Lobi leki wan „banti foe wanfasi” e sori taki a de ’sondro fowtoe’
1. Na sortoe fasi wi kan agersi Jehovah nanga wan smetman, èn fa ibri famiri moe taki tangi na en foe a nen foe den?
NA MORO BlGI „Smetman” ini na universum, Jehovah Gado na Almaktiwan kan smeti wan „banti foe wanfasi” di e tan tranga foe tégo. Famirman-banti, srefi di na grontapoe, kan de kefarlek tranga; èn foe Jehovah Gado a bijbel e taki leki „na Tata di ibri famiri ini hemel nanga grontapoe moe taki en tangi foe a nen foe den (Ef. 3:14, 15). Sensi na grontapoe Froedoe ini den dé foe na famiri edeman Noach dan ibri libismafamiri ofoe ibri oso-famiri abi en roetoe foe na getrow man disi di Jehovah ben feni warti foe makandra nanga en oso-famiri psa libilibi na grontapoe froedoe dati. Leki wan bakapisi foe dati wi kan taki dati ibri libisma-famiri di e libi now na grontapoe, abi foe taki tangi na Noach foe en „nen” — dati wani taki, dati a de na libi foe tjari wan nen. Ini fosten, Jehovah Gado ben de frantwortoe dati sma na grontapoe ben kisi wan bepaalde nen, ma a no ben gi libisma-famiri ofoe oso-famiri direkt wan nen. Tokoe den abi foe taki en tangi foe a nen foe den, bikasi sondro en leki na Sma di ben gi libi ini na universum den noiti ben sa kon na libi leki wan famiri nanga wan nen. — Gen. 5:1, 2, 32.
2. Fa na oproeroeman tegen Gado oso-famiri, ben tron ensrefi wan tata foe wan oso-famiri èn san ibriwan foe wi nanga reti moe aksi ensrefi?
2 Na libisma-famiri ben poeroe ensrefi poti aparti foe na universele osofamiri foe na hemel Tata. Na poeroe densrefi disi poti aparti ben doe kon nanga wan moro hé sma leki libisma di ben meki oproeroe tegen na osofamiri foe Gado ini hemel di de foe engel. Na oproeroeman disi bakaten ben kisi na nen foe Satan na Didibri. Foe di a ben tjari bakaman kon na makandra ini hemel di tanapoe na en sé, dan a ben de, kon wi taki, leki wan tata, den ma den memre foe en osofamiri no e tai na makandra nanga lobi. Jezus Kristus — na model foe getrowfasi ini Jehovah universeel osofamiri — ben taki na wan séker okasi gi den gensman foe en foe djoe bere: „Efoe Gado ben de oen Tata dan oen ben sa lobi mi bika mi ben komoto foe Gado èn mi de foe dat’ede dja . . . Oenoe de foe oen tata na Didibri èn oen wani foe doe den lostoe foe oen tata. En ben de wan kiriman di a ben bigin, èn a no tanapoe faste ini na waarheid, bika waarheid no de ini en. Te a de taki lé, a e taki akroederi en égi fasi, bika en de wan léman èn na tata foe na lé” (Joh. 8:42, 44). Ini a fasi disi ibriwan foe wi kan aksi wisrefi ini disiten: Soema de akroederi na markitiki disi mi „tata”?
3. Fa Satan situwasi e kenki sensi a Fosi Grontapofeti nanga di bifo a ten disi, èn spesroetoe sortoe begi moe kon troe foe na boen foe ala bakaman foe Gado organisaatsi?
