Israël nanga den „ten foe den heiden”

„Den heiden [gojim] sa trapoe Jeruzalem, te leki den ten foe den heiden sa kisi.” — LUKAS 21:24, „Statenvertaling”.

1. Fa den wortoe foe Jezus Kristus di ben go abra Jeruzalem ben kontroe, ma sortoe aksi moe piki ete?

DEN ROMEIN LEGRE na ondro generaal Titus ben pori na foto Jeruzalem na ini na jari 70 G.T., dritenti na sébi jari baka Jezus ben taki den wortoe di de dja na tapsé. Ma fa a de nanga na tra pisi foe en profétitori, na pisi di e go foe na pisiten pe den heiden, den gojim, soleki den djoe e kari den now, ben sa trapoe Jeruzalem?

2. (a) Den wortoe foe Jezus ben wani taki dati na foto no ben sa bow baka èn dati sma no ben sa libi na ini baka? (b) Fa den heiden ben kan trapoe Jeruzalem te na a kaba foe den „ten”, aladi den kruisvaarders ben teki na santa foto abra foe wan pisiten?

² Den wortoe dati no ben wani taki taki Jeruzalem ben sa bow baka èn sma ben sa go libi baka na ini, baka ’te den ten foe den heiden (gojim)a ben sa kisi’. Na foto ben bow baka na ini na tra jarhondro èn na ini a ten foe den middeleeuwen den sokari kruisvaarders ben feti foe teki en abra. Den kruisvaarders dati foe na kristenheid di ben flaka nanga broedoe ben sori taki densrefi ben de heiden ofoe gojim, a srefi leki disi ben kan taki foe den sma di na fesi ben teki a foto abra èn foe den sma di bakaten nanga tranga ben teki en poeroe foe den kruisvaarders. Te nanga na fosi Grontapoe Feti foe 1914 te nanga 1918 den gojim dati („sma di no e bribi”, soleki a kristenheid e kari den gewoonlek) ben tan trapoe na foto dati di de so santa gi den djoe.

3. San na Ingrisiri minister foe dorosé afersi Balfour ben taki gi Lord Rotschild di den Britse troepoe ben de a pasi foe wini Jeruzalem na ini december 1917, ma sortoe tiri ben kon baka na feti abra Palestina?

³ Na tapoe 9 december 1917 den Britse troepoe na ondro generaal Allenby ben wini Jeruzalem foe na anoe foe den Torkoe, di ben tai densrefi na keizer Wilhelm foe na Doisri kownoekondre. Di na wini ben de foe kon, dan na Britse minister foe dorosé afersi Arthur Balfour ben seni en „declaratie” foe 2 november 1917 go na lord Rotschild foe na barinen djoe famiri Rothschild, pe a ben taki na ini dati na tiri foe En majesteit. ben feni boen foe opo wan nationaal oso gi den djoe na ini Palestina. Ma baka di na Fosi Grontapoe Feti ben kon na wan kaba, dan na Volkoe Bontoe (Bontoe foe gojim) di ben opo na ini 1920, ben gi a mandaat abra Palestina (makandra nanga Jeruzalem) na Bigi Brittannië, wan mandaat di ben sa tan te na jari 1948. Den no ben taki finifini soema ben sa teki Jeruzalem abra baka te na mandaat ben kon na wan kaba.

4. San ben pa drape foe na sé foe den belangstellende partij baka di na Britse mandaat abra Palestina ben kon na wan kaba na ini 1948?

⁴ Di na Britse mandaat ben kon na wan kaba na ini 1948, dan den belangstellende partij ben opo doe wan sani wantronwantron. Den Mohammedaan ben teki na tiri abra foe pikinmoro na heri oostoe pisi foe na kontren abra, makandra ngnga na foto Jeruzalem di ben abi wan skotoe lontoe en nanga en santa presi gi na anbegi foe Allah. Den djoe ben teki na westsé pisi foe Palestina èn ben opo na disiten naatsi Israël. Ma a ben de pas na ini na siksi dé feti foe 1967 dati na foto Jeruzalem di abi wan skotoe lontoe en ben poeroe na na anoe foe den Arabiersma makandra makandra nanga na Kragiskotoe pe hé a tapoesé foe en langaten psa kaba na djoe tempel foe anbegi ben tanapoe. Na ini victorie den djoe ben teki dan na tiri abra foe na westsé Jordaansjoro èn den Mohammedaansma foe en.

