Horidoro nanga prisiri aladi vervolgoe de
„Meki wi prisiri toe, aladi wi de ini benawtoe, foe di wi sabi taki benawtoe e tjari horidoro kon, horidoro foe en sé wan boen toestand, wan boen toestand foe en sé howpoe, èn na howpoe no e meki dati froewakti no kon troe.” — Rom. 5:3-5.
1. San na vervolgoe foe kristen ini den „laatste dé” disi ben tjari kon na krin?
DEN ondrofeni foe Jehovah pipel ini den „laatste dé” disi ben sori seker na waarheid foe Jezus wortoe: „Kolokoe joe de te den sma abi ogri-ati foe joe, èn te den e jagi joe komoto, èn e kosi joe èn trowe joe nen leki wan ogri sani foe na Manpikin foe libisma ede. Prisiri alaten èn djompo foe prisiri, bika loekoe! joe paiman de bigi ini den hemel, bika precies den srefi sani den fosten tata ben doe nanga den proféti” (Luk. 6:22, 23; 2 Tim. 3:1). Ja, Gado dienstknekti kan horidoro getrow, èn srefi nanga prisiri, ondro ala sortoe vervolgoe.
2. (a) Den sma di e kisi moro vervolgoe e kisi wan moro bigi paiman? (b) San de wan toe boen bakapisi di e kon foe na getrow horidoro ondro ferfolgoe?
2 No dati wi e feni en wan switi sani foe kisi vervolgoe, bikasi vervolgoe no de wan switi sani èn foeroe tron a de wan sani di e tjari pen kon. No na vervolgoe srefi, ma na bakipisi foe en e gi wi reden foe prisiri (Jak. 1:2, 3). Kristen no wani kisi sote vervolgoe. Den no e doe moeiti foe de martelaar, nanga na prakseri dati o moro vervolgoe den moe pasa, o moro boen den sa feni ini na ai foe a hemel Tata foe den. Den sma di e ondrofeni moro vervolgoe, no e kisi wan moro bigi paiman, èn ook toe a no de fanowdoe dati den de moro getrow leki den sma di e kisi moro pikinso vervolgoe. Ma loekoe pikinso sortoe sani e waka baka makandra te wan kristen horidoro boen ondro benawtoe: „Benawtoe e tjari horidoro kon, horidoro foe en sé wan boen toestand, na boen toestand foe en sé howpoe èn na howpoe no e meki dati na froewakti no kon troe.” — Rom. 5:3-5.
3. (. . . ?)
3 Efoe wi e lési foe na vervolgoe di wi mede-kristen e ondrofeni na son presi, dan kande wi moe aksi wisrefi: „Mi ben sa kan horidoro?” Ma te wantronso dan wi kisi foe doe nanga gens ofoe tesi èn wi, na presi foe den wini wi ofoe wi tapoe foe dini Gado, e go na en foe jepi, dan wi e si dati a de jere wi begi èn wi e ondrofeni fa benawtoe e tjari horidoro kon. Dan wi no e aksi moro langa ofoe wi ben sa kan pasa benawtoe; wi sabi dati wi kan ini Jehovah krakti. Na fosi tesi kande no de so hebi, ma tog wi bribi ben kon ondro tesi èn kon moro krakti. Na tra tesi kan de moro hebi ma wi bribi kon de someni tron moro tranga, foe di wi no ben lon gi na fosi tesi. Ini a krakti foe Jehovah foe datede wi kan kakafoetoe gi ibri tesi tapoe wi bribi, ini na sabi dati a no sa gi pasi dati wi kisi tesi moro leki san wi kan tjari; ook toe „a no sa libi wi” . — 1 Kor. 10:13; 2 Kor. 4:8-10.
4. Sortoe troetroe reden wi abi foe de nanga prisiri te wi horidoro boen ondro tesi of vervolgoe?
4 Horidoro ondro benawtoe de troetroe wan reden foe prisiri. Wi kan bréti dati wi no ben fadon gi tesi, ma wi ben hori faste na san ben de joisti. Wi sabi dati Gado ben feni disi boen, èn foe datede meki na boen horidoro foe wi ben tjari wi kon moro krosbé na en, san ben de wan reden moro foe prisiri, soleki ini Jakobus 1:12 e verklari so krin.
