Oen go na fesi, oen bedinari foe a kownoekondre!
„Doe a wroko foe wan evangelium-prékiman, doe joe diniwroko doro-doro.” — 2 Tim. 4:5.
1. San de na difrenti na mindri na jeje toestand foe Babylon na Bigiwan èn di foe Jehovah Kotoigi?
INI foeroe kondre den jeje wé foe na falsi bribi kon dré now, èn den watra, pe Babylon na Bigiwan sidon a tapoe e dré. Disi e meki wi denki na a profétitori foe Jesaja di e kon troe ini wi ten, namkoe na profétitori di wi e feni ini Jesaja 65:13: „Loekoe! Mi knekti sa njan, ma oenoe sa de nanga angri. Loekoe! Mi knekti sa dringi, ma oenoe sa de nanga dréwatra. Loekoe! Mi knekti sa prisiri, ma oenoe sa de nanga sjen.” Disi doe kon, foedi Jehovah pipel e soekoe troetroe fosi na Kownoekondre èn den e doe ibri moeiti foe loekoe dati na boen njoensoe foe Gado kownoekondre ini anoe foe en Kownoe-Manpikin, Kristus Jezus, meki bekenti tapoe na heri grontapoe. — Openb. 14:6-8; 16:12; 17:5, 15.
2. Soema de verprekti foe go na fesi leki bedinari foe na Kownoekondre?
2 Na komanderi kari ini wi ten de ’Oen go na fesi, oen bedinari foe na Kownoekondre!’ Foe gi jesi na a kari disi leki wan groepoe bakaman foe wi Masra Jezus Kristus, dan ala kotoigi foe Jehovah, den di de foe loekoe a wroko èn ala trawan — mansma, oemasma, jongoe boi nanga oemapikin — de verprekti foe opo tnapoe gi na kownoekondre foe Gado (Ps. 145:10-12; 148:12, 13; 2 Tim. 4:2, 5). Disi de so, aladi son sma, foe omstandigheden ede, no man foe doe so foeroe leki trawan. Tokoe a wroko foe den e meki wi denki na a weduwe di ben gi ala sani di a ben abi, alwasi disi ben de soso toe moni di abi warti pikinso nomo. — Luk. 21:1-4.
3. O fara na libisma famiri abi na boen njoensoe fanowdoe, èn san de ini na Kownoekondre-boskopoe?
3 Na libisma famiri ini disi ten abi na boen njoensoe fanowdoe? O ja, fa den sma abi na Kownoekondre fanowdoe! Den no abi en fanowdoe wawan foe wan kaba kon na pen, siki, sari nanga dede, ma ooktoe den abi en fanowdoe sodati wan kaba kon na ala onregtvaardiki fasi, ala ogridoe, ala kiri, dwengi nanga feti, ja, sodati wan kaba kon na ala kroektoedoe èn ala discriminatie (Jes. 9:7). Foedi wi e go a fesi leki bedinari foe na Kownoekondre, dan wi e gi sma wan sani di den kan poti howpoe a tapoe, wan sani di kan hori baka gi den te leki Armageddon meki wan kaba kon na Satan seti foe sani. Nanga na kon moro foeroe foe kroektoedoe, dan wi no moe go wawan na fesi nanga wan boskopoe foe lobi nanga howpoe, ma ooktoe nanga wan warskow boskopoe foe „na dé foe refrensi foe na sé foe Gado”. — Jes. 61:2.
