Joe kan prisiri joesrefi ini wan krosibé matifasi nanga Gado?
„Jehovah de makandra nanga den soema, di e frede hen; en a de meki den sabi na verbontoe foe hen.” — Psalm 25:14.
1. Ini sortoe fasi Gado de nanga ala soema?
GADO leki Mekiman, de ini wan bepaalde fasi nanga ala libisoema. Na apostel Paulus ben taki gi wan groepoe filisoof-man ini Athene: „Hensrefi e gi na ala soema libi nanga bro nanga ala sani” (Tori foe 17:25). Ma den soema di e tan hori foe doe ogri, no kan prisiri densrefi ini wan krosibé matifasi nanga hen (Spr. 3:32) Tog ai gi den pasi foe abi pikin, foe prisiri densrefi ini den boen sani foe grontapoe en foe abi na okasi foe sori berouw, efoe den e firi dati. — Tori foe. 14:16, 17.
2. San de fanowdoe foe kisi na boen-ati foe Gado en libisoema kan doro na marki disi?
2 Ma efoe wan soema wani kisi hen boen-ati en abi hen leki mati nanga krosibé kompe, dan wan moro krosibé matifasi moe de, leki na matifasi di de, foedi wan soema de wan mekisani foe Gado. Foe kan abi na howpoe foe kisi tégo libi, dan foe de wan nanga hen nanga hen prakseri de toemsi prenspari. Na wondroe sani de, dati ibri soema kan prisiri ini na matifasi disi, efoe a wani teki troe troe na okasi di a de kisi, bikasi na apostel Paulus ben taki gi den Athene soema, dati Gado ben sa sorgoe ooktoe dati libisoema „ben sa soekoe Gado, ofoe kande den ben sa firi hen en ben sa feni hen troe troe, aladi a no de farawe foe ibriwan foe wi”. — Tori foe. 17:27.
3. San ala soema, di howpoe foe go na Gado, moe erken foe den skotoe di de mindri Gado nanga den?
3 San a wani taki foe soekoe Gado? En san Gado e doe nanga opregti soekoeman? Libisoema sondoe-fasi e tapoe wi foe kon na Gado. Den sondoe foe wi kan dini leki wan bigi wolkoe, leki wan skotoe en meki communicatie (takimakandra) no de. (Loekoe Klaagliederen 3:44). Srefi den kan tapoe wi, dati wi ben sa wani aksi Gado wan sani; den kan gi wi na firi dati wi no de krin en dati wi no de warti foe go na hen. Ma ete a de so, dati efoe wi no erken alamala dati wi de sondari en dati wi e doe sani, di na konsensi foe wi e kroetoe wi ibri dé, dan wi no de ini na positie foe kan go na Gado, aladi Gado no sa arki den begi foe den soema, di no e erken na sani disi, di de gi ala soema na ala presi. — 1 Petr. 3:12.
NA DEDE NANGA OPOBAKA FOE KRISTUS DE NA FUNDAMENTI
4. Fa Gado ben doe na fosi stap foe poeroe na skotoe foe communicatie nanga de makandra nanga hen?
4 A de so, dati Gado srefi ben doe na fosi stap foe wan matifasi nanga hen, foedi a seti sani dati na skotoe disi foe wan boen communicatie nanga de makandra nanga hen ben poeroe na pasi. San de na seti disi? Na apostel Paulus e piki: „Gado de sori hen égi lobi gi wi ini disi, dati Kristus ben dede gi wi, aladi wi ben de sondari ete” (Rom. 5:8). Kristus ben de wan volmaakti man di no ben abi sondoe di a ben de na grontapoe, ma a ben teki na strafoe foe ala sondari na hen tapoe. Aladi a no ben abi fowtoe, tog a ben ondrofeni na heri strafoe foe na sondoe foe na libisoema famiri. Na apostel Petrus e verteri wi: „Hensrefi ben tjari ini hen égi skin na sondoe foe wi na wan oedoe . . . den wipimarki foe hen ben meki oen kon gosontoe” (1 Petr. 2:24). Gado ben abi disi na prakseri hondro hondro jari na fesi, soleki na proféti Jesaja ben taki na fesi: „Den ben boro hen foe wi sondoe ede; den ben masi hen foe wi ogridoe ede” (Jes. 53:5). Na fasi foe doe foe Jezus Kristus foe poti hensrefi ini na presi foe ala libisoema, ben ebi leki ala san geregtigheid ben aksi foe sondoe di ben doe en disi ben poti na fundamenti foe na poeroe foe strafoe foe ala soema di e erken den égi sondoe en di e sori bribi ini na seti foe Gado. — Rom. 8:1.