Foeroe fasi foe vervolgoe
5. Sortoe situwasi de now ini foeroe kondre tapoe na tori foe vervolgoe èn gens foe wi brada nanga sisa? Foe san ede disi de so? (Amos 7:10-17)
5 Na a momenti disi ini moro leki 40 kondre skotoe ben poti tapoe na wroko foe Jehovah Kotoigi, èn ini foeroe foe den kondre Gado dienstknekti ben moe ondrofeni hebi tesi nanga fasi foe vervolgoe, soso foe di den ben teki na faste besroiti foe dini den Gado, Jehovah getrow. Ini foeroe geval wet poti dati wi wroko no moe doe foe di kerki fesiman poti faja, di verklari tapoe wan fowtoe fasi foe san ede wi no e bemoei nanga politiek foe stop wi prékiwroko. Lantiman di sabi fa sani de, sabi dati Jehovah Kotoigi na no wan enkri fasi de revolutionair èn njan na ondrosé ofoe de gefarlek gi na tiri. Tiriman fee Lanti di sabi den troe tori, sabi dati den Kotoigi de borgroe di lobi orde èn e doe sani nanga den heri konsensi èn di de doe ala moeiti foe hori den wet foe na kondre hé èn gi jesi na den. Ma, ini na geval foe Jehovah Kotoigi a trouw foe den na a fosi presi de foe Gado. Foe datede meki ini no wan kondre den e teki prati na politiek. Soboen ef wan stré de nanga Gado wet, dan neleki den apostel, den sa „gi jesi na Gado leki tiriman moro leki na libisma”. — Tori foe den apostel 5:29.
6. San de wan toe eksempre foe vervolgoe di Jehovah Kotoigi ben moe ondrofeni? (b) Joe kan ferteri foe den srefi sortoe situwasi ini disi ten, di ben pasa?
6 Kroektoedoe sma, di sontron kerki fesiman ofoe politiek fanatici ben tjari den, ben mishandel Jehovah pipel ini foeroe presi. Den ben dwengi foeroe foe den jeje brada nanga sisa foe wi foe libi den oso nanga goedoe èn foe lon gi den libi, soleki ben pasa ini Malawi nanga Ethiopia ini jari no langa pasa kaba. Sonwan ben lasi wroko ofoe den ben jagi poeroe foe a presi pe den wroko, aladi trawan ben moe sroto na zaak foe den, soso foedi den de Jehovah Kotoigi (Openb. 13:16, 17). Den ben kon hendri den kristen konmakandra foe bijbelstudi foe den èn broko den; den go ondrosoekoe na oso foe den nanga na bakapisi dati lanti ben teki den bijbel èn boekoe foe bijbeltori. Den ben gebroiki methode foe tapoe skreki gi den foe meki den frede; foeroe foe den den ben kisi èn poti ini doengroe-oso èn sonwan srefi den ben kiri. Ini na ten foe den grontapoefeti na vervolgoe ben hebi srefsrefi, ma ini foeroe kondre vervolgoe de te now ete.
7. Sortoe situwasi foeroe sma foe Gado pipel ben moe pasa, srefi ini kondre pe lanti no e vervolgoe den hebi?
7 Boiti dati, doesoendoesoen foe wi brada nanga sisa na a heri grontapoe moe kakafoetoe ala dé gi gens nanga vervolgoe foe na sé foe sma foe na osofamiri nanga famirman, foe di leki discipel foe Jezus Kristus den wani dini Jehovah. Jezus ben taki na fesi: „Den féanti foe wan sma de en égi ososma.” — Matt. 10:35, 36.