3 Na a ten foe en oproeroe Satan na Didibri ben poeroe poti na dorosé foe na universele osofamiri foe Gado, èn bakaten, disi ben psa sosrefi toe nanga en ogri jeje ondro en leki wan tata. Ini na djari foe Eden a ben sori ensrefi na a libismafamiri leki na koriman, èn a ben kisi pasi srefi baka dati foe hari lontoe na heri grontapoe foe go doro nanga en ogri kampagne foe gens tegen na waarheid (Job 1:7; 2:2). Ma now, sensi na „feti” di ben taki na fesi, baka na gebortoe foe Gado Kownoekondre ini na hemel, na gebortoe di ben feni presi di „den faste ten foe den naatsi” ini 1914 ben kon na wan kaba, dan Satan na Didibri nanga en ogri jeje ben trowe komoto foe hemel kon na grontapoe, foe de wantenwanten ini na birti foe den hemel engel. Noiti moro den sa kisi pasi foe go ini hemel, pe den engel e libi. Wi kan froestan foe dat’ede boen dati Satan en ati e faja nanga Jehovah universele organisaatsi nanga den loyaal memre foe en (Openb. 12:1-12; Luk. 21:24). Now na ten doro foe dat’ede leki noiti na fesi dati na lobi begi di skrifi ini Kolossesma 1:2 foe na apostel Paulus namkoe „dati oen abi no-ferdini-boenfasi nanga vréde foe Gado, wi Tata”, foe na boen foe den loyaal bakaman foe Jehovah organisaatsi di de now na grontapoe, moe kon troe. Gado no kan jere na begi disi foe vréde na mindri makandra efoe wanfasi no de a den mindri. Efoe vréde moe de dan harmonie moe de na inisé foe na organisaatsi foe na Gado di e gi vréde, ja den memre foe na organisaatsi moe tai stéfi kon wan na makandra.
4. Foe sortoe sani den kotoigi foe Jehovah di de ini wanfasi e taki en tangi, èn ini san den moe tan waka?
4 Gi na wanfasi na inisé foe na organisaatsi foe Jehovah Kotoigi, nanga leki bakapisi vréde di de wan marki foe na organisaatsi now na a heri grontapoe, Gado dienstknegti kan doe na sani di den memre foe na gemeente na Kolosse ben kisi foe doe, namkoe ’taki na Tata tangi, di ben meki den kon boen foe teki prati ini na goedoe foe den santa wan ini na leti’ (Kol. 1:12). Wi moe tan waka ini na leti di e kon moro bigi, èn ini „den laatste dé” disi foe na owroe seti foe sani, wan spesroetoe moeiti moe doe foe tan boen” foe kisi moro leti èn foe sortoe goedoe toe di poti gi wi ini na njoen seti foe sani. — 2 Tim. 3:1.
Kon de wan leki „wan ipi”
5. Foe san Jehovah Kotoigi komoto now, ma san e hori na „wán ipi” foe na „wán herder” makandra, awansi ala sani di e tjari pratifasi kon ben sa de?
5 Ini a ten disi a gersi taki Jehovah Kotoigi komoto foe moro foeroe libismafamiri leki a ben de nanga den kristen foe na fosi jarhondro. Nanga disi ini prakseri wi kan taki dati den komoto foe ala ras foe na libisma-lo, foe groepoe foe sma nanga ala skin kloroe èn foe ala maatschappelek stand. Den aparti marki disi ben kan wroko leki wan sani di e tjari pratifasi kon na mindri Jehovah Kotoigi. Ma disi no de so kwetkweti! Den erken dati den abi na wan gemeenschappelek fonten foe na de di den de na libi èn foe na waarheid, awinsi den de foe sortoe ras, skinkloroe, tongo, nationaliteit, èn maatschappelek stand. Na tapoe na lati pisiten disi joe abi na mindri Jehovah Kotoigi wan fikapisi foe kristen di ben wiki nanga jepi foe na jeje nanga hemel froewakti na den fesi èn wan „bigi ipi” sma di na Toemsi Boen herder Jezus Kristus, e kari en „tra skapoe” (Joh. 10:16; Openb. 7:9-17; Matt. 25:31-46). Tokoe a sani disi di ben taki na fesi langaten psa kaba nanga mofo foe Jezus Kristus no misi en marki, aladi na ini ben taki dati ’den ben sa tron wán ipi, wan herder’. Na Toemsi Boen Herder ben sori na wan konifasi dati a ben tjari ala en bakaman di ben gersi skapoe èn di lobi vréde komakandra „ini wan ipi” awinsi wan difrenti de ini den froewakti di den abi foe na ten di e kon. Ini wanfasi den abi alamala lobi gi a „wan herder” foe den, di na wan lobifasi ben offer en libismalibi gi den alamala, èn den de loyaal na en.