5. (a) Fa den heiden no ben trapoe na disiten Jeruzalem moro langa, leki wan bakapisi foe na siksi dé feti foe 1967? (b) Foe san-ede wi e misi wan sani, aladi Jeruzalem ben fri sensi 1967?

⁵ Soboen den heiden ben tan trapoe na grontapoe Jeruzalem te 1967. Ma, foe sensi a ten dati, leki fa a sori, dan den heiden no ben trapoe Jeruzalem moro. Ma tog wi e firi wisrefi ferplekti foe taki: „Èn dan san ete?” Na poti di Israël ben poti wan stop na den heiden na a ten dati na ini a jari 1967 foe trapoe Jeruzalem, ben tjari blesi kon gi na heri libisma-lo? Na presi foe teki en leki wan blesi, dan foeroe naatsi ati e bron srefsrefi nanga Israël. Na opo foe na disiten Israël troetroe no ben tjari na opo foe na kownoekondre foe na djoe Messias. A de krin dati Israël no e loekoe na a Gado foe Abraham, Izaäk nanga Jakob, namkoe Jehovah foe kisi jepi nanga ferloesoe. Na tiri foe Israël no de wan kownoekondre nanga wan troetroe bakapikin foe na famirilin foe kownoe David foe owroeten, di sidon na tapoe wan troon na ini Jeruzalem.

6. San wi moe erken foe na rol foe na grontapoe Jeruzalem sensi 1967 èn na profétitori foe Jesaja 2:1-4?

⁶ Soboen na ini na geval foe na grontapoe Jeruzalem sensi 1967 wi no e si wan kontroe foe na profétitori foe Jesaja 2:2-4:

„Èn a moe psa na ini a laatste foe den dé dati na bergi foe na oso foe Jehovah sa poti stéfi na tapoesé foe den ede foe den bergi, èn a sa poti séker hé tapoesé foe den pikin bergi; èn na drape ala naatsi [gojim] moe hari go. Èn foeroe pipel séker sa go èn taki: ’Kon, èn meki wi go na a bergi foe Jehovah, na a oso foe na Gado foe Jakob èn en sa leri wi foe en pasi; èn wi sa waka séker en pasi.’ Bika komoto foe Sion na wet sa go na doro, èn a wortoe foe Jehovah foe Jeruzalem. Èn en sa hori kroetoe séker a mindri den naatsi [gojim] èn poti afersi reti na ini a tori foe pipel èn den sa moe naki den feti-owroe kon tron ploegoe èn den lansri kon tron kronnefi. Naatsi (gojim) no sa opo feti-owroe tegen naatsi [goj], èn den no sa leri feti moro.”

7. San wi e si, ini srapoe kontrari nanga na profétitori foe Jesaja 2:1-4 na ini disiten èn fa a de nanga na profétitori foe Zacharia 8:23?

⁷ Na presi dati den heiden naatsi kenki fetisani kon tron wroko-sani foe vréde, den abi moro feti-sani foe feti leki oiti na fesi, neleki fa na republiek Israël srefi abi disi. Boiti dati, wi no e si na ini disiten na kontroe foe Zacharia 8:23, pe wi e lési:

„Disi Jehovah foe den legre ben taki: ’A sa de na ini den dé dati taki tin man foe ala tongo foe den naatsi sa graboe hori, ija, den sa graboe troetroe hori na mofokanti foe a krosi foe wan man di de wan djoe èn taki: „Wi wani go nanga oenoe, bikasi wi ben jere dati Gado de nanga oenoe.”’”