Na marki foe vervolgoe
8. Den e vervolgoe Johovah Kotoigi foe di den de ogriman of sma di e pasa a wet?
8 San vervolgoeman foe Gado pipel wani doro? Den e vervolgoe Gado kotoigi foe di den de ogriman ofoe kiriman? Nono. Ini algemeen sma e agri dati Jehovah Kotoigi de sma di lobi orde èn di abi wan hé moraal. Den de boen wrokoman, di wi kan taki foe den dati den abi switifasi èn de redelek èn di no e tjari densrefi leki kerki fanatici. Den de foe-troe sma di sma wani so te leki birti (Tit. 2:6-10; Gal. 6:9, 10). Na boskopoe foe den na wan vréde boskopoe èn a de gi trowstoe na den sma di e sari èn kré. Den e préki na „boen njoensoe” dati djonsro Gado kownoekondre sa poeroe sma di e kwinsi trawan èn sa tjari wan njoen seti kon. — Matt. 6:10; Ps. 37:10, 11.
9. Sortoe wroko foe wi, gensman wani stop èn foe san ede?
9 Ma den kerki fesiman foe na kristenheid bere e poeroe kon na doro nanga na préki foe na „boen njoensoe” leki sma di no abi wan boskopoe foe howpoe gi den sma. Foe datede den e proberi foe tapoe na mofo foe den sma di e préki na boskopoe disi! Ook toe son tiriman, aladi den de klari foe gi Jehovah Kotoigi pasi foe bribi san den wani, e meki trobi dati den préki gi tra sma. Neleki den djoe kerki tiriman di ben abi foe doe nanga na faja wroko foe den fosten kristen den e taki: „Meki nanga tapoe skreki wi taigi den foe no taki nanga nowan sma tapoe na gron foe (Jezus) nen” (Tori foe den Apostel 4:17, 18). Ja, den wani stop wi prékiwroko. — Loekoe ook toe Tori foe den Apostel 5:28, 40.
10. (a) San Satan e proberi, boiti dati a wani stop wi prékiwroko, moro ete foe doe? (b) Fa disi e kon na krin ini na sortoe foe wet di meki foe tapoe wi activiteit?
10 Wi moe hori ook toe ini prakseri dati na troetroe sma di e gi faja foe na vervolgoe de Satan na Didibri (1 Petr. 5:8). A no wani foe stop wi préki wawan, ma a wani swaki wi bribi ook toe èn tjari wi so fara foe broko wi getrowfasi na Gado, san sa abi leki bakapisi dati wi no sa de boen moro foe kisi tego libi. Na vervolgoe soboen abi leki marki ook toe foe koti wi poeroe foe a jeje njanjan èn foe na demakandra nanga wi brada nanga sisa tapoe wi konmakandra. Te den meki wan wet tegen na activiteit foe wi, dan gewoonlijk wi prékiwroko èn konmakandra den e tapoe. „Oenoe kan de Jehovah Kotoigi”, wi e kisi foeroe tron foe jere, „ma oenoe no mag préki ofoe konmakandra”. Ma efoe wi no ben sa préki ofoe konmakandra, dan wi no ben sa de kotoigi foe Jehovah Gado ofoe Kristus Jezus, foe di wan kotoigi di no e taki noti, no de kwetkweti wan kotoigi (Jes. 43:10, 12; Tori foe den Apostel 1:8). Èn san ben sa pasa nanga wi bribi efoe wi no ben gi jesi moro langa na a komando foe Gado foe konmakandra? — Hebr. 10:24, 25.
Hori doro ondro vervolgoe
11. Fa getrow kristen ben teki na vervolgoe di ben kon na tapoe den?
11 Fa den dienstknekti foe Gado ben teki na vervolgoe di ben kon tapoe den? Neleki den fosten kristen den no e frede ma den ben go doro nanga na prékiwroko wansi wet ben poti foe no doe dati èn tapoe skreki ben gi. Neleki Paulus den abi reden foe „bréti èn prisiri”. Na krakti fasi fa den e teki na sé foe Jehovah foe na stré-aksi e bewijsi dati na Didibri de wan léman. Fa a de wan grani foe kan abi wan prati na a gi glori na Jehovah nen! — Fil. 2:17, 18; 2 Thess. 1:4.