4. San moe de na moro prenspari réde di moe bewégi wi foe de wan faja bedinari foe Gado kownoekondre?
4 Ma fa, ini wan grontapoe di foeroe nanga onjoisti bewégi foe ati èn pe wan geest foe égi belang de moro foeroe, wi kan go na fesi leki bedinari foe Gado gi na grontapoe nanga wan geest foe offer wisrefi? Ini na fosi presi, te wi loekoe na lobi boenfasi foe Jehovah di ben sori wi, dan wi moe abi na lostoe foe go na fesi èn doe disi ini lobi gi en èn ini waarderi foe ala sani san a ben doe, e doe now èn sa doe ete gi wi. Na apostel Johannes e memre wi dati a lobi foe Gado, wani taki foe hori en komando, èn wan foe den komando foe en de foe préki na boen njoensoe foe en kownoekondre (Matt. 24:14; 1 Joh. 5:3). Boiti dati, Jehovah e kisi a fowtoe foe den problema di na libisma-famiri de na ini èn den e kosi en leki wan Gado di e pina sma foe tego. Lobi gi Jehovah, wi lobi hemel Tata, sa bewégi wi séker leki bedinari foe go na fesi èn jepi dati en nen kon krin foe den sortoe ogri lé.
5. San e bewégi wi moro ete foe go na fesi leki bedinari foe Gado?
5 Lobi gi tra sma na oen sé sa meki wi go toe na fesi leki bedinari foe a kownoekondre foe Gado. Lobi gi wi naaste sa tjari wi so fara foe si en jeje afersi, en tego libi, moro prenspari leki wi persoonlek prisiri. Lobi sa bewégi wi foe wroko na gebied foe wi ala ten njoen baka èn doe disi finifini. Lobi sa gi wi na réde foe tjari gobaka èn teki na verprekti na wi tapoe foe hori ala wiki bijbelstudi na sma di lobi na waarheid. Disi wani taki dati wi moe de nanga switifasi, langa pasensi, safri-fasi èn tactvol èn sori dati wi e firi gi trawan.
6. Fa na poti na wan sé foe wi diniwroko ben sa poeroe wi prisiri?
6 Wi e bribi na Wortoe foe Gado troetroe? A de ferteri wi dati a de moro „switi foe gi sani leki foe teki sani” (Tori foe den Apostel 20:35). Efoe wi e libi na velddienst na wan sé, dan wi e sori nanga wi doe, dati wi no e bribi den wortoe dati foe Jezus troetroe. Wi e kisi na djaranti, dati efoe wi „sai pasa marki, wi sa koti pasa marki”; dati ’na sili di lobi gi sani, sa meki kon fatoe srefi’. Disi no de soso moi ala dé wortoe, ma waarheid nanga gronprakseri di joe no kan lon komoto gi den, sodati na lobi foe wi gi Jehovah Gado nanga gi wi naaste èn loyaliteit gi Gado kownoekondre e kon tapoe tesi. — 2 Kor. 9:6; Odo 11:25.
7. Fa wan sma kan bewijsi dati a de fri foe a broedoe foe ala sma?
7 Ma a no de go soso foe na libi foe tra sma. Wi moe go na fesi leki bedinari foe a kownoekondre foe Gado foe de fri foe broedoe-paiman. Prakseri pikinso den wortoe foe Ezechiël 33:2-4: „Libisma pikin, taki nanga den manpikin foe joe pipel, èn joe moe taki nanga den taki: ’Foe taki foe wan kondre, efoe mi tjari wan feti-owroe a tapoe èn a pipel foe a kondre, alamala sondro foe poeroe wan, troetroe teki wan man èn poti en leki wan waktiman foe den èn a de si troetroe na feti-owroe e kon tapoe na kondre èn a de bro tapoe na toetoe èn a de warskow na pipel, èn a sma di e jere e jere troetroe na babari foe na toetoe, ma a no e meki den warskow kwetkweti, èn wan feti-owroe e kon èn e figi en poeroe — en égi broedoe sa kon tapoe en égi ede.’” Neleki na apostel Paulus wi moe kan taki: „Mi de krin foe na broedoe foe ala sma.” — Tori foe den Apostel 20:26, 27.