8. San e kon na ini degedege na ini a tori foe na datum foe 1967 leki wan bakapisi foe ala den sani di wi ben taki na fesi?

⁸ Ala san ben taki dja na fesi e meki degedege kon foe na joisti fasi foe na datum 1967, na jari foe na siksi dé feti, leki na ten foe na kontroe foe na profètitori: „Den heiden sa trapoe Jeruzalem, te leki den ten foe den heiden sa kisi.” (Luk. 21:24, Statenvertaling). Te joe loekoe en boen, dan „den ten foe den heiden” ben kon moro biten a wan kaba. Meki wi go ondrosoekoe pikinso den bewijsi di e sori disi.

9. (a) Jezus sori a tapoe sortoe „Jeruzalem” di a ben taki dati den ben sa trapoe Jeruzalem, èn san ben e teki a presi foe na Jeruzalem dati? (b) San sa psa mogelekerwjjs te wan kaba kon na a trapoe foe Jeruzalem?

⁹ Di Jezus ben taki dati den heiden ben sa trapoe ’Jeruzalem’, a ben abi na ini prakseri san na grontapoe Jeruzalem ben de bifo den heiden ben bigin foe trapoe en. Pikinso a fesi ensrefi ben taki: „No sweri kwetikweti, no na hemel, bikasi dati na a troon foe Gado . . . no na Jeruzalem, bikasi dati na a foto foe a bigi Kownoe (Matt. 5:34, 35). Soboen di den heiden na ini a tiri foe den na grontapoe ben bigin trapoe Jeruzalem, den ben trapoe tapoe Gado kownoekondre soleki na kownoe foto Jeruzalem ben teki presi foe disi. Foe disi wi kan meki wan logis bosroiti dati heiden di na a bosroiti foe den ten foe den heiden, di wan kaba ben kon na a trapoe go na ondro foe a sani di ben teki presi gi Jeruzalem, na kownoekondre foe Gado ben opo baka, na ini na anoe foe na kownoe-bakapikin foe kownoe David, na Messias.

10. Sortoe wortoe na ini Ezechiël ben taki gi na laatste kownoe foe na famirilin foe David? (b) Soema ben sori taki a abi na „wettelek reti” foe tiri, èn san Gado ben doe gi en?

¹⁰ Na ini a tori disi na profétitori foe Ezechiël 21:25-27, di ben taki gi na laatste kownoe na ini a famiri foe David: „Foe taki foe joe, o ogri edeman foe Israël di kisi mankeri te foe dede, èn di en dé doro na ini na ten foe na sondoe foe na kaba, disi na san na Soeverein Jehovah ben taki: „Teki poeroe na tai-ede èn poti na kroon na wan sé. Disi no sa de na srefi. Poti go na hé srefi san de lagi èn poti go na lagi srefi na héwan. Wan brokobroko stonipi, wan brokobroko stonipi, wan brokobroko ston-ipi mi sa meki a tron. Èn foe teki foe disi toe, séker a no sa tron foe nowan sma te leki en kon di abi na wettelek reti èn wi moe gi dati na en.’” Na sma di ben abi na „wettelek reti” foe tiri, ben de no wan tra sma moro leki Jezus Kristus, na bakapikin foe kownoe David. Na ini a ten dati na ini 33 G.T. moro leki 500 djoe ben tron kotoigi taki Gado ben opo a wan disi komoto foe en pina dede na a di foe dri dé. — 1 Kor. 15:3-20.

A Messias e saka ensrefi na ondro den ten foe den heiden

11. Foe san-ede Jezus no ben proberi foe meki ensrefi tron kownoe na ini Jeruzalem, èn san a ben taki foe dat’ede gi na tiriman Pontius Pilatus?