12. Reden de foe frede foe san vervolgoeman e taki den e go doe nanga wi?
12 Foe troe reden no de foe frede gi sma di e vervolgoe wi. Paulus e skrifi gi den sma foe Filipi: „Soso, tjari joesrefi a wan fasi di de warti na boen njoensoe foe na Kristus . . . sondro foe joe meki joe gensman frede joe a iniwan fasi. Gi den disi a de (dati joe no frede den) joisti wan bewijsi foe pori, ma gi joe ferloesoe, èn disi de wan marki foe na sé foe Gado.” — Fil. 1:27, 28.
13, 14. (a) San féanti lantiman ini wan kondre ben doe no langa pasa kaba ini wan moeiti foe frede Jehovah Kotoigi? (b) San den ondrofenitori disi e sori troetroe?
13 Ini wan kondre ini Europa pe wet no erken na wroko foe Jehovah Kotoigi, no langa pasa kaba den ben kisi wan brada foe di a ben hori wan sjatoe bijbel lezing foe trowstoe sma. Den lantiman ini na presi dati ben taki dati soso sma di Lanti ben gi makti, kan taki na a ten foe wan beri èn dati a no mag foe begi „foe di wan sma kan gebroiki begi foe leri trawan”. Ete wan brada ini na srefi kontren den ben kisi foe di a ben lési na bijbel gi en osofamiri. Den no ben tjari kragi kon tegen den brada disi. Sjatoe den ben hori den èn baka dati meki den kon fri. Na krin marki ben de foe frede den èn meki den tapoe nanga a wroko foe den.
14 Ma soema de troetroe den sma di e frede? Efoe den lantiman foe na presi e skreki gi wan man di e lési na bijbel gi en osofamiri ofoe gi wan brada di e hori wan lezing na wan beri ofoe e begi, dan den moe de nanga frede toemsi gi na bijbel boskopoe èn gi den sma di e préki disi! Foe san ede wi ben sa frede gi den? Soleki Paulus ben sori, dan wi wanfasi nanga dekati „de gi den wan bewijsi foe pori, ma gi wi foe ferloesoe”. — Fil. 1:28.
15. Fa a fasi fa wi e doe nanga na tapoe skreki e abi krakti a tapoe ofoe na vervolgoe o go doro ofoe no o go doro?
15 Ini son presi prékiman foe na „boen njoensoe” baka wan toe wiki e kisi kari foe kon na skowtoe-oso foe kisi piri-ai èn foeroe tron den e tapoe skreki gi den foe gi den hebi strafoe efoe den no tapoe foe taki foe Gado kownoekondre. Ma te den brada nanga sisa no loekoe den tapoe skreki na wan ai èn go doro sondro frede nanga na wroko, dan den lantiman gewoonlijk e lasi ati èn den e libi den nanga rostoe. Ma efoe den si wan bewijsi foe swaki fasi foe a sé foe den kownoekondre-prékiman, dan den sa go doro nanga na moeiti foe den foe tapoe skreki gi den.
Go doro nanga wi wroko ini kondre pe den taki a no moe doe
16, 17. (a) Sortoe moeiti ben meki foe sorgoe foe jeje njanjan gi brada èn sisa pe na wroko tapoe èn ofoe di de ini straf-oso? (b) Foe san ede disi de prenspari?
16 Kotoigi ini kondre pe den taki a wroko no moe doe èn pe boekoe no mag prati, e froestan o prenspari a de foe kisi jeje njanjan geregeld. Foe di ini bepaalde kondre a no mag na Lanti foe druk èn tjari kon na doro na Wachttoren nanga tra boekoe èn seni den nanga post, dan tra sani e seti foe sorgoe dati ibriwan sma kisi na jeje njanjan. Ini Doisrikondre ini na ten foe na vervolgoe foe Hitler den ben stencil studi-artikel, typ den èn son tron srefi, skrifi den abra nanga anoe. Disi ooktoe moe doe now ini foeroe presi. Efoe nofo no man meki foe meki ibriwan sma abi en égi, den e seni den go doro, sodati ibriwan sma e kisi na kans foe lési na materiaal. Na prenspari sani de foe teki jeje njanjan alaten ini joe. — Matt. 4:4.