5. Foe sainde no wawan na dede foe Jezus, ma ooktoe hen opobaka ben de toemsi prenspari gi wi?
5 Dati Kristus no ben tan ini dede, ma Gado ben opo hen baka en a de libi now, e gi ooktoe na djaranti dati a de alaten foe gi jepi, sodati wan soema kan prisiri hensrefi ini wan krosibé matifasi nanga Gado. Na bijbel e gi wi na djaranti: „Gado ben gi hen abra (foe pina en dede) foe wi sondoe ede en a ben wiki hen baka foe regtvaardigheid ede” (Rom. 4:25). A ben kon na Gado fesi foe pristeri na warde foe hen slagti-ofrandi. Now now a de na glori Jezus, di Johannes ben si ini wan visioen, tanapoe na mindri den sébi kandra-tiki — wan agersi fasi foe na kristen gemeente — nanga sébi stari, ofoe na skin foe salfoe opziener, ini hen reti-anoe (Openb. 1:12-16). Den skrifi foe hen leki wi libi hé-priester: „A man . . . foe jepi den soema di nanga jepi foe hen e kon na Gado, foedi a de alaten foe begi gi den.” — Hebr. 7:25.
6, 7. Fa wi kan taki dati Kristus ben dede „foe sondoe ede”, ma e libi „gi Gado ede”?
6 Wan soema di poti bribi ini Kristus, foe datede kan libi leki wan soema di no dede na jeje fasi foe hen sondoe ede, koti poeroe foe na demakandra nanga Gado, ma leki wan soema di de na libi en di e dini Gado tapoe wan positief, opbouwend fasi, foedi a de jere den gebod foe Gado en a de bow trawan. Na apostel e taki foe disi gi den „santawan” ini Rome: „Bika wi sabi taki, Kristus di a ben opo baka na dede, no sa dede moro; dede no de masra na hen tapoe moro. Bikasi san a dede, dati a dede wantron foe sondoe ede; ma san a de libi, dati a de libi gi Gado. So srefi oenoe toe moe loekoe oen srefi leki oen dede kaba gi sondoe, ma oen de libi gi Gado na ini Jezus Kristus, wi masra.” — Rom. 1:7; 6:9-11.
7 Na apostel e tjari dja kon na krin, dati Kristus ben kon na grontapoe nanga na spesroetoe prakseri foe tjari wan kaba kon na a sani di no krin en di de wan veragti sani — sondoe — wan sani di Gado nanga Kristus no wani si na ai, ja, di den e broko-ai gi hen (Hebr. 1:9). Aladi Kristus ben abi alaten prisiri foe doe na wani foe hen Tata, tog sondoe de wan féjanti, en di Jezus ben moe poeroe sondoe, a ben moe ondrofeni foeroe sani di no de switi. Sjatoe bifo hen dede a ben taki: „A kaba” (Joh. 19:30). Soboen, a ben pina en dede foe sondoe ede — foe poeroe sondoe. Ma now „a de libi gi Gado”. Foe tégo a kisi glori ini hemel, ini na demakandra nanga Gado, bikasi a no abi foe tjari na ofrandi foe hen ete wan tron. Baka di disi ben pasa, a ben kan bigin wan opbouwend wroko foe tjari soema kon baka ini wan krosibé matifasi nanga Gado foe doe Gado wani gi ala den soema di wani kisi libi. — Hebr. 7:25; 8:1; 9:28.
GADO DE HARI SOEMA KON NA KRISTUS
8, 9. Fa Gado e hari soema kon na Kristus?