¹¹ Jezus na Messias no ben proberi foe teki presi leki kownoe na tapoe na troon na ini na grontapoe Jeruzalem no bifo èn no a baka en opobaka komoto foe dede. A no ben doe moeiti foe poeroe Pontius Pilatus, di na a ten dati ben de na Romein tiriman foe Juda nanga Jeruzalem. Wan réde foe disi ben de dati den „ten foe den heiden”, di Lukas 21:24 ben taki foe den, ben e wroko kaba na a ten dati. Foe dat’ede a ben saka ensrefi na ondro na seti disi foe Gado. Ini akroederi nanga disi a ben taki gi Pilatus: „En konnoekondre no de wan pisi foe a grontapoe disi. Efoe mi kownoekondre ben de wan pisi foe na grontapoe disi, dan mi dinari ben sa feti sodati mi no ben sa gi abra na ini anoe foe den djoe. Ma leki fa a de, mi kownoekondre no de foe na fonten disi,” — Joh. 18:36.

12. Oten èn nanga sortoe sani di ben o psa meki den ten foe den heiden ben bigin, soleki Jezus leki wan studenti foe den Hebrew Boekoe ben sabi, èn sortoe aksi e kon na fesi foe dat’ede na ini a tori foe den „ten” dati?

¹² Leki wan sma, di ben sabi den Hebrew Boekoe di ben skrifi na ondro krakti foe Santa jeje, Jezus na Messias ben sabi taki den ten foe den heiden ben bigin bifo den Romeinsma ben teki Jeruzalem abra èn ben poti granman drape. A ben sabi dati na ini na bigin Jeruzalem foe na fositron ben maskaderi na ini na jari foe 607 bifo wi Gewoon Teri. Gado ben gebroiki na heiden kownoe Nebukadnezar di a ben kari „mi knegti” foe wini Jeruzalem nanga Juda (Jer. 43:10). Na basi di den heiden ben basi na grontapoe ben tan go doro na ini na ten foe den dé foe Jezus na Messias èn te na a ten di Gado ben poti taki den ten foe den heiden ben sa kon na wan kaba. Pas dan na kownoekondre foe na Messias na kownoekondre di no ben sa de „wan pisi foe na grontapoe”, ben sa moe wakti. Abra wan pisiten foe omeni „ten”, te joe teri foe sensi 607 bifo G.T. na heiden tirimakti ben sa go doro?

13. Na sortoe fasi Gado ben ferteri na kownoe foe Babylon omeni ten ben sa de èn nanga sortoe krakti disi ben abi na tapoe na kownoe?

¹³ Jehovah Gado ben ferteri foe omeni na ini wan dren di a ben gi Nebukadnezar di a ben gebroiki leki En „knegti”. Aladi den ben gebroiki en foe pori „na foto foe na bigi Kownoe”, Jeruzalem, tokoe Nebukadnezar leki wan bakapisi foe na kontroe foe na dren tapoe en, ben moe erken taki Jehovah de „na Moro Héwan” èn „na kownoe foe hemel” (Matt. 5:35; Dan. 4:34,37). Nanga na „knegti” disi foe en, na Moro Hé Gado èn kownoe foe hemel ben meki „den ten foe den heiden” ben bigin na ini 607 bifo G.T.

14. Sortoe ferklari aiti kerki-fesiman ben gi na ini na manifest di den ben tjari kon na doro na ini Londen foe di den ben loekoe den fasi fa na feti ben go di ben de na ini na Mindri-Owstoe na ini 1917?

¹⁴ A de wan moi sani foe si dati aiti foe den moro barinen kerki fesiman foe Engeland ben konmakandra na ini Londen na a kaba foe 1917, na jari di den Britse legre ben teki na disiten Jeruzalem di ben bow baka abra na ini a ten foe na Fosi Grontapoe feti, èn den ben tjari wan manifest kon na doro di ben abi sébi aparti verklari. Wantoe foe den ben de so:

”NA A FOSI PRESI. Dati na moeilek ten foe a ten disi e sori tapoe na kaba foe den ten foe den heiden. . ..

NA A DI FOE FO PRESI. Dati Israël sa tjari kon baka na ini den égi kondre ma sondro bribi èn baka dati sa drai den libi te Kristus sori ensrefi foe na boen foe Israël.