17 Ondrofeni ben sori dati Jehovah ben sorjoe alaten dati na jeje njanjan alaten go miti den Kotoigi, srefi ini toemsi moeilijk omstandigheden. Difrenti fasi ben gebroiki foe smokel na jeje njanjan disi go ini strafoe-oso nanga concentratiekampoe. Èn fa na njanjan disi ben gi tranga na den sma di ben de drape ini strafoe!
18. Foe san ede a de prenspari foe teki makandra nanga trawan alaten jeje njanjan ini joe, èn fa disi srefi ondro moeiliki omstandigheden kan doe?
18 Efoe a kan, dan getrow dienstknekti foe Gado e kon alaten makandra foe teki makandra na jeje njanjan na ini den — strefi te wet tapoe konmakandra èn den sidon ini strafoe. Wan aladé loekoe foe na bijbeltekst efoe a kan makandra nanga trawan, sa jepi dati na froestan de tapoe jeje afersi. Srefi wan sjatoe takimakandra ala dé e gi jeje krakti. — Ps. 1:2; Tori foe den Apostel 17:11.
Na prenspari fasi foe konmakandra
19. (a) Sortoe onfroewakti ondrofeni foeroe foe wi brada nanga sisa ini Liberia ben miti? (b) Leki fa na bericht foe 1978 ini na Jariboekoe ben taki, dan san ben jepi den getrowwan foe horidoro?
19 Ini maart 1963 ini Gbarnga, ini Liberia, so wan 400 sma di ben de na wan districtskonmakandra foe Jehovah Kotoigi, ben tjari konmakandra èn ben hori 4 dé langa sondro njanjan tapoe wan sroedati djari. Ini wan moeiti foe dwengi den foe libi san den e bribi èn taki na fraga foe Liberia odi, den ben mishandel den Kotoigi èn den foefoeroe den goedoe. Aladi ini na okasi disi na moro bigi pisi ben fadon foe frede ede, tog wan moi bigi groepoe Kotoigi ben kibri den getrowfasi. Loekoe pikinso san bladzijde 177 foe na Jariboekoe foe Jehovah Kotoigi ben taki: „Na mindri den sma ben de foe ala klasse foe na maatschappij — sma di no kan lési èn sma di kisi boen leri. Den sma di ben de na mindri na groepoe foe den loyaalwan, ben de alaten sma di ben go getrow na konmakandra.”
20. Fa foeroe foe den e doe moeiti fajafaja foe „no libi na konmakandra foe den” èn wansi nanga sortoe gevaar?
20 Gado Wortoe foe santa jeje e gi wi na rai foe no libi wi konmakandra (Hebr. 10:24, 25). Na prenspari fasi foe disi no e kon moro pikinso ini ten foe vervolgoe. Den konmakandra kande moe hori dan ini pikin groepoe ini particulier oso; den moe hori kande na difrenti presi èn ten, di no alaten de so boen, foe di son konmakandra e hori lati na neti. Wi getrow brada nanga sisa e doe ala san de ini den makti foe de na ala konmakandra, wansi gevaar de. Èn den Kotoigi de klari foe opo den oso gi den sortoe konmakandra disi, aladi a kan wani taki gi den na lasi foe den fri te den ben sa kon sabi disi.
21. (a) Sortoe okasi de foe njan boen krinkrin foe na jeje njanjan? (b) Sortoe tekst e sori o prenspari a de foe de alaten tapoe den sortoe konmakandra disi èn foe teki prati na den?
