„Na Israël foe Gado” nanga na kaba foe den ten foe den heiden
1, 2. (a) Sortoe situwasi na inisé foe na Jeruzalem di ben lontoe nanga skotoe ini a ten disi e meki wi si taki Jehovah no ben teki en tirimakti baka nanga jepi foe a foto dati? (b) Ma sortoe tra foto nanga na nen dati wi moe hori na prakseri now?
DECEMBER foe na feti jari 1917 ben de na ten di na Brits legre na ondro generaal Allenby ben teki na grontapoe Jeruzalem poeroe foe den Mohammedaan Torkoe. Den djoe na skinfasi na a heri grontapoe ben bari wan bigi odi gi a sani disi. Ma te nanga a dé foe tide na de di a mohamedaan santa presi de na tapoe na bergi foe Moria na inisé foe na Jeruzalem di lontoe nanga skotoe de te now ete wan ferferi sani, dati, na tapoe na presi dati pe fositen na tempel foe kownoe Salomo ben de, wan tempel bow gi den djoe anbegiman. Ala di den „ten foe den heiden” kon na wan kaba, tokoe wi moe piki dati na Gado di na kownoe manpikin foe David ben bow na tempel dati gi, no abi foe na sé foe na grontapoe Jeruzalem grontapoe tirimakti nanga jepi foe en Messias kownoekondre. Ma fa a de dan nanga na tra Jeruzalem? Sortoe Jeruzalalem? A de na Jeruzalem di den ben taki foe en na ini na brifi di skrifi na ondro santa jeje krakti gi den discipel foe na Messias Jezus na ini na Romeini district Galacia. A brifi disi ben skrifi wantoe jari baka Jezus ben taki a fesi foe na pori foe na foto Jeruzalem di ben bow baka, èn disi ben feni presi na ini 70 G.T. Drape na ini Galaciasma kapitel 4, den vers 25 nanga 26, wi e lési:
2 „Na Hagar disi [oema-foetoeboi foe na Hebrew famiri-edeman Abraham] wani taki now Sinaï, wan bergi na ini Arabia, èn a e kroederi nanga na disiten Jeruzalem bika en de nanga en pikin [en borgroe nanga onderdaan] na ini katibo. Ma a Jeruzalem di de na tapsé, de fri [leki Abraham fri oema, Sara] èn dati na wi mama.”
3, 4. Soema Paulus ben erken neleki den kristen foe Galacia leki en jeje „mama”? (b) Na sortoe fasi na naatsi Israël ben de wan pisi foe Gado organisaatsi?
3 Na skrifiman foe den wortoe dati ben de na djoe, Saulus foe Tarsus, di ben bekeer èn di ben de wan apostel foe Jezus na Messias di den ben verkies. „Na disiten Jeruzalem” foe san a ben skrifi, ben seni gwe foe Gado organisaatsi — precies soleki Hagar ben seni gwe foe na osofamiri foe Abraham — èn a ben kisi pori na ini 70 G.T. Paulus no ben erken moro langa na grontapoe Jeruzalem dati leki en jeje mama. A ben erken „na Jeruzalem di de na tapsé”, dati wani taki na Jeruzalem na ini hemel, leki en jeje mama. Neleki den kristen na ini Galacia na so Paulus ben de wan foe „en pikin”.
4 Di Gado na tapoe na bergi Sinaï ben tjari na pipel kon na wan boen matifasi nanga en nanga jepi foe na Wetsverbontoe foe san Mozes ben doe wroko leki mindriman, dan na naatsi Israël ben tron na pisi foe Jehovah universele organisaatsi di joe ben kan si nanga ai. A ben de foe na organisaatsi dati soleki na oema-foetoeboi Hagar ben de foe Sara, na fosi trowoeme foe Abraham. Sara ben de wan agersi foe na fri „Jeruzalem di de na tapsé”, di e meki na pramisi baka pikin.
