„Prisiri foe tégo”
1. (a) San na a „foto” di e kari na ini Hebrewsma 11:10? (b) Te nanga oten na „bigi ipi” moe wakti foe kan kisi na „kontroe foe na pramisi”?
WI KAN prisiri foe troe dati na Messias-Kownoe. Kristus Jezus, e tiri now na ini wan hemel „Jeruzalem”. Disi de na foto di kari na ini Hebrewsma kapitel 11 „di de foe hemel”, na foto di Abraham, Isaäk nanga Jakob ’ben e proberi foe kisi’. „Na publiki (den) meki bekenti dati den de vreemde sma nanga wakaman na ini na kondre” Kanaän, bika den ben soekoe tranga „na foto di abi troetroe fundamenti, wan foto di Gado de na basi nanga mekiman”. Ma neleki fa a de nanga na „bigi ipi”, di abi now na howpoe foe kisi tego libi na grontapoe, na so na „kontroe foe na pramisi” gi den man dati foe owroeten kan kon reti, te den salfoe kristen kisi den paiman na ini na hemel kownoekondre. — Hebr. 11:8-16, 39, 40; Openb. 7:9.
„Na hemel Jeruzalem”
2. (a) Fa Hebrewsma 12:1, 2 e sori tapoe na howpoe foe na Messias-Kownoekondre? (Ps. 110:1, 2) (b) Fa a kon foe a kownoekondre ben agersi na a bergi Sinaï?
2 Na ini Hebrewsma kapitel 12 salfoe kristen e kisi moro fara dek’ati foe njan boen foe na eksempre foe den getrow kotoigi dati foe owroeten èn ooktoe „foe poti ai boen na tapoe na Moro Prenspari Wrokoman èn Man di e tjari wi bribi kon de volmaakti, Jezus”, di baka di a ben horidoro, „ben go sidon na a reti-anoe foe na troon foe Gado” te leki den „faste ten foe den naatsi” ben sa kon na wan kaba (Hebr. 12:1, 2). Ala di Paulus e poti krakti moro fara na tapoe na Kownoekondre-howpoe foe den kristen disi, a e skrifi foe wan sori foe Jehovah glori di e foeroe joe nanga respeki na a bergi Sinaï, di na Wetferbontoe nanga na Israël na skin fasi ben poti na ini wroko. Na a okasi dati Jehovah ben taigi Israël: „Efoe joe sa jere mi sten soifri èn sa hori mi ferbontoe troetroe, . . . dan joe sa tron gi mi wan kownoe-kondre foe priester èn wan santa naatsi.” — Ex. 19:5, 6,
3. Fa den jeje Israëlsma „ben waka doro” wan sani di e foeroe joe nanga moro respeki?
3 Ma den jeje Israëlsma — den salfoe kristen ini disi ten — de na ini wan „njoen ferbontoe” (Hebr. 8:8-11). Èn now den „waka doro” wan sani di e gi moro foeroe respeki. San na dati? Paulus e piki na ini Hebrewsma 12:22: „Oen waka kon na wan bergi Sion èn wan foto foe na libi Gado, na hemel Jeruzalem.” Na waka kon disi nanga den kownoekondre-erfgenaam ben bigin na ini Paulus ten, foe di den „bow kon de wan jeje oso” tapoe na fundamenti di ben poti now na ini Sion, Kristus Jezus (1 Petr. 2:4-9). Moro salfoe kristen ben sa ten go na a hemel Jeruzalem, te leki ala 144.000 ben tjari kon makandra na a Lam foe tanapoe nanga en tapoe na hemel bergi Sion dati. — Openb. 14:1-5.