6. Foe san-ede na fikapisi, di abi wan hemel howpoe, no ben hori ensrefi na baka foe tjari den bijbel waarheid ini a tori foe den „tra skapoe” kon na doro?
6 Na bijbel „waarheid”, di ala skapoe ini a ten disi lobi so tranga, abi foeroe bodoi foe na howpoe tapoe na paradijs di na „bigi ipi” „tra skapoe” foe na Herder abi. Leki sma di lobi na heri „waarheid” foe Gado Wortoe, den memre foe na jeje fikapisi foe dat’ede no ben hori densrefi a baka foe djaroesoe ede foe meki den boen sani foe den Santa Boekoe bekenti gi den „tra skapoe” dati, ma den meki na toemsi bigi, grontapoe howpoe disi spesroetoe bekenti sensi na jari 1935 na a heri grontapoe tapoe wan lobifasi. Na fikapisi sabi dati den e libi now ini na „ten foe na kon boen baka foe ala sani, di nanga mofo foe en santa proféti, Gado ben taki granwe kaba” (Tori. 3:21). Gi na fikapisi na openbaring foe na waarheid disi de wan pisi foe „a goedoe foe den, foe den santa-wan ini na leti”. Sensi juli 1879, di na tijdschrift disi, na Wachttoren foe na fosi tron ben kon ini Ingrisitongo, a de Gado wrokosani foe meki na toemsi bigi howpoe disi tapoe na paradijs kon na libi gi na libisma-lo di ben bai kon fri. Den tra boekoe foe na Watch Tower Bible and Tract Societ, alamala ben poti densrefi a tapoe foe meki na howpoe dati kon tranga èn stéfi, di na „bigi ipi” „tra skapoe” e prisiri densrefi so bigi na ini now nanga lobi warderi gi na fikapisi.
7. Sortoe howpoe di ben kenki foe den égi howpoe, na salfoe fikapisi ben tjari kon na krin tapoe wan lobi fasi ini 1935, èn foe san-ede den ben gi pasi dati sma di ben abi na tra howpoe disi, ben teki dopoe?
7 Te nanga na bakajari foe 1935 den dopoe kotoigi foe Jehovah di ben gi densrefi abra ini troe bribi ben abi na „wan howpoe” di ini Efese 4:4-6 e poti a den fesi, pe tanapoe: „Wan skin de èn wan geest, soleki oen ben kisi kari toe ini na wán howpoe di oen ben kisi kari na ini; wán Masra, wán bribi, wán dopoe; wan Gado èn Tata foe alasma, di de tapoesé foe alasma èn nanga jepi foe alasma èn ini alasma.” Ma ini na ten foe na congres di ben hori ini na jari 1935 di warti foe memre ini na foto Washinton D.C. ben kon na krin, dati na „bigi ipi” di ben taki foe en ini Openb. 7:9-17 ben de den „tra skapoe” di e kari ini Johannes 10:16 foe na toemsi Boen Herder. Na salfoe fikapisi, di te now ete e hori faste na den „wan howpoe” di boen troetroe, ben prisiri srefsrefi foe na leti disi di ben kon moro foeroe tapoe den Santa Boekoe èn den ben poti densrefi nanga den heri ati foe tjari den „tra skapoe” dati kon makandra. Den no ben abi na firi taki den „tra skapoe” psa a marki foe a „wan dopoe” foe di densrefi toe ben dipi go ondro watra, bika neleki ini a tori foe na dopoe foe na salfoe fikapisi, na dopoe foe den sortoe „tra skapoe” disi ben de sosrefi toe wan marki foe na gi di den gi densrefi abra na Jehovah Gado nanga Jezus Kristus. Na lobi di den ben weri gi densrefi leki wan krosi. ben kon moro bigi now, foe teki na ini den lobi „tra skapoe” foe den égi Herder.