5. (a) Pe Jehovah ben sa teki na grontapoe tirimakti na a kaba foe den ten foe den heiden? (b) Foe gi piki na sortoe aksi na ten ben sa doro gi en, èn fa a ben sa piki na aksi dati?
5 Foe di disi de so, meki a ben sa de nanga na „Jeruzalem disi di de na tapsé”, dati Jehovah Gado ben sa teki en grontapoe tirimakti baka foe wroko na a kaba foe den ten foe den heiden na ini a jari 1914 di feti ben priti. Ne a ten ben doro gi en foe piki nanga na opo doe foe wan sani na aksi di na skrifiman, kownoe David, di ben abi Gado jeje ben aksi na ini Psalm 2:1-6:
„Foe san-ede den naatsi de na ini broeja èn den nationaal groepoe e tan taki foe wan soso sani? Den kownoe foe grontapoee poti densrefi na ini groepoe èn den héman srefi ben sroiti densrefi kon na wan leki wan blok tége Jehovah èn tége en salfoewan [en Messias] èn den e taki: ’Meki wi priti den banti foe den èn iti den tité foe den trowe foe wi’. Ija, na wan di sidon na ini hemel sa lafoe; Jehovah srefi sa spotoe nanga den. Na ini a ten dati a sa taki nanga den na ini en atibron èn na ini en faja-ati a sa naki den nanga ferwondroe èn taki: ’Mi, ija, mi, ben poti mi kownoe na tapoe Sion, mi santa bergi.’” — Loekoe ooktoe Tori foe den Apostel 4:24-26.
6. (a) Foe san-ede na poti foe na Messiaans kownoe na a kaba foe den ten foe den heiden ben de wan sani di den grontapoe tiriman no ben si? (b) Den grontapoe tiriman ben sreka sani tapae a moeiliki momenti foe doe san, aladi tintin jari a fesi den ben kisi bodoi?
6 Ija, na a kaba foe den ten foe den heiden a ben de wan sani di fiti dati Jehovah ben meki den profétis wortoe disi kon troe di kownoe David ben skrifi na ini Psalm 110:1, 2: „Den wortoe foe Jehovah gi mi masra de: ’Sidon na mi reti-anoesé, te leki mi poti joe féjanti leki wan foetoebangi gi joe foetoe.’ Na tiki foe joe tranga Jehovah sa seni komoto foe Sion, taki: ’Go poti na joe ondro na mindri foe joe féjanti.’” Na poti foe na Messiaans kownoe ben feni presi na tapoe na hemel bergi Sion èn foe na réde disi meki den kownoe nanga hé tiriman foe kondre na grontapoe no ben kan si na sani disi nanga den égi ai. Ala di na ini den boekoe foe Na Wachttoren Genootschap foe tintin jari kaba ben ferteri taki na kaba foe den ten foe den heiden ben sa fadon na ini 1914, tokoe den grontapoe tiriman disi ben teki na faste bosroiti foe kakafoetoe gi na hemel Messias foe teki na grontapoe tirimakti abra. Den ben tan meki den moro boen sreka gi wan internationaal feti. Tokoe te joe ben loekoe ala den omstandigheden a dorosé, dan na jari 1914 ben bigin na wan vrédefasi. Ne den naatsi trowe densrefi go na ini na feti na tapoe 28 juli.
7. Na ini sortoe positsi na Messias ben kon na ini na tori foe grontapoe di a ben poti na a kaba foe den ten foe den heiden leki kownoe na ini 1914 èn fa so?
7 Na poti foe na Messias leki kownoe na Jehovab reti-anoesé na ini a srefi jari dati ben marki na bigin foe na denoja di joe no kan si na ini na tori foe wi grontapoe. Fa so? Foe di a ben fiti taki en, leki na kownoe di Gado ben poti njoen abra na grontapoe, ben poti en prakseri na tapoe en grontapoe domein, di na a ten dati en féjanti ben hori na ini den makti, èn den ben e feti na baka grontapoe tirimakti. ’Na tiki foe en tranga’ ben seni komote foe na „Jeruzalem di de na tapsé” go na wi grontapoe. Na tapoe na komando foe Jehovah a ben bigin foe ’tiri na mindri foe en féjanti’ na ondro dja na grontapoe. Sosrefi toe a ben smési Didibri nanga en ogri jeje komoto foe hemel go na a grontapoe. — Openb. 12:7-17.