4. Salfoe kristen „waka kon” na sortoe tra marki foe na Messias-kownoekondre?
4 Dja na ini Hebrewsma 12:22-24 Paulus e sori ooktoe tra marki di kristen „waka kon” na den èn di abi foe doe nanga na Messias-Kownoekondre nanga na prakseri foe en. A e taki foe na de-noja foe „myriade engel”, di de soleki e kon na fesi na ini Daniël 7:9-14 èn Matteus 25:31, te na Sma „di gersi wan libisma-manpikin” kisi na Kownoekondre. Paulus e sori sosrefi toe na „na gemeente foe den fosigeborewan” di e kisi na kownoekondre. A e gi Gado grani leki „na Kroetoeman foe ala sma”, di e verklari den ’fosigebore manpikin’ disi regtvaardiki, sodati den kan teki poti na ini na njoen ferbontoe, di Jezus tron na mindriman foe en nanga jepi foe en égi diri broedoe (Hebr. 9:13-15; Rom. 5:1, 9). Èn Paulus e ferteri ooktoe foe „den jeje libi foe den regtvaardikiwan”, den kownoekondre-erfgenaam, di e waka now na ini „wan njoen fasi foe na libi”. — Rom. 5:4; 8:16.
5. (a) Fa krakti e poti moro na ini Hebrewsma 12:28, 29 dati na „hemel Jeruzalem” de na Messias-kownoekondre? (b) Fa Hebrewsma 13:14, 15 e sori a tapoe dati na „foto” disi de ete na ini a ten di e kon?
5 Dati na „hemel Jeruzalem” di kari na ini Hebrewsma 12:22 abi foe doe nanga na Messias kownoekondre pe salfoe kristen „ben waka kon”, krakti e poti a tapoe moro fara nanga den vers, 28 nanga 29, pe Paulus e gi den tranga nanga den wortoe disi: „Meki foe dat’ede foe di wi sa kisi wan kownoekondre di no kan seki, tan abi no-ferdini boenfasi, sodati wi kan doe santa dienst gi Gado tapoe wan fasi di e prisiri en, nanga frede èn respeki gi Gado. Bika wi Gado de ooktoe wan faja di e njan ala sani.” Na fermane disi foe sori faja na a waka-kon na a hemel Jeruzalem ofoe na Messias-kownoekondre e taki someni tron te na a kaba foe na brifi foe Paulus, soleki wi e lési na ini na laatste kapitel na ini Hebrewsma 13:14: „Wi no abi dja wan foto di e tan, ma wi e soekoe tranga na wan di e kon.” Now na Kownoekondre dati ben kon — na ini na toemsi prenspari jari 1914! O tranga den wan di tan abra foe den salfoewan na grontapoe moe abi foeroe foe doe na ini „a soekoe foe na kownoekondre fosi” èn foe „tjari alaten wan slagti-ofrandi foe prijse, namkoe na froktoe foe den mofoboeba di e meki en nen bekenti na publiki”! — Matt. 6:33; Hebr. 13:15.
Na „Njoen Jeruzalem”
6. (a)San na a „Njoen Jeruzalem” leki fa Openbaring skrifi foe en? (b) Foe san-ede meki na „bigi ipi” moe abi foeroe belangstelling gi na „Jeruzalem” disi?
6 San wi kan taki dan foe na „njoen Jeruzalem”, di Openbaring 3:12 e kari foe na fosi tron? Dja na glori Jezus e taki foe ’a sma di e wini’: „Mi sa meki en tron wan postoe na ini na tempel foe mi Gado, . . . èn mi sa skrifi tapoe en na nen foe mi Gado èn na nen foe na foto foe mi Gado, na njoen Jeruzalem, di e komoto foe mi Gado na hemel saka kon.” Bakaten na ini Openbaring 21:1, 2 èn 10, Johannes e ferteri dati den winiman disi de na ini „wan njoen hemel” èn a e skrifi foe a groepoe foe den di abi foeroe memre leki na ’santa foto, na Njoen Jeruzalem, di e saka foe Gado komoto foe hemel, de sreka-sreka leki wan trowmisi di meki moi gi en man (Kristus, na trowmasra)’. Na Njoen Jeruzalem disi na Gado wrokosani nanga jepi foe san a e meki ’watra foe libi’ lon go gi sma di e gi jesi, sodati den kon betre èn e kisi libi dja na grontapoe. Na so fasi, Gado leki na Sma di meki na gran seti disi, „sa figi poeroe ala watra na den ai, èn dede no sa de moro, no sari, no babari, no pen sa de moro”. O fa den memre foe a „bigi ipi”, den mati foe na fikapisi foe na „trow-misi”-klasse de nanga prisiri foe na froewakti dati. — Openb. 22:1, 2; 21:4.