8. Nanga na lobi foe soema ini den dé foe Israël foe owroeten, na lobi di de na mindri den toe klasse ini a „wan ipi”, ben kan teki gersi?
8 Wan lobi foe makandra gro èn kon moro dipi na mindri ala den sma di gersi skapoe foe „a wan ipi” ondro na moro bigi David, Jezus Kristus, na banti disi foe wanfasi nanga lobi e akroederi nanga na lobi di na salfoe David foe na lo foe Juda di bakaten ben tron kownoe ben sori gi na lobi Jonathan di ben de sondro gridifasi na manpikin foe na kownoe Saul di ben e tiri na a ten dati (2 Sam. 1:25-27). Sjatoe bifo na laatste adjosi, „Jonathan ben sweri agen na David foe na lobi di a ben abi gi en; bika a ben lobi en soleki a ben lobi en égi sili” (1 Sam. 20:17). Di David ben jere dati Jonathan nanga en papa ben dede ini na feti, en firi ben poesoe en foe singi wan kragisingi èn tjari disi kon na wan hémarki nanga den wortoe: „Mi kisi en benawtoe foe joe ede, mi brada Jonathan, joe ben de wan switi sani gi mi. Joe lobi ben de wan moro froewondroe sani gi mi leki na lobi foe wan oemasma” (2 Sam. 1:26). A lobi di den ben lobi makandra ben de wan „sondro fowtoe banti foe wanfasi”. Soso dede ben kan prati den.
9. Soema e gersi den „tra skapoe”, èn fa den memre foe den toe klasse sa prati foe makandra te foe kaba, ma sondro dati na lobi gi makandra kon kowroe?
9 Jonathan ben de wan agersi prenki foe den „tra skapoe” ini disi ten. Wan dé ini a ten di e kon, baka „na feti foe na bigi dé foe Gado na Almaktiwan” na Armageddon, dan na Jonathanklasse di ben tan na libi sa prati foe na fikapisi foe a Davidklasse (Openb. 16:14, 16). Disi sa feni presi soso, foe di na lobi fikapisi sa teki poeroe ini dede èn nanga jepi foe na opobaka foe den wantronwantron ini na jeje neleki a ben de „dati den sa hari poeroe gwe ini wolkoe go miti Masra ini na loktoe” (1 Thess. 4:17). Den sa tan lobi den „tra skapoe” di tan na baka na grontapoe. Na lobi foe den kon na fesi srefi na wan moro krakti fasi ete!
„Na moro bigiwan foe disi na lobi”
10, 11. Fa a doe kon dati bribi nanga howpoe no de so bigi leki lobi, soleki 1 Kor. 13:13 e taki?
10 Disi e meki wi prakseri Paulus wortoe na a kaba foe en toemsi moi fasi di a skrifi ini 1 Korinte kapiter 15, namkoe: „Ma now e tan bribi, howpoe, lobi, den dri disi; ma na moro bigiwan foe disi na lobi” (1 Kor. 13:13). Fa disi kan de so? We, loekoe fosi pikinso san Hebrewsma 11:1 e taki: „Bribi na a séker froewakti foe sani di wan sma e howpoe a tapoe, na krin sori foe troe sani di no de foe si.” Na howpoe tapoe den sortoe sani disi de solanga den sani disi no de foe „si”. Teki foe eksemppe Abraham. A ben sori bribi ini Jehovah Gado èn ini en makti foe wiki baka den dedewan. Foe dat’ede a ben wakti nanga foeroe froetrow tapoe sani di a no ben si bifo en dede. Na srefi fasi toe Jehovah Kotoigi ini disi ten e howpoe, leki wan bakapisi foe na krakti bribi foe den ini Gado, tapoe den sani di no de foe si ete èn di soboen den e ferwakti a tapoe ete. Te baka wan pisiten den e si den „sani di den ben howpoe a tapoe”, dan den bribi nanga howpoe tapoe den sortoe sani disi e kon na wan kaba, e kon troe. Disi e kon na krin ini san Paulus ben taki moro fara ini Romeini 8:24, 25, pe wi e lési:
11 „Bikasi wi ben kisi ferloesoe ini na howpoe; ma howpoe di de foe si no de wan howpoe, bika efoe wan sma e si wan sani, a de howpoe dan a tapoe? Ma efoe wi e howpoe tapoe san wi no e si, dan wi e tan wakti na tapoe nanga horidori”.
