseri bun san yu o taki èn fa yu o taki en. No taki sani di kan hati a sma noso di kan meki a firi syen.
5. Yepi sma. Te a fiti, luku san yu kan du fu yepi a sma. Te yu e du sani fu yepi sma, dan dati kan meki taki a sma o wani taki nanga yu.