NA A DI FOE FÉFI PRESI. Dati ala libisma plan foe bow7 sani kon njoen baka moe de na ondro na a di foe toe kon foe wi Masra, foe di ala naatsi moe saka densrefi na ondro en tiri . . ..

NA A DI FOE SÉBI PRESI. Dati den waarheid di de ini na verklari disi abi na moro hé praktis waarde foe bepaal na kristelek karakter èn a kristelek libifasi na ini a tori foe den tranga fanowdoe problema foe na momenti.”

15. (a) Na bon di taki ben panja bradi ben teki na presi foe san na ini na dren foe Nebukadnezar? (b) San ben psa na ini a ten foe na law di Nebukadnezar ben law nanga na grontapoe tirimakti di na kownoekondre foe Babylon ben abi? (c) Fa na grontapoe tirimakti ben go doro baka di Babylon no ben de moro wan grontapoemakti?

¹⁵ Na ini a dren di Jehovah Gado ben gi na en „knegti”, kownoe Nebukadnezar, ben e taki foe „sébi ten” di hemel ben komanderi. Fa den disi abi foe doe nanga den „ten foe den heiden” ofoe e kroederi èn e de a srefi leki den? Na a fasi disi: Na ini na profétis dren, na bon di ben go hé na ini loktoe èn di en taki ben panja bradi, e agersi grontapoe tiriman na ini abstracte zin. Foe di Nebukadnezar, na „knegti” foe Jehovah Gado na a ten foe na dren ben abi sowan sortoe grontapoe tirimakti, meki na bon e tjari kon kroederi persoonlek nanga en sodati wi kan taki dati a bon ben de wan prenki foe en. Ma en grontapoe tirimakti ben poeroe na en anoe di a ben kon law èn no ben sidon moro na tapoe na troon foe en grontapoe kownoekondre? Grontapoe tirimakti foe a sé foe Babylon ben kon na wan kaba? Nono, a ben tan wroko te leki Nebukadnezar ben poti baka na ini en kownoe wroko, èn ooktoe na ini na ten foe na tiri foe den sma di ben waka na en baka, Evil-Merodach, Nabonidus, nanga Belsazar. Baka dati, dan na heiden tirimakti ben go doro nanga den grontapoemakti di ben waka baka makandra, Perzië, Grikikondre, Rome nanga na sproiti foe Rome, na Brits-Amerkan grontapoemakti.

16. Na grontapoe tirimakti foe soema a ben de troetroe di ben koti trowe na ini a ten di heiden grontapoemakti ben waka baka makandra, èn omeni „ten” ben sa psa abra na tompoe foe na agersi bon?

¹⁶ Na grontapoe tirimakti foe soema, spesroetoe soleki Jeruzalem ben teki a presi foe en leki a foto foe na bigi Kownoe, troetroe ben koti trowe èn ben didon na gron na ini a langa pisiten disi? A ben de na tirimakti foe na sma di Nebukadnezar ben kari na „Moro Héwan” èn „Kownoe foe hemel” Jehovah. Na bontompoe, nanga banti foe isri nanga kopro, e teki a presi foe en grontapoe tirimakti di ben stop foe wan pisiten. Jehovah Gado ben gi komando taki „sébi ten” ben sa psa abra na agersi tompoe dati.

17. (a) Fa difrenti vertaler e vertaal na Hebrew wortoe foe „sébi ten”? (b) Fa a doe kon, dati den heiden ben tan trapoe Jeruzalem, srefi baka di a foto ben bow baka?