8 Nanga na seti disi, Gado ben sori bigi lobi nanga foeroe boen-ati fasi gi libisoema. Srefi moro leki dati: Gado e wroko foe na prakseri foe hen ede. Gado e hari reti-ati soema kon na Kristus. Jezus ben taki: „No wan soema kan kon na mi, efoe na Tata, di ben seni mi, no hari hen kon.” A ben taki foe hen apostel, dati hen Tata ben gi den na hen. — Joh. 6:37, 39, 44.
9 Fa Gado e hari soema? A no e pasa willekeurig, nanga partijfasi ofoe foe dwengi wan soema nanga tranga. Na wani foe tranga-ede, sondoe libisoema no e firi foe densrefi foe saka na ondro Gado. Ma Gado kan tjari wan kenki kon ini na wani foe wan soema. Hen sabi san e libi boen dipi ini na ati foe wan soema. No wawan a kan meki na soema jere foe Kristus nanga na pasi foe libi, ma a kan gi ooktoe verstan foe na seti disi. Gado e hari ini na seti foe sani disi, man nanga oema foe poti bribi ini Kristus, wan sani di noiti den ben sa doe foe densrefi, foedi a de foeroe den ati nanga wan sabi foe na toemsi moifasi foe Kristus nanga na wondroe winimarki foe de wan nanga hen.
10. Sortoe krakti a de abi tapoe wan opregti soema di Gado e hari?
10 Na soema, moro fara, nanga hen heri ati e go abi na lostoe foe waka baka Kristus en de wan nanga hen, soleki te soema si en verstan troe troe na boen-ati foe wan boen soema, ben sa wani miti hen en tron hen mati. Wan eksempel foe na fasi fa Gado e handri nanga na hari foe ati, wi e si na a pipel foe na Israël ini owroeten ini den dé foe David, na manpikin foe Isaï. Di Gado ten ben kon foe gi David na Kownoekondre, a ben hari na ati foe den soema go na David, sodati den ben sa de klarklari foe doe diniwroko ondro hen (2 Sam. 2:4; 3:36; 5:1-3). Soboen, Gado e hari na ati foe soema go na Kristus.
APARTI SOEMA MOE WANI DATI
11. Sortoe rol na wani foe wan soema e pré foe kon na Kristus, en fa na wani foe wan soema di no kisi sabi, e kenki?
11 Disi no wani taki, dati wi no e loekoe na wani foe na soema. Aladi na a bigin kande a no wani doe wan sani foe kon na Kristus, na wani kan kenki te a de leri safri safri — te den „ai foe na verstan” de opo safri safri (Ef. 1:18). Jezus ben teki wan pisi ini na profétitaki foe Jesaja foe den soema, di e tron ini na seti foe sani disi, pikin foe Jehovah hemel oema, Sion, di a ben taki: „Ini den proféti a tanapoe: ’En Jehovah sa leri den alamala.’ Ibri soema di ben jere en leri hen foe na Tata, e kon na mi” (Joh. 6:45; Jes. 54:1, 13). Te wan soema kisi inzicht nanga verstan foe sani, dan a de kenki na wani foe hen. Efoe a no wani foe doe disi, dan no wan soema e dwengi hen foe kenki. Na verstan foe wan sani e meki wan soema kisi bribi en na bribi foe na soema e tjari Gado nanga hen Manpikin foe teki hen, soleki Jezus ben taki bakaten gi hen foetoeboi: „Na soema di abi den gebod foe mi, en disi e hori den, hen de wan soema di de lobi mi. En na soema di de lobi mi, hen mi Tata sa lobi baka; en mi sa lobi hen toe, mi sa meki hen kon si mi . . . Na soema di e lobi mi, hen sa doe so toe, leki mi de leri; en mi Tata sa lobi hen en wi sa kon na hen, libi nanga hen.” — Joh. 14:21-23.