Na fasi fa wi e doe wi dienst
8. Sortoe aksi nanga reti wi e aksi foe na fasi fa wi e doe wi diniwroko?
8 Ma fa wi e go na fesi? Ini wi égi krakti? Nanga wan hé memre fasi, foeroe nanga froetrow tapoe wisrefi, aladi wi meki skin leki wi anoe? Ofoe na tra sé de a tori èn leki wan bakapisi foe a frede foe libisma e sori wan fasi foe degedege? Wi sa go onafhankelek na fesi èn poti den pasi di den wan di e teki fesi na wi mindri na wan sé? Kwetkweti! Dri punt de di spesroetoe wi wani hori na prakseri:
9. (a) Fa wi e go na fesi ini a krakti foe Jehovah? (b) Sortoe pasi 1 Petrus 3:15 e sori foe wi libifasi ini a diniwroko?
9 Na fosi punt de: Wi e go ini na krakti foe Jehovah Gado na fesi leki bedinari foe a kownoekondre foe Gado èn wi e froetrow a tapoe dati en geest sa poesoe wi, sa leti èn sa tranga wi. Foedi wi e go na fesi ini na krakti foe Jehovah, meki wi kan taki fri sondro frede leki Petrus nanga Johannes èn sori na srefi fri foe taki di den ben sori di den ben abi foe doe nanga den kerki fesiman foe den ten (Tori foe den Apostel 4:13). Na a srefi ten wi sa loekoe boen dati wi pristeri wi boskopoe nanga safrifasi èn dipi respeki. — 1 Petr. 3:15.
10. (a) San a wani taki foe de wan krin tjariman foe na boskopoe foe Jehovah? (b) Sortoe rai Filipi 1:10, 11 e gi ini disi?
10 Na di foe toe punt de: Wi moe go na fesi leki krin tjariman foe a boskopoe foe Jehovah, akroederi nanga san wi e lési ini Jesaja 52:11: „Hori oensrefi krin, oen di e tjari den wrokosani foe Jehovah.” Den wrokosani foe Jehovah ini disi ten, den diri waarheid foe en Wortoe, de krin, soifri, moi èn regtvaardiki. Foe datede meki dati ala sma di e tjari den go na den sma, moe hori densrefi krin ini moreel sé èn moe de moi na jeje fasi. Wi no e kari den sma foe krin densrefi na moreel sé èn foe poeroe den wroko foe na skin, soleki Jezus ben doe disi foedi „a ben kari sondari foe kisi beraw”? (Luk. 5:32). Wi no moe gi den ini disi wan toemsi moi eksempre? Hori ini prakseri, dati Paulus ben gi den kristen ini Filipi na rai: „Meki joesrefi de séker foe den moro prenspari sani . . . sodati joe kan de sondro fowtoe tapoe na dé foe Kristus, èn no meki trawan naki foetoe, èn kan kon de foeroe nanga regtvaardiki froktoe, di de nanga jepi foe Jezus Kristus, leki glori èn prijse foe Gado.” — Fil. 1:10, 11.
11. (a) O prenspari wan boen sorgoe foe skin de gi wan bedinari foe Gado? (b) Baka na boen eksempre foe soema wi moe waka ini disi?
11 Na di foe dri punt de: Te wi e go na fesi leki bedinari, dan wi moe sorgoe wi srefi boen. A de wan moeilek sani foe froestan foe san-ede wan dienstknekti foe Jehovah ben sa wani waka baka den modo foe ede-wiwiri nanga krosi, di de wan marki foe den hoeroedoe, oproeroe elementi foe na grontapoe foe na Didibri. Foe san-ede wi ben sa doe moeiti tranga foe de leki na grontapoe, aladi wi de ferteri den sma na a srefi ten dati na grontapoe sa kon na wan kaba nanga den regtvaardiki doe foe Jehovah? Foe san-ede wi ben sa wani proberi foe de leki na grontapoe èn sori nanga dati, dati wi de tra fasi leki a pipel fu Jehovah? Wi no moe de moro foeroe leki na pipel foe Jehovah èn sori nanga dati, dati wi de tra fasi leki den grontapoe sma di wi de na den mindri? Soema wi e proberi foe prisiri? Wi e proberi foe kon ini na boen-ati foe soema? Foe san-ede wi no ben sa loekoe na lepi brada nanga sisa na wi mindri ini na gemeente tapoe a tori foe krosi di sorgoe boen èn a fasi fa wi e sorgoe wisrefi na dorosé? Wi no kan teki na hint di den e gi wi èn waka baka na boen eksempre foe den? — 1 Tim. 2:9; 1 Petr. 3:3, 4, 16, 17.