7. Fa na „Njoen Jeruzalem” kenki foe na „hemel Jeruzalem”?
7 Ma wan pikin difrenti de na mindri na „Njoen Jeruzalem” foe Openbaring nanga na „hemel Jeruzalem” foe a boekoe Hebrewsma, foe di a „Njoen Jeruzalem” abi 144.000 di de na anoe foe trow nanga na trowmasra, aladi na „hemel Jeruzalem” abi 144.001 sma, aladi na „wan” sma de na trowmasra-Kownoe. Na so fasi a de kon na krin ini den boekoe Hebrewsma nanga Openbaring dati wan krosbé verband de na mindri „na hemel Jeruzalem” èn na „Njoen Jeruzalem”.
„Na Jeruzalem di de na tapsé”
8, 9. (a) Soema ofoe san de „na Jeruzalem di de na tapsé”? (b) Fa Paulus e skrifi foe na Jeruzalem disi di de leki wefi te a e gebroiki Jesaja 54?
8 Na ini Galaciasma 4:26 wi e lési foe ete wan tra „Jeruzalem”. Disi de na „Jeruzalem di de na tapsé” èn soema ofoe san den e bedoel nanga a foto disi? Na apostel Paulus e taki foe dati: „Na Jeruzalem di de a tapsé, de fri èn dati na wi mama.” — Teki gersi Jesaja 54:13.
9 Na „Jeruzalem disi di de tapsé”, de na organisaatsi foe Jehovah na ini hemel di gersi wan oema. A abi na ini en den legre foe loyaal engel, èn na glori gran-engel, Jezus Kristus (Openb. 12:7). Den disi e pré a rol foe wan „oema” gi den soeverein Masra. Foe na „oema” disi Paulus e taki moro fara: „Boekoe skrifi [dati wani taki na ini Jesaja 4:1]: ’Prisiri, joe oema di no e meki pikin; broko kon na doro èn bari tranga joe oema di no abi pen foe meki, bikasi den pikin foe wan oema di de en wawan de moro foeroe leki di foe en di abi na man.’” — Gal. 4:27.
10. Fa a doe kon dati na „Jeruzalem di de na tapsé” e bigin wan tranga prisiri-babari?
10 Leki wan kontroe foe na profétitori disi, Jehovah „oema”, en gran hemel organisaatsi foe jeje mekisani, sondro degedege ben opo wan tranga prisiri babari di a ben si dati Kristus Jezus ini a ten foe en dopoe ini 29 G.T. ben meki leki na fosi „siri”. Na prisiri foe en den no ben skotoe di Jezus, di ben hori en getrowfasi, ben opo baka foe dede na ini 33 G.T. èn ben poti na sé foe Gado reti-anoe na ini hemel. Èn fa a ben de wan prisiri foe si fa na „siri” ben tron foeroe di moro nanga moro ook toe discipel foe Jezus Kristus ben tjari kon na ini foe tron en jeje pikin! Ala disi ben psa leki wan kontroe foe na pramisi foe Gado na Abraham dati a ben sa meki en „siri kon foeroe” leki wan blesi gi ala naatsi foe grontapoe. — Gen. 22:15-18; Gal. 3:29.
11. Fa na „Jeruzalem di de na tapsé” ben kon bréti?
11 Na ini 1914 G.T. den hemel ben prisiri foe si dati na „oema” foe Gado ben meki wan „Manpikin, wan man-nengre”, Kristus Kownoekondre. Èn di na kownoe Kristus (di ben nen ook toe Michaël, wan nen di wani taki „soema de leki Gado?”) ben piki na tjalansi foe Satan foe di a ben iti Didibri nanga en engel komoto foe hemel kondre, dan sondro degedege den legre foe engel nanga bigi prisiri ben opo doe wan sani di den jere „na tranga sten” di ben meki bekenti: „Prisiri foe disi, oen hemel èn oenoe di e tan drape!” Sensi 1919 den e prisiri ook toe foe si dati den „manpikin” di tan abra na grontapoe foe „na Jeruzalem di de na tapsé” ben loesoe densrefi krinkrin foe na bribi foe Babylon (Openb. 12:1-12; 18:4, 5). Èn fa a sa de wan prisiri di sa de now na mindri den hipihipi loyaal engel foe „na Jeruzalem di de na tapsé” foe di den wan disi di ben bai kon fri de now na ini den laatste fase foe na waka kon na a „hemel Jeruzalem”, na Messias kownoekondre! — Jes. 62:11; Openb. 19:7.