8. Den apostel foe Jezus ben aksi en, foe a marki foe sortoe sani, èn na sortoe toestand den naatsi ben sa de na a ten dati, leki fa Psalm 2:1 e taki?
8 Na „marki” di na Messias Jezus ben taki foe en leki bewijsi foe en „denoja” di joe no kan si, ben kon de foe si na a kaba foe den ten foe den heiden na ini 1914. Sjatoe bifo en pina dede den apostel ben aksi Jezus: „Taki gi wi: O ten den sani disi sa psa èn san sa de na marki foe joe denoja èn foe na kaba foe na seti foe sani disi?” (Matt. 24:3). Leki fa Psalm 2:1 taki dan den naatsi ben sa kon na ini broeja te na ten foe Gado ben sa doro foe poti na Messias Jezus leki kownoe na ini na Jeruzalem, ofoe Sion na ini hemel.
9. (a) Den apostel di ben aksi na aksi, na ini a ten foe na fosi jarhondro, ben de kotoigi foe sowan bigi benawtoe di noiti moro ben sa abi en speri? (b) Foe sortoe sani di Jezus ben kari na ini Matt. 24:7-15 den ben de kotoigi foe na kontroe foe den?
9 Ofoe Jezus, di a ben gi en piki, ben abi na ini prakseri Psalm 2:1 èn sosrefi Psalm 110:1-4, wi no sabi. Wans fa a no fa, en piki ben de na ini akroederi nanga den profétitori dati, di kownoe David ben taki, èn sensi 1914 den disi de na wan moro ferwondroefasi leki na ini na ten foe den 37 jari di ben didon na mindri na momenti di den apostel ben aksi na aksi èn na pori foe Jeruzalem foe na anoe foe den Romein legre na ini 70 G.T. Na skreki rampoe di ben kon na abra den djoe na ten dati séker no ben de wan sani di no ben abi en speri. Foe eksempre, a no ben de moro takroe leki na kiri foe bigi groepoe foe sma na ondro na tiri foe Hitler soleki den 6.000.000 djoe di leki fa njoensoe ferteri ben lasi libi bifo èn na ini a ten foe a di foe Toe Grontapoefeti. Na pori foe Jeruzalem no ben de na „bigi benawtoe . . . leki sensi na bigin foe grontapoe te leki now no ben kon, èn sosrefi toe no sa kon moro” (Matt. 24:21). Na sani di den apostel ben aksi èn di den ben si nanga égi ai na ini a ten foe na fosi jarhondro foe wi Gewoon Teri, ben de wan kontroe foe Jezus profétitori na wan pikinfasi, na ini a fasi foe angriten, gronseki, pestsiki, feti èn ferfolgoe te leki na wai poeroe foe na „disiten Jeruzalem”. Den no ben abi foe kré foe dati, bika na Jeruzalem na ini hemel ben tan foe de troetroe.