12. Sortoe winimarki na oso-foe-oso-wroko e gi, wansi a de kande moeilek gi den sma di abi wan prati na en?
12 A de troe dati a no de wan makriki sani gi sonwan foe go oso foe oso nanga na boen njoensoe foe Gado kownoekondre. Tokoe na waarde nanga na boen foe disi ben sori foeroe tron (Matt. 10:7, 11-13; Tori foe den Apostel 20:20, 21). Foedi wi e meki wan boen gebroiki foe a oso-foe-oso-prékiwroko, dan den ben kari disi na „handelsmerk” foe Jehovah troe dienstknekti. Boiti dati, na oso-foe-oso-wroko no de boen wawan foe gi kotoigi na trawan, ma a de tjari ooktoe foeroe winimarki gi wi alamala di e teki prati na en. Soso kaba, dati wi skin kande e goenja foe en, e meki a de wan victori ibri tron di wan kristen bedinari e teki prati na en. — 1 Kor. 9:16, 27.
Osofamiri-frantwortoe èn a loekoe foe frantwortoe
13. Sortoe frantwortoe foeroe sma e tjari, boiti na verprekti foe den tapoe a tori foe na diniwroko, èn sortoe balans disi e meki de fanowdoe?
13 Boiti da verprekti foe wi foe de bedinari foe na Kownoekondre, dan den sma di abi wan osofamiri, moe doe ete wan frantwortoe. Bedinari foe na kownoekondre di abi wan osofamiri, moe leri den égi pikin foe den akroederi na rol di Gado gi den leki papa ofoe mama. Ibri jari wan bigi nomroe de foe den sma di e teki dopoe, foe jongoe sma di den papa nanga mama foe den ben kweki den „ini na tranga leri èn rai foe Jehovah” (Ef. 6:4). Ma na wan sari sani foe taki, dati son wan ben libi na verprekti nanga okasi èn disi ben tjari bigi sari gi den. A de aksi séker balans fasi foe de wan bedinari di e tan go na fesi. A no ben sa de wan boen sani te wi libi na oso-foe-oso-wroko na wan sé nanga na excuus dati wi e doe okasi-préki; ooktoe a no ben sa boen te wi meki okasi pasa gwe foe gi okasi-préki, foedi wi e go oso-foe-oso. Na so toe papa nanga mama no moe gi pasi dati velddienst ofoe gemeente frantwortoe èn tra verprekti teki someni ten, dati den libi na oso-famiri foe den na wan sé. Te joe loekoe en boen, a de a moro prenspari verprekti foe den foe sorgoe na jeje fasi èn na skin fasi gi den fanowdoe foe na osofamiri. — 1 Tim. 5:8.
14. (a) Fa papa nanga mama kan lasi na investering foe den ini ten, sorgoe èn moni na a kweki foe den pikin foe den? (b) Sortoe fanowdoe e tan te wan sma e kweki pikin kon tron jongoe bigisma?
14 Ja, na kweki foe pikin e teki ten, prakseri nanga moni. Leki fa den bereken, dan a de teki doesoen-doesoen koloe foe kweki wan pikin tron bigisma. Wi sa lasi séker na moni nanga na ten disi di wi ben poti te wi tan a baka foe hori ai na jeje fasi tapoe den wan di wi ben tjari kon na grontapoe. Na bigi koti foe ogri jongoe sma ini disi ten e sori dati papa nanga mama e libi moro foeroe pikin na densrefi (Odo 29:15). Papa nanga mama, famirman nanga tra sma foeroe tron e poti prakseri tapoe baby nanga pikinnengre. ’Fa den koni! Fa den switi! A pikin meisje foe mama èn na pikin boi foe papa!’ Dati kan de troe. Ma papa nanga mama moe hori ini prakseri, dati te den pikin disi doro na libimarki foe tini èn tron baka dati jongoe man nanga jongoe oema, dati den abi alaten ete sorgoe èn prakseri, lobi nanga tranga leri, kweki na jejefasi èn leri fanowdoe (Deut. 11:18-21). Dati na a kristen frantwortoe foe den papa nanga mama. Bedinari foe Gado no sa frigiti na verprekti disi, di de tapoe den skowroe.