„Njoen hemel èn wan njoen grontapoe”
12. (a) Na sortoe „Jeruzalem Jesaja 65:17, 18 e sori a tapoe? (b) Sortoe verband de na mindri na Njoen Jeruzalem” èn na „njoen hemel” èn sortoe dienst na Jeruzalem disi e doe?
12 „Na Jeruzalem di de na tapsé”, na organisaatsi foe Gado di gersi wan oema, e prisiri psa marki foe ala sani di en soeverein Masra Jehovah e doe. Ma meki wi loekoe now Jesaja 65:17-19. Dja na profétitori e ferteri dati Jehovah e mekl wan njoen sani. Foe dat’ede na „Jeruzalem” disi moe de na „Njoen Jeruzalem”, na organisaatsi di ben meki now leki „a oema-pikin foe Sion” èn di de na anoe foe ben trow nanga na trowmasra-Kownoe, Jezus Kristus (Jes. 62:11). Jehovah e taki foe na „trow-misi” disi: „Loekoe, mi e meki gi Jeruzalem [leki] wan réde foe bréti èn en pipel [leki] wan réde foe prisiri psa marki.” Bigi na prisiri de foe na hemel „trow-mlsi” disi foe di en nomroe foe 144.000 memre e tjari kon na a joisiti marki èn foe di a de si sosrefi toe dati Gado e meki „wan njoen grontapoe” — wan wánfasi theocratisch maatschappij na mindri libisma. — Openb. 21:1-5.
13, 14. (a) Foe san-ede a pipel foe Gado e kisi na kari now foe „prisiri psa marki”? (b) Sortoe toemsi moi prenki Openbaring 21:9-17 e gi? (c) Sortoe réde wi abi foe si na „Njoen Jeruzalem” leki „wan réde foe bréti”?
13 Ala sma di de wan pisi foe Gado pipel e kisi na kari foe „prisirl psa marki èn foe bréti foe tégo foe san Jehovah ben meki”. Ala rede foe prisiri psa marki! Bika djonsro Jehovah sa regtvaardiki en glori nen foe di a sa pori ala gensman (Ps. 83:17, 18). Dan den „njoen hemel” sa kisi na makti krinkrin na ini den anoe! Èn fa a no fa Openbaring 21:9-27 e gi wan toemsi moi prenki foe „na santa foto Jeruzalem [na „trowmisi” foe na Lam, Jezus]”, di ’e saka foe Gado komoto foe hemel èn di abi na glori foe Gado’! Na Njoen Jeruzalem disi, di na agersifasi de ini faja nanga flam nanga jepi foe ala sortoe foe diri ston èn di na glori foe Gado srefi e gi leti, e doe na wan wondroefasi dienst foe di a de sorgoe dati den „naatsi” foe na libismalo kisi na „watra foe libi”, di „e lon komoto foe na troon foe Gado èn foe na lam”. — Openb. 22:1, 2, 17.
14 A de wan logisch sani foe dat’ede dati Jehovah e taki den wortoe di e kon now foe na „trowmisi, na oema foe na Lam”, di makandra nanga Kristus, en trow-masra e tjari kon na ini na „Njoen [tiri] hemel”: „Bika loekoe, mi e meki Jeruzalem wan réde foe bréti èn en pipel wan réde foe prisiri psa marki” (Jes. 65:18). Ma fa na „njoen grontapoe” sa abi wan prati na ini na prisiri disi?