12. Fa Kristus foe hen sé e tjari na soema kon moro krosibé nanga Gado?
12 Foedi alaten na Tata no ben de foe si gi libisoema, a de tjari hensrefi kon na krin nanga jepi foe Kristus. Di Jezus ben de na grontapoe a ben tjari kon na krin den toemsi moifasi foe Gado, sodati a ben kan taki: „Na soema di ben si mi, ben si ooktoe na Tata” (Joh. 14:9). Te den soema di e sori bribi e kon na Kristus en Kristus e opo na ati foe den foe den dipi nanga toemsi moifasi foe den égifasi foe Gado, dan den e leri sabi na Tata moro boen.
13. Fa wan soema moe si hensrefi foe kon na Gado tapoe wan fasi di a sa teki hen?
13 Sortoe stap wan soema moe doe foe datede foe kan kon na Gado en kon ini wan krosibé matifasi nanga hen? A moe firi pikinso na fanowdoe foe sani en a moe abi na firi dati a no nanga ala sani ini hen libi a de tevréde. A moe si hensrefi leki onvolmaakti na presi foe de tevréde nanga hensrefi en a moe si dati a de wan sondari en dati na situatie foe hen de sondro wan boen di e kon. Efoe wan soema no e verstan dorodoro na situatie foe hen pe a abi sani fanowdoe, dan na loekoe foe na Wet di Gado ben gi Israël nanga jepi foe Mozes, sa overtoigi hen, dati a abi sondoe dorodoro. Na prakseri foe na Wet ben de foe sori, dati no wan soema de regvaardiki, aladi na reti-ati soekoeman e kisi jepi foe si dati a ben abi wan Verloesoeman fanowdoe. — Gal. 3:19, 24.
14. Sortoe stap moro fara wan soema moe doe, di wani kon ini wan matifasi nanga Gado?
14 Foedi wan reti-ati soema e verstan na fanowdoe disi, dan a ben sa wani ini ala opregti fasi foe lési na bijbel en a ben sa wani foe leri sabi na pasi foe Gado nanga jepi foe Kristus. Te a go si dati ini na tori foe hen, joe no kan taki kwet-kweti foe matifasi nanga Gado, a de kisi na overtoigi foe na troe troe ogri foe sondoe en san sondoe ben doe gi hen. A de si dati a de troe troe wan féjanti foe Gado. Now a wani kenki (Rom. 5:10). A abi foe datede berouw en a de aksi pardon. Na ala den sani disi a moe verstan, dati disi no e kon foe hen égi hé inzicht nanga boen-ati, ma dati disi e kon foe Gado, di e hari hen. A ben kon sabi dati a kan kisi na pardon disi tapoe na gron foe na zoenofrandi foe Kristus. Now di a ben leri sabi en warderi na prakseri foe Gado, a de sori dati a abi na lostoe en a ben teki na bosroiti foe tron wan dienstknegti foe Gado di gi hensrefi abra na Gado dorodoro, aladi a de sori na bribi en bosroiti disi na fesi foe trawan foedi a de aksi foe kisi dopoe ini watra.
WAN NJOEN MATIFASI NA GADO
15. San de na „boen konsensi”, di wan soema di o dopoe, e aksi foe abi?
15 Nanga na dopoe disi a de aksi Gado foe wan boen konsensi (1 Petr. 3:21). Wan „boen konsensi” wani taki, dati den firi foe fowtoe foe den fositen sondoe no de moro leki wan hebi gi hen konsensi. Boiti dati, a wani taki, dati a de kon ini wan njoen matifasi nanga Gado en Kristus di tron hen mati (Joh. 15:14, 15). Disi kon, foedi a kisi pardon foe hen fositen sondoe en srefi moro leki dati nanga jepi foe na slagti-ofrandi foe Kristus.