Na wanfasi foe bedinari foe Gado na a heri grontapoe
15, 16. (a) Fa wi kan de séker dati na kownoekondre-boskopoe di wi e préki de krin èn aparti gi den sma di e jere disi? (b) San e jepi wi dati ini wanfasi wi e taki ini a heri grontapoe?
15 Ma meki wi loekoe ete wan tra frantwortoe foe kristen bedinari. „Soema sa sreka ensrefi foe go na feti efoe na toetoe e gi wan babari di no de krin?” (1 Kor. 14:8). Nanga den wortoe dati na apostel Paulus ben vermane bakaman foe Kristus foe gebroiki a tongo foe den na so wan fasi, dati tra sma ben kan froestan san e taki. Efoe na boskopoe foe na Kownoekondre di wi e préki ini wi ten, abi wan krin èn aparti kari gi na libisma-famiri, dan a de fanowdoe dati wi taki akroederi nanga makandra. Ini Jesaja 52:8 tanapoe: „Arki! Joe égi waktiman ben opo den sten. Ini wanfasi den e tan bari nanga prisiri.” Sakafasi nanga brada lobi de fanowdoe foe teki prati na so wan kari ini wanfasi. Wi sabi dati na kotoigi foe wi de dan boen te wi alamala e préki na srefi boskopoe, pe na krakti e poti tapoe a nen foe Jehovah, en koni èn lobi èn en Kownoekondre leki na wan enkri howpoe foe libisma. Ini 1 Korinte 1:10 Paulus e gi na rai, dati wi alamala moe taki nanga makandra ini wanfasi.
16 Wi no moe gi pasi dati wan sani tapoe na krin babari foe wi boskopoe. Wi ben kisi na komando foe taki leki bedinari foe Gado. Ini Jesaja 61:1, 2 e kon na krin san wi boskopoe wani taki. Jehovah getrow èn koni srafoe e doe ala san den man foe jepi wi foe taki ini wanfasi, foedi den e meki boekoe ini foeroe tintron tongo, bijbel nanga bijbel jepisani, sodati wi kan miti sma nanga wan boskopoe di de krin foe froestan. Wi kan doe na pisi foe wi, te wi o span wisrefi foe panja na „boen njoensoe” leki wan groepoe foe anbegiman foe Jehovah di de ini wanfasi. — Ps. 66:1, 2; 68:11.
Wi de klari foe gi wi ten na en?
17. Sortoe opregti ondrosoekoe wi moe ondrosoekoe wisrefi tapoe a tori foe na prati di wi abi na a diniwroko?
17 Te wi poti prakseri na a fasi fa wi persoonlek e go na fesi, dan ben sa kan . . . kon na krin, dati wi kan go moro na fesi tapoe na kontren foe na ten di wi e gi na wi diniwroko? Ibriwan foe wi di de wan gemeente-prékiman nanga wan boen gosontoe èn sondro verprekti foe kweki pikin ofoe foe sorgoe foe grani lobiwan, ben sa doe boen foe aksi ensrefi: San e tapoe mi foe na foeroeten-dienst? Mi no e waarderi nofo na prensparifasi foe na kownoekondre-diniwroko? Mi no abi kande na geest foe offer misrefi? Efoe joe no e si kans foe doe dienst leki wan gewoon pionier, joe ben sa kan meki presi ini joe libi gi na jepipionier-dienst? Te joe doe disi, dan joe séker ben sa go na fesi leki wan kristen bedinari foe na evangelium. Wan opregti ondrosoekoe foe joesrefi ben sa kan tjari kon na krin san joe kan doe persoonlek foe gi ibri moen moro ten na den afersi foe na Kownoekondre-tiri foe wi hemel Tata èn en Manpikin. — Ps. 26:1, 2, 11, 12; Mark. 12:28-34.