„Wan njoen grontapoe” e prisiri
15. Fa na fundamenti foe „wan njoen grontapoe” ben poti?
15 No soso na ini hemel, ma ook toe dja na grontapoe Jehovah ben meki wan réde foe prisiri psa marki kon. A ben poti namkoe na fundamenti foe „njoen grontapoe”, wan maatschappij na mindri den libisma di e frede Gado di sa kon moro bigi te leki na a faste ten e foeroe na heri grontapoe leki wan prijse gi Jehovah (Jes. 11:9). Na ini na jari 1919 Jehovah ben meki en „Jeruzalem di de na tapsé, di gersi wan oema meki wan „kondre” — wan toemsi boen toestand — wan pe a de tjari den wan di tan abra foe en jeje Israël foe grontapoe go na ini (Jes. 66:8, 10, 22). Na „kondre” disi de wan jeje paradijs, èn disi de na presi pe Jehovah pipel leki na kern foe na „njoen grontapoe” ben tjari kon makandra. A no de fanowdoe foe wakti te baka na laatste benawtoe bifo wan sma kan go na ini na jeje paradijs dati. A de dja kaba!
16. Fa Jesaja 62:1, 6, 7 e kontroe tapoe glori fasi?
16 Now di Jehovah pipel de na ini na „kondre” disi di e meki froktoe, dan na gran profétitori foe Jesaja kapiter 62, di abi foe doe nanga Sion, „na Jeruzalem di de na tapsé”, e kon troe. „Na regtvaardikifasi foe en [e kon] na doro . . . neleki nanga na skijn foe a leti” èn a de skijn go na ala naatsi foe na libismalo foe di den sma e libi na ini a skijn disi. Jesaja e skrifi foe den na a fasi disi: „Na tapoe joe skotoe, o Jeruzalem mi e poti waktiman. Meki na heri dé èn na heri neti, den no tan tiri. Oenoe di e ferteri foe Jehovah, meki foe joe sé wan tanpi no de . . . te leki a poti stéfi, ija, te leki a poti Jeruzalem leki wan prijse na grontapoe.” Jehovah hemel organisaatsi de troetroe sowan „prijse na grontapoe” foe di en Kotoigi e préki na a heri grontapoe. Den mati foe den salfoe „waktiman” — den memre foe na „bigi ipi. . . foe ala naatsi” e doe a moro bigi pisi foe na prijse disi now, èn den tanapoe na fesi a troon foe Gado èn e doe dienst ini a tempel foe en dé èn neti. — Jes. 62:1, 6, 7; Openb. 7:9, 14, 15.
17. (a) Fa dienst di doe dé nanga neti kon tron wan marki foe Jehovah Kotoigi? (b) Sortoe spesroetoe réde foe bréti ben de na ini na ten foe 1982? (c) Na ini sortoe ten foe na jari na prisiri disi e doro en hémarki foe prisiri, èn foe san-ede disi fiti?
17 A dienst disi, di den „waktiman” nanga den mati foe den foe na „bigi ipi” e doe, „dé nanga neti”, e panja es’esi! Getrow opziener di e reis nanga den oema, zendeling, gewoon nanga speciaal pionier nanga Bethelwrokoman alaten den poti densrefi krinkrin tapoe na dienst disi di den e doe nanga den heri ati. Na ini ten no so langa psa kaba doesoendoesoen faja Kotoigi, jongoe nanga owroewan, ben tjari offer foe abi ini a ten foe wan ofoe moro moen wan prati na a jepi pionierdienst, èn den ben gi gemiddeld moro pikinso toe joeroe wan dé na a oso na oso wroko èn tra velddienst activiteit. Na ini 1982 na activiteit disi na a heri grontapoe ben doro wan hémarki di noiti ete ben kon, nanga wan totaal foe 305.778 pionier di e doe nanga prisiri dienst èn di moro leki 2.000.000 tra loyaal kownoekondre kotoigi e hori baka gi den na bekwaam fasi. Troetroe wi kan taki dati Jehovah ben gi „Jeruzalem leki wan réde foe bréti èn en pipel leki wan réde foe prisiri psa marki — wan prisiri psa marki di ibri jari boiti dati ben doro wan hémarki foe prisiri na a ten foe na Memrefesa, di Masra Jezus ben gi na komando foe en. — 1 Kor. 11:23-26.