12. Na sortoe fasi Jehovah Kotoigi ben si na „kon boen baka foe ala sani”, di Tori foe den Apostel 3:21 e taki, èn sortoe fasi te foe wan pisiten sa kon na wan kaba foe dat’ede, ma sortoe fasi sa tan?
12 Sosrefi toe Jehovah Kotoigi na grontapoe sensi na jari baka na feti 1919, ben si na „kon boen baka foe ala sani, di Gado ben taki foe den nanga mofo foe en proféti granwe kaba”. Den ben si fa Jehovah organisaatsi di wi kan si ben kon boen baka foe na dedeslag di den ben kisi foe na fosi Grontapoefeti èn ben tron agen wan krakti organisaatsi baka dati, sodati den e anbegi Jehovah Gado agen ini wan jeje paradijs dja na grontapoe (Jes. 35). Den ben kon fri foe Babylon na Bigiwan, na grontapoe makti foe falsi bribi (Openb. 18:1-4). Foeroe foe den sani di ben taki na fesi ini na laatste boekoe foe a bijbel ben kon troe ofoe o kon troe. Na so fasi bribi nanga na howpoe di abi en fundamenti tapoe sowan bijbel bribi, e dini a marki foe den, èn te wan tron kaba a marki foe den kon troe krinkrin, den sa stop foe de. Ai, ija, ma fa a de nanga libi? A tan foe de èn a sa tan foe de. Aladi na grontapoe e brokobroko ini pisipisi èn den elementi foe na grontapoe de tapoe na punt foe smelter leki na bakapisi foe na hati faja, na lobi foe Gado di abi en fundamenti tapoe „banti foe wanfasi” no e smelter kon na wan kaba. A de tan te now ete foe de na fesi foe Gado nanga en organisaatsi di a de feni boen èn na mindri na fikapisi foe na „pikin ipi” èn na „bigi ipi” „tra skapoe” di den ben bari wan switikon gi. A e sori taki a de „sondro fowtoe”. Lobi de leki wan „banti foe wanfasi”, wan froktoe foe Gado jeje.
13. Foe san-ede lobi noiti sa lasi gwe?
13 Gado de ini persoon lobi; èn foe di Gado noiti e dede, dan lobi noiti sa dede ofoe lasi gwe. Èn nanga leti den e taki: „Gado na lobi.”
14. Sortoe waarheid ini a tori foe na krakti foe lobi di e tjari sani kon na wan sa tjari kon agen na fesi?
14 Ini a tori foe na krakti foe lobi di e tjari sani kon na wán, na waarheid foe 1 Joh. 4:8, 16, di komoto foe santa jeje, kan tjari kon alaten baka na fesi èn wi kan ondrosoekoe en moro dipi: „Gado na lobi èn na sma di e tan ini na lobi e tan ini wanfasi nanga Gado èn Gado e tan ini wanfasi nanga en.”
15. San ben poesoe Gado di a ben meki na libisma, èn foe san-ede na libisma kan warderi na poesoe krakti disi èn e teki en tapoe wan joisti fasi?