10. A moro bigi kontroe foe Jezus profétitori e meki wi kon na sortoe bosroiti?
10 Den sani di ben psa na a ten dati no ben de wan samengestelde „marki” di ben e sori na tapoe en „denoja” èn „na bosroiti foe na seti foe sani”. Soboen foe sori na troefasi foe Jezus profétitori, dan bakaten, na ini den dé pe den laatste memre foe en „pikin ipi” Kownoekondre erfgenaam ben sa libi na grontapoe, wan moro bigi kontroe foe en wortoe ben sa moe kon (Luk. 12:32). Dati ben sa psa na ini na pisiten foe sensi na kaba foe den ten foe den heiden te leki now. Te wi e loekoe na grontapoe historia foe sensi na datum dati, na ini na leti foe bijbel profétitori, dan wi moe kon kisi na overtoigi dati wi e libi na ini „na bosroiti foe na seti foe sani” (Matt. 24:3; Mark. 13:4). Na overtoigi disi e kon de moro faste nanga na kontroe foe Openbaring 6:3-17, di ben skrifi moro leki wan 25 jari baka na pori foe Jeruzalem èn pe ben taki na ini, foe den fo asiman foe na Apocalyps, soleki sma e kari den.
11. San den memre foe na gemeente foe den fosi geborewan di de na libi ete kan memre densrefi ete foe na ten foe na Fosi Grontapoefeti, èn fa wi kan teki na kontroe foe Jezus profètitori na ini na fosi jarhondro gersi nanga den sani disi di psa bakaten?
11 Wan toe memre foe na fikapisi foe „na gemeente foe den fosi geborewan di nen skrifi na ini hemel” de te now ete na libi, èn den e memre boen ete na Spanjoro agraboe (Hebr. 12:23). Na kefarlek plaag disi ben rigeri tapoe na grontapoe na a kaba foe a Fosi Grontapoefeti leki wan foe den pestsiki di ben taki a fesi èn a kiri miljoenmiljoen sma moro foe na libismafamiri leki ben dede na ini den moro leki fo jari foe na Fosi Grontapoefeti. Den memre foe na fikapisi di e libi te now ete kan memre sosrefi toe na ferfolgoe foe den kristen bijbelondrosoekoeman di ben proberi foe tan fri foe na broedoe-paiman di ben de na tapoe na grontapoe. Den e memre fa a ferfolgoe disi ben kon na wan hémarki nanga na teki poti na ini straf’oso foe na president (48 jari owroe), na sekretarsipenningmeester (54 jari owroe) èn siksi tra memre foe na staf foe na edekantoro foe na Watch Tower Bible and Tract Society, tapoe fowtoe di na kroetoe na ini 1919 no ben feni, dati den de troe. Na ini akroederi nanga dati, meki dati bepaalde boekoe foe na Genootschap na ini Canada nanga den Verenigde Staten foe Amerkankondre ben de kontraban, èn pas baka na Fosi Grontapoefeti den ben poeroe den wet disi di ben tapoe den boekoe. Te wi loekoe ala sani boen, dan den sani di ben psa na ini a ten foe den apostel na ini a ten foe na fosi jarhondro leki wan kontroe foe Jezus profétitori, no de notinoti te joe kan teki den agersi nanga densrefi sani di psa na a heri grontapoe na ini a pisiten foe 1914-1918 G.T.
Libifasi foe na „Israël foe Gado” pe den e gi jesi
12. (a) Jezus ben taki foe na ferfolgoe foe soema di a ben piki na aksi na ini a tori foe „na marki” foe en denoja, èn den fosi wan foe den disi ben de foe sortoe ras? (b) San ben teki a presi foe na „sani di de Israël na skinfasi”?
12 Na ini en piki na tapoe na aksi foe „na marki” foe en „denoja” di joe no kan si, Jezus no ben ferteri foe iniwan ferfolgoe tapoe „na sani san de Israël na skinfasi” (1 Kor. 10:18). A ben taki a fesi foe na ferfolgoe foe en discipel, foe soema den fosi wan ben de, a no de foe taki, djoe na skinfasi di ben besnij èn proselietsma. Ma di na profétitori di skrifi na ini Joël 2:28, 29 ben kontroe foe sensi na pinksterdé foe 33 G.T., dan en discipel ben tron wan njoen Israël, „wan jeje Israël (Tori 1:6-2:42). Na wan pisiten foe a mindri foe na fosi jarhondro na apostel Paulus, wan djoe di ben bekeer, ben skrifi na sani di e kon now gi den kristen na Galacia: „Ma na Jeruzalem di de na tapsé, de fri, èn en na wi mama” (Gal. 4:26). Èn pikinmoro na a kaba foe en brifi a ben taki: „Bika besnijdenis èn no besnijdenis no de wan sani, ma wan njoen mekisani de wan sani. Èn ala sma di sa waka nanga wan orde fasi akroederi na regel disi foe libi, tapoe en na vréde èn sar’ati, de ija, tapoe na Israël foe Gado”. — Gal. 6:15, 16.