21 Te moro pikin groepoe e kon makandra, dan kande no ala sma sa njan boen foe den moro boen leriman ini na gemeente, ma gi ibriwan sma moro okasi e de foe teki prati na den konmakandra èn na so fasi njan moro boen foe den. Wawan tron moro bigi groepoe kan konmakandra tapoe na tori foe picknicks nanga uitstapjes foe go koiri ofoe, te na okasi sori en srefi, foe wan persoonlek kari. Na de alaten na konmakandra de gi den wan prenspari sani „foe hori faste na froetrow di den ben abi na a bigin”, foe kibri na getrow fasi foe den èn foe kisi na kontroe foe den pramisi te den „no e kon weri”. — Hebr. 3:14; 10:36; Gal. 6:9.
Préki ondro wet di taki wi no moe préki
22. (a) Foe san ede Gado dienstknekti no kan stop ini disi ten foe taki foe den sani di den ben si èn jere? (b) Fa disi e doe ini son gebied?
22 Neleki den apostel, na so Jehovah dienstknekti ini disi ten „no kan stop foe taki foe den sani di den ben si èn jere” (Tori foe den Apostel 4:20). Jezus ben taki, dati „na boen njoensoe moe préki ini ala naatsi”, èn noti san libisma èn ogri jeje kan doe, sa tapoe disi (Mark. 13:10). Wansi den tapoe na wroko foe Jehovah Kotoigi ini son kontren, tog a kan foe go drape leki wan aparti sma oso na oso èn gebroiki soso na bijbel.
23, 24. (a) Fa na prékiwroko e doe ini kontren pe a no de boen foe wroko foe oso na oso? (b) Joe kan ferteri ondrofenitori di e sori sortoe boen bakapisi e kon foe disi na so wan fasi?
23 Pe a no de wan boen sani foe go foe oso na oso, na „boen njoensoe” kan préki tapoe tra fasi. Kande ini difrenti pisi foe na kontren fisiti kan tjari go dan dja dan drape, sodati wi no e preki foe oso na oso tapoe wan systematisch fasi. Ma wi no abi foe wakti te wan sma de baka wan doro. Wi brada nanga sisa ini foeroe kondre ben si bigi winimarki foe taki nanga sma pe den e miti den toe — na strati, na berpe èn ini park, ofoe srefi te den e reis. Son wan e go srefi leki toerist na gebied pe Kotoigi no de èn den e bigin drape foe taki nanga sma efoe dati kan. Solanga wi abi bro èn sma de nanga soema wi kan taki, dan féanti seker na no wan fasi sa meki dati wi no taki tapoe den difrenti fasi disi.
24 Nanga a doe foe disi, Jehovah dienstknekti kon koni foe bigin switi takimakandra foe ala sortoe tori èn tjari dan na takimakandra kon tapoe na tori foe na bijbel tapoe wan fasi di fiti. Wan Kotoigi ini wán kondre ini wan Park ben waka go na wan jongoe man nanga oema di den ben e dringi pikinso watra foe wan pikin kriki. Na Kotoigi ben aksi ofoe den no ben sa wani sabi pe moro betre watra de foe feni. Ne a bigin foe ferteri den foe libi watra ini wan Paradijs di e kon, èn den ben abi wan takimakandra di ben langa dri joeroe. Disi ben meki wan bijbelstudi ben opo, èn baka dri moen na man nanga oema ben bigin foe teki prati na a velddienst. Wan jari na baka den ala toe ben dopoe, ala di na man bakaten ben doe wroko leki wan dinari ini na diniwroko ini na gemeente. — Teki gersi Johannes 4:7-15.
25. San wi moe proberi foe lon komoto na en pasi, spesroetoe drape pe den taki dati wi no moe préki?
25 Nanga ala den activiteit disi a de froestandiki foe komoto na pasi foe miti man-toe-man nanga gensman. Ooktoe wi moe de voorzigti nanga a gi foe bedoi na a féanti leki wan doe foe wan sani tapoe den moeiti foe den foe kisi wi na den sé nanga switi taki èn kori. Wi moe hori Jezus rai ini prakseri: „Loekoe! Mi e seni oenoe leki skapoe na mindri foe wolfoe; sori foe datede dati joe de voorzigti leki sneki èn tokoe sondro fowtoe leki doifi” (Matt. 10:16). Paulus e gi ook toe na rai: „So fara a anga foe joe sé, lobi foe hori vréde nanga ala soema.” — Rom. 12:18.