„No moro . . . na babari foe kré”
18. Sortoe pramisi kontroe tapoe na „bigi ipi”, awinsi moeilekheid ben de, èn na sortoe fasi?
18 Aladi moeilekheid nanga ferfolgoe sa de solanga Satan kisi pasi foe tjari heloe abra na grontapoe disi, dan den toegewijde anbegiman di e de wan pisi foe na „bigi ipi” no e firi moro langa wan „faja di e bron” foe na atibron foe Gado. Foe di den prékiman disi foe a boen njoensoe foe a kownoekondre , di gi densrefi abra èn dopoe, ben aksi foe wan boen konsensi èn ben kisi disi toe, meki den e doe nanga prisiri dienst aladi na Lam Kristus Jezus e tjari den go na „fonten foe watra foe libi”. Na ini na jeje paradijs na pramisi ben kon troe kaba na tapoe den: „En Gado sa figi ala watra poeroe na den ai.” — 1 Petr. 3:21; Openb. 7:16, 17.
19. (a) Foe san-ede nowan „saribabari” e jere moro na ini „Jeruzalem”? (b) San Jesaja 65:21-25 e sori san na nen „Jeruzalem” wani taki?
19 Na laatste tekst disi e kroederi boen nanga Jehovah égi ferklari ini Jesaja 65:19: „Mi wani bréti foe Jeruzalem èn prisiri psa marki foe mi pipel; èn na ini en na babari foe kré èn ook toe na babari foe sari no sa de moro.” Den wan di tan abra na grontapoe di nanga jepi foe wan opobaka sa teki poti na ini na „njoen Jeruzalem” ete ben ondrofeni na prisiri disi, èn now Jehovah e kanti na tapoe na „bigi ipi” „tra skapoe” densrefi sortoe blesi disi (Joh. 10:16). Fa den wortoe di e kon na baka a ini Jesaja 65:21-25 e ferteri na wan wondroe fasi foe na paradijs toestand foe den sma di de a „pipel” foe Gado èn di tjari kon makandra leki na kern foe na „njoen grontapoe”! Djaso séker wan „Fundamenti foe vréde na toe sortoe fasi” de — vréde di de now na mindri Jehovah anbegiman èn di e panja ensrefi go te na a letterlek paradijs, pe a wani foe Gado sa doe na a heri grontapoe. — Openb. 21:3-5; Matt. 6:10.
20. Sortoe aksi wi kan aksi wisrefi nanga reti?
20 Joe ben sa wani prijse Jehovah foe tégo na tapoe wan paradijs grontapoe foe den wondroe sani di a de doe nanga jepi foe Jeruzalem di de na tapsé”, en toegewijde organisaatsi di gersi wan oema? Joe wani si fa na „hemel Jeruzalem”, nanga en Kownoe Kristus Jezus, na Moro bigi David, e wini ala onregtvaardikifasi? Joe sa wani si fa na „Njoen Jeruzalem” di gersi wan trowmisi, di de na Gado èn na Kristus na ini hemel, e meki en krakti go na grontapoe foe figi ala watra a den ai foe libisma?
21. Fa wi kan sori warderi gi ala sani di na getrow Jeruzalem e agersi?
21 Efoe dati de na winsi foe joe, dan tan doe loyaal „joe santa dienst” foe hori baka gi ala sani di na getrow Jeruzalem foe owroeten, na foto dati foe „na Gran Kownoe”, na Soeverein Jehovah, e agersi (Openb. 7:15). Na a fasi disi joe sa kan agri nanga den singiman foe na prisiri tempel melodie di skrifi na ini Psalm 87:3 èn kan singi nanga bigi prisiri: „Switi sani e taki foe joe, o foto foe na troe Gado.”
Efoe joe ben stoeka na artikel a fesi, san joe froestan dan foe:
□ „Na hemel Jeruzalem” — Hebr. 12:22
□ „Na Njoen Jeruzalem” — Openb. 21:2
□ Na Jeruzalem di de na tapsé” — Gal. 4:26
□ „Njoen hemel nanga wan njoen grontapoe” — Jes. 65:17, 18
[Prenki na tapoe bladzijde 7]
Wan njoen Jeruzalem „wan réde foe bréti”