BIGIN WAN TAKMAKANDRA
LES 6
Abi dek’ati
Bijbel e taki: „A Gado fu wi gi wi deki-ati fu fruteri unu a bun nyunsu fu Gado.” —1 Tes. 2:2.
San Yesus du
1. Luku a FELEM, noso leisi Lukas 19:1-7. Baka dati luku den aksi disi:
Fu san ede son sma no ben wani taki nanga Sakeyus?
San meki taki toku Yesus ferteri Sakeyus a bun nyunsu?
San wi kan leri fu Yesus?
2. Wi musu abi dek’ati fu preiki a Kownukondre boskopu gi ala sma.
Du leki Yesus
3. Fertrow tapu Yehovah. A santa yeye fu Gado ben gi Yesus a krakti fu preiki, èn a kan gi yu a krakti fu du dati tu (Mat. 10:19, 20; Luk. 4:18). Aksi Yehovah fu gi yu dek’ati fu preiki gi sma di kande yu e frede pkinso.—Tori 4:29.
4. No krutu sma. A kan taki wi e frede pkinso fu taki nanga son sma fu di wi e luku a fasi fa den de, noso a fasi fa den e libi. Noso kande wi no wani taki nanga den fu di den gudu noso pôti, noso fu di den e bribi tra sortu sani. Ma no frigiti:
Yehovah nanga Yesus man leisi sma ati. Wi no man du dati.
Yehovah man yepi ala sma awinsi fa den de.
5. Yu musu abi dek’ati, ma tan sori lespeki èn luku bun (Mat. 10:16). No hartaki nanga a sma. Tapu a takmakandra na wan switi fasi efu a sma no wani arki a bun nyunsu, noso efu yu e si taki a wani du yu ogri.—Odo 17:14.