Den moi bakapisi foe na kibri foe getrowfasi
26. Sortoe moi bakapisi e kon te wansi vervolgoe de, wi e kibri wi getrowfasi?
26 Fa wan wondroe moi kotoigi ben gi ini ala den hondro-hondro jari foe na sé foe ala den sma di ben kibri den getrow fasi, wansi hebi vervolgoe ben de! Ala moeiti foe na Didibri nanga en wrokosani foe tapoe na gi foe kotoigi, ben meki wan moro bigi kotoigi ben gi foe na grani foe Jehovah nen. Ala den doesoendoesoen, ja, den miljoenmiljoen sma di ben kibri den getrowfasi ondro vervolgoe (èn e kibri dati ete), troetroe ben abi wan toemsi moi prati na a kotoigi disi, bikasi den ben poeroe na bere foe na Didibri kon na doro leki wan léman èn den ben bewijsi den bribi ini Jehovah Gado sondro foe broko èn lobi gi en!
27. Sortoe persoonlek winimarki wi e ondrofeni te wi e hori doro getrow ondro tesi èn vervolgoe?
27 Te wi e hori doro getrow dan wi abi wan boen konsensi, foe di wi sabi dati wi ben doe boen èn dati Jehovah e feni wi boen. Disi e tranga wi howpoe, nanga na bakapisi dati wi prisiri e kon moro bigi. Wi bribi e kisi tesi, èn foe di wi no drai baka ofoe lon gi na vervolgoe, Jehovah ben jepi wi foe hori doro. Leki wan bakapisi foe disi, wi bribi kon de moro tranga leki sortoe ten na fesi. „Na tesi fasi disi foe wi bribi” e jepi wi moro boen foe kakafoetoe gi tesi di e kon ini na ten na wi fesi. — 1 Petr. 1:6, 7.
28. (a) Sortoe reden foe prisiri na sisa foe Finland abi now? (b) San a kan tan howpoe?
28 Na sisa di wi ben taki foe en na a bigin foe na artikel, ben ondrofeni na waarheid foe disi. A de libi now ini na presi pe a komoto, pe wan pisi ten now kaba a de doe wroko leki wan gewone pionier (wan foeroe-ten kownoekondre-prékiman). Aladi a no kan sorgoe gi en dri jongoe pikin, tog a mag go si den dri tron ini wan moen èn a ben kan gi na „boen njoensoe” na den, èn leki wan dekati den ben teki en pikinso. Èn soema sabi san de na kabapisi? Foeroe geval de pe ogri gensman èn vervolgoeman ben kon so ondro na sé di wi brada nanga sisa ben teki getrow, dati disi ben bewégi den srefi foe loekoe ini na bijbel, èn son wan foe den ben tron anbegiman foe Jehovah te foe kaba.
29. Sortoe tranga wi alamala abi foe tan getrow èn nanga prisiri, wansi vervolgoe ben kan de?
29 Jakobus ben skrifi: „Brada, teki leki wan model foe na pina foe ogri èn na sori foe pasensi den proféti, di ben taki ini na nen foe Jehovah. Loekoe! Wi e verklari den di ben horidoro, kolokoe” (Jak. 5:10, 11). Te wi poti den toemsi moi eksempre foe kristen ini na fosi eeuw na tapoe èn den sma ini wi ten, dan wi alamala e kisi boen tranga foe de nanga prisiri, wansi vervolgoe de.
[Prenki na tapoe bladzijde 163]
Jezus ben taki: „Den feanti foe wan sma de en égi ososma”
[Prenki na tapoe bladzijde 165]
Srefi ondro wet di taki dati den no moe préki, Jehovah Kotoigi no e tapoe nanga préki