13. Na ini sortoe aparti „marki” foe na bosroiti foe na seti foe sani na fikapisi èn den kompe foe den e proberi foe abi persoonlek wan prati na ini, èn nanga sortoe bakapisi te nanga na dé foe tide?
13 Na sortoe libifasi na fikapisi foe na „Israël foe Gado” moe gi jesi èn waka na en baka, now di den e si fa na „marki” foe na bosroiti foe na seti foe sani” e kontroe? A de a libifasi di sa meki den abi wan prati na a kontroe na na aparti pisi foe na „marki” di Jezus ben taki a fesi, di a ben taki: „Ma na soema di hori doro [na ondro ferfolgoe], te na a kaba [Griki: telos], en sa kisi ferloesoe. Èn a boen njoensoe disi foe na kownoekondre sa préki na a heri grontapoe pe libisma e libi leki wan kotoigi gi ala naatsi [gojim], èn dan na kaba [telos] sa kon” (Matt. 24:13, 14; 13:9, 10). Na ini na jari na baka na Fosi Grontapoefeti, na fikapisi foe na „Israël foe Gado” di ben de ete na libi ben bigin foe gi jesi na a profétis komando dati. Leki na bakapisi foe disi, meki a de so, dati na fikapisi foe den Israëlsma nanga den kompe-kotoigi foe Jehovah foe den e préki „na boen njoensoe disi foe na kownoekondre” now na ini 205 kondre èn na ini sowan 190 tongo. Ala den sani disi ala di ferfolgoe èn na di foe Toe Grontapoefeti ben de.
14. Sortoe ten kon na wan kaba gi den naatsi, soleki Jehovah Kotoigi e tjari kon na krin nanga jepi foe na kotoigi di den e gi, èn fa den troe tori e meki wi si disi ooktoe?
14 Nanga jepi foe na kotoigiwroko. di no wan sma kan tapoe foe na kownoekondre di ben opo, den heiden, den gojim ofoe „den naatsi”, kisi foe jere dati den „ten”, den „sébi ten” foe den foe na trapoe foe Jeruzalem na ini na herfst foe 1914 ben kon na wan kaba (Luk. 21:24). Na Jeruzalem, di a tori e go foe en dja, no de na grontapoe Jeruzalem di foe hemel, bika drape na ini hemel de na presi pe Jehovah Gado ben poti en Messias, en salfoe Manpikin Jezus na a kaba foe den ten foe den heiden na ini 1914 na tapoe na troon. Na ini akroederi nanga disi dan na „santa foto”, leki fa Openbaring 11:1, 2 taki di den heiden ben sa „trapoe na ondro den foetoe foe fotenti na toe moen langa”, no ben de na „hemel Jeruzalem” pe na Messias Jezus e tiri sensi 1914 (Hebr. 12:22). A trapoe ben de moro foeroe na tapoe na fikapisi foe na „Israël foe Gado” foe 42 moenkenki moen ofoe dri nanga afoe moenkenki jari langa leki wan fikapisi foe na ferfolgoe na ini na ten foe na Fosi Grontapoefeti. Ma na a ten foe na di foe toe congres foe den bijbelondrosoekoeman na ini Cedar Point (Ohio , Amerkankondre), na ini na zomer foe 1922, den ben kon boen baka krinkrin na jejefasi. Na ferfolgoe foe na fikapisi na ini na ten foe na Fosi Grontapoefeti ben de soboen wan pisi foe na „makti” di ben sori dati Jezus ben de noja foe sensi 1914 na ini en kownoekondre na ini na Jeruzalem di de na tapsé, pe nowan trapoe ben kan kisi en. — Matt. 24:3, 9-13.