18. San sa jepi wi foe tan de ini wan boen matifasi nanga Jehovah èn Kristus Jezus?
18 Jehovah Gado nanga Jezus Kristus ben gi wi na eksempre foe loekoe na wi fesi èn foe go na fesi. Efoe wi wani doe a srefi persoonlek, dan wi moe kon ini a fosi presi ini wan boen matifasi nanga Jehovah Gado. Wi e doe ala moeiti foe hori wan boen konsensi foe no brok-ede noiti tapoe a tori foe wan sani di ben sa kan doti wi konsensi? Wi e meki boen gebroiki foe na diri grani foe na begi, èn wi e hori doro na ini? (Rom. 12:12) Wi e gebroiki ten gi persoonlek studi nanga a prakseri dipi foe san wi leri? Kande wi moe tjari wantoe kenki kon ini wi fasi foe libi, sodat wi kan poti na fanowdoe prakseri na den moro prenspari sani disi èn sodati wi kan gi ini wortoe èn doe wi diniwroko na fosi presi ini wi libi. — Ef. 4:22-24.
19, 20. (a) San de na „wortoe foe Gado” di Hebreër kapitel 4 e taki foe en? (b) Fa a kon na krin dati a „wortoe” disi de na libi èn de srapoe moro leki wan feti-owroe di e koti na ala toe sé, èn foe san-ede wi sa loekoe wan sani foe a wroko di ben doe ini na dienstjari 1981?
19 A de wan prisiri foe kan ferteri dati bedinari foe Jehovah ini na jari di pasa ben abi foeroe foe doe èn ben de fajafaja ini na meki bekenti foe na boen njoensoe disi foe na Kownoekondre. Na boskopoe ben wroko èn tan dipi ini na libi foe tin doesoen-doesoen sma. Leki wan bakapisi foe na krakti foe a Wortoe foe Gado foe kenki sma, meki dati moi kenki ben tjari kon ini na libi foe den sortoe sma disi. No wan degedege de dati na boskopoe foe „na boen njoensoe” de a libi èn dati a abi krakti èn a de srapoe moro leki wan feti-owroe di e koti na ala toe sé (Hebr. 4:2, 12, 13). Èn te na wortoe foe Gado ini anoe foe koni bedinari e doe en boen wroko, dan Johovah nen e kisi grani èn en kownoekondre e kon hé leki a wan enkri howpoe foe libisma. — Ef. 6:17.
20 Foe gi joe wan idee foe san Jehovah Kotoigi ben kan doe ini na pisi ten foe 12 moen ini na dienstjari 1981, dan den bodoi di e kon now, sa meki joe si san ben pasa ini na pisi ten dati leki wan bakapisi foe wanfasi moeiti foe na pikin groepoe disi di e wroko ini 206 kondre nanga eilanti ini den grontapoe-se (Odo 25:25). Wi de séker dati joe sa njan boen foe a sjatoe loekoe foe a wroko foe Gado bedinari ini disi ten.
[Prenki na tapoe bladzijde 81]
Wi e loekoe a Jehovah foe tranga wi foe en dienst
[Prenki na tapoe bladzijde 82]
Krosi di loekoe boen nanga wan boen sorgoe foe a skin e fiti kristen bedinari
[Prenki na tapoe bladzijde 83]
Bedinari di e go na fesi, e kweki den pikin foe den ’ini a tranga leri foe Jehovah’
[Prenki na tapoe bladzijde 84]
Owroe bedinari foe a Kownoekondre e tan go na fesi