16. Sortoe boen positie so wan soema e teki now na fesi foe Gado en fa a kan hori na positie disi?
16 Te wi gebroiki wan eksempel: te wan grontapoe makti gi pardon foe strafoe, dan den fositen ogridoe foe wan ogri soema e figi poeroe nanga disi. Ma dan na ogri soema de soso na a bigin pe a ben de. A no abi na troostoe ofoe na djaranti, dati a sa kisi jepi moro fara ofoe dati den verkeerti sani di a ben sa kan doe ini na ten di e kon, dati den no sa strafoe hen foe den ogri dati. Na a tra sé, efoe wan soema sori bribi ini Kristus, den Gado e teki hen leki wan mati, leki wan soema, di Gado e tan de makandra nanga hen leki wan krosibé kompe, now en ini na ten di e kon, te leki a kon de te foe kaba volmaakti (1 Petr. 5:10). Solanga a tan hori na srefi bribi nanga na srefi getrouwfasi, a kan begi foe pardon foe hen aladé sondoe en hori na krosibé matifasi dati. Natuurlijk, a no „moe teki na boen-ati foe Gado en dan misi na marki foe hen” (1 Kor. 6:1). A no kan denki nanga reti, dati a kan gebroiki na demakandra dati verkeerti en kan tan hori tog na boen positie foe hen na fesi foe Gado.
KON DE ONDRO NA SORGOE FOE KRISTUS
17. San Kristus e doe gi wan soema, di Gado ben hari go na hen?
17 Te Gado hari wan soema kon na Kristus Jezus, ini sortoe situatie a de dan? Jezus ben erken, dati ala soema de foe Jehovah en dati den soema di Jehovah e hari, a de gi na Jezus en a de gi den abra na Jezus foe na sorgoe foe den en foe gro leki wan kristen (Joh. 17:9, 10). Nanga mofo foe na proféti Jesaja, Jehovah ben pramisi foe Kristus: „Foe na moeiti foe hen sili, a sa si, a sa abi boen sani nofo” (Jes. 53:11). Jezus Kristus ben loekoe foe datede na Gado leki na Soema, di ben sa sorgoe dati na wroko nanga slachti-ofrandi foe hen, ben sa meki froktoe. Jezus ben taki toe, dati Gado ben gi hen makti tapoe ala libisoema (Joh. 17:2). Nanga na wroko nanga na makti disi, a kan kibri den soema, di Gado e hari go na hen en a kan kibri den foe den ogri, takroe-ati féjanti foe na waarheid. Jezus ben taki foe den di a ben kisi: „En mi de gi den na libi foe tégo; noiti wanten den sa lasi, en no wan soema no sa poeroe den na mi anoe. Mi Tata, disi ben gi mi den, hen de bigi moro leki ala sani; en no wan soema no kan poeroe den na mi Tata anoe” (Joh. 10:28, 29). Wan kristen soema no afoe frede soboen gi vervolgoe, siki, pina, stré ofoe sortoe tra sani, srefi dede. — Rom. 8:38, 39.
18. San de na kabapisi foe wan soema di e waka getrouw baka na Toemsi Boen Herder?
18 Den soema di e waka getrouw baka na tiri foe na Toemsi Boen Herder Jezus Kristus, abi na djaranti, dati den sa kisi tégo libi. Jezus ben taki: „Gado ben lobi grontapoe so, te a gi na wan lobi Pikin foe hen abra, foe ala soema, di e bribi na hen, no moe go lasi, ma foe den abi na libi foe tégo.” — Joh. 3:16.
19, 20. Sortoe warde a abi foe kon ini wan krosibé matifasi nanga Gado?
19 Tégo libi! Winsi wan soema dede, tog hen howpoe no ben swaki. Jezus ben taki foe na toemsi moi matifasi di na Manpikin abi nanga den soema di hen Tata e tjari kon na hen leki memre foe na „pikin ipi”, wan matifasi di e tan en di no e broko, di a ben taki: „Ala san mi Tata e gi mi, sa kon na mi, en na soema di kon na mi, mi no so jagi gwe kwet-kweti.” — Luk. 12:31, 32; Joh. 6:37.
20 Ondro na sorgoe foe na Toemsi Boen Herder, den soema di e kon na hen, foe datede tapoe ibri kontren foe na libi kan verwakti jepi nanga tiri, nanga na howpoe tapoe tégo libi ini na ten di e kon. Foe datede san ben sa de moro betre, dan foe abi wan toemsi moi matifasi nanga Gado en nanga hen Pikin? Ma fa na toemsi moi matifasi dati e de ini den aladé afersi foe na libi, wan troe troe sani — wan krosibé, switi en seker matifasi?