15. San na fikapisi èn den kompe foe den ben bigin foe doe leki noiti na fesi, èn den ben meki den trapoe den oiti na ini disi?
15 Ne na fikapisi foe „na Israël foe Gado” leki noiti na fesi ben span densrefi foe ’barwroko gi na Kownoe èn na Kownoekondre’. Te wi taki en na jejefasi, dan den no ben didon moro foe den heiden trapoe den. — Openb. 11:7-15.
16. Sortoe kownoe e rij sensi 1914 èn e poti na en ondro a mindri foe féjanti, èn na sortoe fasi na ini a tori foe na trapoe wan kenki sa kon na ini na afersi heri esi?
16 Foe di wan glori kenki ben kon na ini afersi sensi na kaba foe den ten foe den heiden na ini 1914 meki na kownoe Jezus Kristus, di sidon na tapoe na troon, e tiri na ini Jeruzalem na ini hemel èn a e hari go na mindri foe en grontapoe féjanti foe poti den na en ondro, Sjatoe baka te na kownoekondre kotoigi ben gi na a heri grontapoe, dan a kaba foe a „bosroiti foe na seti foe sani” sa kon. Den heiden féjanti ofoe „naatsi” sa koti poeroe leki wan froktoebon di lai nnnga froktoe. Dan a sa smési den go na ini „na bigi winpersbaki foe na atibron foe Gado” èn drape a sa gi den na paiman di den ferdini, foe di a sa trapoe den na sowan fasi dati ala a libibroedoe foe den sa pers komoto foe den (Openb. 14:18-20). „A sa wé [den naatsi[ nanga wan isritiki. Sosrefi toe a de trapoe a winpersbaki foe na atibron foe Gado na Almaktiwan.” — Openb. 19:15.
17. San na a laatste agersitori na ini Jezus profétitori foe „na marki” èn fa boen e doe na den jeje „brada” foe a kownoe”?
17 Na kontroe foe na agersitori foe Jezus foe den skapoe nanga bokoboko ben sa de wan pisi foe na „marki”, sodati en „denoja” di wi no kan si èn „na bosroiti foe na seti foe sani ben sa bewijsi nanga dati (Matt. 24:3; 25:31-46). Krinkrin akroederi foe san taki na fesi, meki miljoenmiljoen sma ben teki now na kownoekondre kotoigi, di na fikapisi foe „na Israël foe Gedo” e gi. Den ben opo doe wan sani na a joisti fasi èn nanga warderi. Den „skapoe” disi foe na agersitori e doe boen na srefi den moro mendriman foe den jeje „brada” foe na kownoe Jezus Kristus di e tiri. Den „skapoe” e doe na moro bigi pisi foe a préki di ben taki a fesi foe a boen njoensoe foe na kownoekondre di e doe na ini na heri grontapoe èn leki wan laatste kotoigi na ini wroko makandra nanga den „brada” disi foe Jezus.
18. Sortoe „kownoekondre” den agersi skapoe wani kisi sote, èn fa den sa kisi na kari foe dati?
18 Den „skapoe” foe na agersitori e howpoe foe „kisi na kownoekondre, di ben sreka gi den foe sensi na poti foe na fundamenti foe grontapoe” (Matt. 25:34). Na kari foe disi den ben sa kisi foe na „Manpikin foe libisma”, di e tiri te den kon na ini na „bigi benawtoe”, nanga na ferwakti foe psa libilibi na ondro na kibri foe Gado. Disi sa wani taki na kontroe foe den wortoe nanga san Jezus e bosroiti na agersitori: „èn den disi [den agersi bokoboko di no e doe boen gi Kristus „brada”] sa go na ini a tégo kotipoeroe [na ini dede[, ma den regtvaardikiwan [den agersi skapoe] na ini a tégo libi” (Matt. 25:46). Den sa de na „skin” di sa kisi ferloesoe psa let mindri na „bigi benawtoe di foe sensi na bigin foe grontapoe te leki now no ben kon èn sosrefi toe no sa kon moro”. Foe na boen foe den sma di Gado ben „teki poeroe” (Na fikapisi foe „na Israël foe Gado”) meki den dé foe na toemsi bigiwan foe ala grontapoe benawtoe sa koti sjatoe toe. — Matt. 24:21, 22.