¹⁷ Den wortoe „sébi jari” wi e feni na ini na presi foe „sébi ten” na ini a Bigi Njoensoe Bijbel, na vertaling foe Moffat, Today’s English Version èn An American Translation. Na law foe Nebukadnezar, kande a ben de wan toestand di sma sabi leki lycantropie, ben de sébi jari langa. Di a ben kon boen baka a ben erken na Gado di ben dresi en, ma a no ben meki a pipel foe Gado drai go baka na den tatakondre. Jehovah Gado ben komanderi taki Jeruzalem èn na kondre Juda ben sa moe didon 70 jari langa légi. Foe dat’ede meki na trapoe tapoe Jeruzalem foe na sé foe den heiden ben go doro, srefi baka di Jeruzalem ben bow baka na ini 537 bifo G.T. nanga anoe foe den djoe di ben drai go baka. Fa so? Foe di den ben de na ondro heiden tirimakti, sondro wan bakapikin foe na kownoe famirilin foe David di ben sidon na tapoe na troon foe Jeruzalem leki wan kownoe di ben de foe ensrefi. A de foe dat’ede krin, dati den „sébi ten” te joe e loekoe en foe na sé foe Jehovah Gado, ben de na agersifasi, èn foe dat’ede ben de moro langa leki sébi jari te joe bigin teri foe 607 bifo G.T. — Dan. 4:16, 23, 25, 32. (Na ini na Bigi Njoensoe Bijbel; Dan. 4:13, 20, 22, 29.)

18. O langa den sébi ten dati ben tan na ini akroederi nanga na agersi fasi di a bijbel e gebroiki, èn oten den ben kon na wan kaba?

¹⁸ Leki fa na Bijbel profétis teri foe ten e sori, dan wan moen-jari e abi 360 dé. Foe dat’ede meki wan agersi jari ofoe wan agersi „ten” de 360 kalender jari. Sébi agersi „ten” ofoe „jari” de foe dat’ede 7 tron 360, ofoe 2520 jari. Te wi bigin foe teri foe sensi a jari 607 bifo G.T., di Jeruzalem „na foto foe na Bigi Kownoe” ben kisi pori foe na anoe foe Jehovah „knegti”, Nebukadnezar, leki wan bakapisi dati den hieden ben bigin foe trapoe Jeruzalem, dan den 2520 jari dati ben sa kon na wan kaba na ini na herfst foe na jari 1914 foe wi Gewoon Teri.

19. (a) San ben marki na jari 1914 na grontapoe? (b) Fa na kownoe foe hemel ben sa doe ini na jari dati na ini en hemel tanpresi?

¹⁹ Na grontapoe, na broko kon foe na Fosi Grontapoefeti, di ben go foe na afersi foe grontapoe tirimakti, ben marki na jri dati. Ma drape na tapsé na ini na tanpresi foe „na Kownoe foe Hemel”, na ten ben doro gi en foe sori dati „na Moro Héwan de tiri na ini na kownoekondre foe libisma, èn dati a e gi en na soema a wani” (Dan. 4:25, 32). Ne na faste ten ben doro gi a sma di moe kon èn „di abi na wettelek reti” èn di na Moro Héwan ben sa gi en a kroon (Ez. 21:25-27). Disi ben de na glori Mesias, na sma di na Kownoe foe hemel ben meki kon njoen gebore foe de en jeje Manpikin, namkoe Jezus Kristus, di ben kisi wan opobaka foe go libi na ini hemel (Ps. 2:1-7). Dati ben de a ten gi en: „Go poti na joe ondro na mindri foe joe féjanti” (Ps. 110:1, 2). Disi séker ben wani taki dati „den ten foe den heiden” ben kon na wan kaba troetroe.

[Footnotes]

Joe sabi na piki?

□ Na sortoe sani a ben gersi taki wan kaba ben kon na en, di den djoe na ini 1967 ben teki na grontapoe Jeruzalem abra, ma disi ben meki wan kaba kon na a „trapoe” di den heiden ben „trapoe” „Jeruzalem?”

□ O ten „den ten foe den heiden” ben bigin, èn nanga sortoe sani di ben psa?

□ Fa wi kan bereken taki den „ten foe den heiden” de 2520 jari, ofoe ben sa go doro te 1914 G.T.?

□ San na bon di taki ben panja bradi foe na profétitori foe Daniël ben agersi èn san a wani taki dati a bon ben koti trowe èn baka dati ben sproiti baka?