15 Foe dat’ede meki Gado, di a ben meki na fosi libisma na grontapoe, ben meki lobi poesoe en foe doe disi. Ini Genesis 1:27 wi e lési foe disi: „Èn Gado ben go abra foe meki a libisma na a prenki foe en, na a prenki foe Gado a ben meki en.” No dati na fosi libisma ben abi na skin foe Gado, ma a ben kisi égifasi soleki Gado srefi abi dati, èn den égifasi disi foe na froestan, na geest èn na ati e meki a de tra fasi leki den mekisani di de foe den moro lagi sortoe foe libi na grontapoe. Foe na rede disi na libisma disi ben kan warderi na lobi foe en Mekiman gi en èn tapoe joisti fasi teki na lobi dati leki wan manpikin na fesi foe en tata. Wan famiribanti ben de na mindri den, di ben kon de wan troetroe sani, foe di den ben abi alaten takimakandra, èn disi ben de so aladi na Tata no ben de foe na manpikin na grontapoe kan si en nanga ai, foe di no wan sma kan si Gado èn tokoe kan tan na libi. Na troe tori disi Gado ben tjari bakaten kon na a prakseri foe Mozes: „Joe no kan si mi fesi, bika no wan sma kan si mi èn ete tan na libi” (Ex. 33:20). Na regel disi no kenki, bika so wan tinaféfi-hondro jari a baka na apostel Johannes ben skrifi gi mede-kristen: „No wan sma ben si Gado oiti, na wan enkri gebore gado di de ini na borsoe-positie na a Tata di ben meki a kon na krin.” — Joh. 1:18.
16. Nanga sortoe lobi Johannes nanga en mede-discipel ben teki Gado lobi leki wan Tata, èn o krakti na „banti foe lobi” sori taki a de ini a tori foe na salfoe fikapisi nanga den „tra skapoe”?
16 Foe di na apostel Johannes ben de wan manpikin foe Gado di ben wiki nanga na geest, meki a ben de ini wan famirimati-fasi nanga Jehovah Gado èn en Manpikin, „na wan enkri gebore gado”, Jezus Kristus. Johannes nanga en mede-kristen ben teki a lobi di Gado ben sori leki wan Tata, foedi den sori wan lobi di gersi dati foe wan pikin. Na lobi dati ben de wan „banti foe wanfasi” na mindri den nanga den hemel Tata di ai no kan si. A ben tai den sma toe, di ben gebore nanga jeje tron jeje manplkin foe Gado kon na wan leki kristen brada nanga sisa. Te wi sa ondrosoekoe na „banti foe wanfasi” dati ini a ten disi, dan wi e si dati a de ’volmaakti’, bika den memre foe na salfoe fikapisi e tan getrow na makandra sondro foe prati foe makandra leki mede-anbegiman nanga kotoigi foe Jehovah Gado. A lobi disi e hori den ini na osofamiri foe Gado èn ini na kristen bradafasi. A de wan prenspari sani dati mede-anbegiman ini Gado tempel, na „bigi ipi” „tra skapoe” foe Kristus, e sori na srefi lobi di no de foe kiri di e tai Jehovah Kotoigi ini disiten a makandra so volmaakti. Meki foe dat’ede, wi teki na faste bosroiti foe abi na overtoigi foe na apostel Paulus dati no wan „mekisani sa kan prati wi foe na lobi foe Gado, di de ini Kristus Jezus, wi Masra.” — Rom. 8:38, 39.
San de a piki foe joe?
□ A sortoe fasi ibri famiri moe taki Gado tangi foe en nen?
□ Fa na sani disi moe wroko tapoe alasma ini a kristen gemeente?
□ Soema Jonathan e agersi?
□ Foe san-ede lobi moro bigi leki bribi nanga howpoe?
□ Fa lobi e tjari wi kon ini wanfasi nanga Gado?
[Prenki na tapoe bladzijde 8]
A dipi lobi na mindri David nanga Jonathan ben agersi na lobi mindri den salfoewan nanga den „tra skapoe”