19. Foe sortoe sani na „bigi ipi” sa komoto, èn san den sa doe nanga na „kownoekondre”-kontren pe den e tjari go na ini?
19 Na sofasi na „bigi ipi” foe sma di gersi skapoe „sa komoto na ini na bigi benawtoe” èn go na ini na krin grontapoe kontren foe na kownoe Jezus Kristus (Openb. 7:9-14). Foe sensi na bigin foe na njoen seti foe sani den sa abi wan prati na a kenki foe na kownoekondre kontren disi kon tron na grontapoe paradijs, di na Mekiman ben abi na prakseri di a ben gi na mama nanga papa foe na heri libismafamiri, Adam nanga Eva, na komando foe Gado foe doe disi. — Gen. 1:27-31; 2:5-9.
20. San den sma di gersi skapoe e doe makandra nanga na fikapisi, èn na sortoe sani di „na marki” wani taki den moe hori densrefi te na a „kaba”?
20 Na ini a pisiten dati den regtvaardiki sma di gersi skapoe sa tan wroko skowroe na skowroe nanga na fikapisi foe na „Israël foe Gado”, te leki den jere na kari foe na „Manpikin foe libisma” di de na ini hemel na ini glori: „Oen kon, oenoe na tapoe soema na blesi foe mi Tata ben rostoe, oen kon teki na kownoekondre di foe sensi na fundamenti foe grontapoe ben sreka gi oenoe” (Matt. 25:34). Neleki den jeje Israëlsma disi, na so den no e lasi den bribi na ini san na kaba foe den ten foe den heiden wani taki. Soboen sondro foe tapoe den ai gi na „marki” di e kon moro krin foe na „denoja”, foe na Messias Jezus leki kownoe, den e gi grani na den diniwroko leki den grontapoe onderdaan foe en èn den e go doro let na fesi na „kaba” di e kon es’esi, foe préki nnnga prisiri na boen njoensoe disi foe na kownoekondre na a heri grontapoe. — Matt. 24:14.
Joe sabi na piki?
□ San na kontroe foe ala pisi foe na marki di ben taki na fesi e bewijsi?
□ Na ini sortoe activiteit „na Israël foe Gado” nanga den kompe foe den abi wan prati?
□ San na „a santa foto” di ben sa trapoe „fotentinafo moen langa” èn sortoe „Jeruzalem” no e trapoe?
□ San sa psa nanga den agersi skapoe nanga bokoboko te na prati na mindri den toe groepoe disi kon troe?
[Prenki na tapoe bladzijde 8]
Sortoe bewijsi di ben o de foe si, Jezus ben taki na fesi, sodati en discipel ben sa sabi taki den ten foe den heiden ben kon na wan kaba?
[Faki na tapu bladzijde 11]
„Èn ete wan tra engel ben komoto foe na altari, èn a ben abi makti abra na faja. Èn a kari nanga wan tranga sten gi na sma di ben abi na srapoe kronnefi, taki: ’Poti joe srapoe kronnefi na ini èn tjari den tros foe na droifibon foe grontapoe kon na wan, bika den droifi foe en kon lepi. Èn na engel iti en kronnefi go na grontapoe èn a tjari na droifibon foe grontapoe kon na wan ipi, èn a iti en go na ini na bigi winpersbaki foe na atibron foe Gado.” — Openb. 14:18, 19.