Na Kownoekondrestré-aksi e kon na fesi!
„Singi gi Jehovah wan njoen singi . . . Taki a mindri den naatsi: ’Jehovah srefi tron kownoe.’” — PSALM 96:1, 10.
1. (a) Sortoe singi ben kan singi pas nanga reti ini 1914 èn foe san-ede? (b) Jezus ben sori ini Lukas 21:24 na a trapoe foe sortoe sani?
PAS sensi a jari 1914 den wortoe foe wan singi a ini wan owroe Ingris singiboekoe ben kan singi èn gebroiki nanga leti. Den wortoe disi de so: „Den ten foe den heiden ben kon na wan kaba, bika den kownoe foe den ben abi den ten.” Ini 1 oktober 1914 na Fosi Grontapoefeti ben de moro leki toe moen kaba. Den wortoe dati foe den teri foe den heiden ben sori tapoe na profétitori foe Jezus Kristus ini a tori foe na ten di na fosi jarhondro Jeruzalem nanga en tempel, ben sa figi poeroe. Na pori dati ben kon ini 70 G.T. Ini Lukas 21:24 den wortoe foe Jezus ben skrifi di e kon now: „Èn den [den djoe] sa fadon nanga na srapoe pisi foe den feti-owroe, èn afoe den sa tjari gwe na mindri ala folkoe; èn Jeruzalem den naatsi sa trapoe, te leki den ten foe den heiden sa kon troe” (Statenvertaling). Ini den dé foe kownoe David foe Israël na foto Jeruzalem ben meki tron na mamafoto foe na agersi kownoe foe Gado. Na so fasi Jeruzalem ben de na symbool foe na agersi kownoekondre foe Jehovah Gado ini anoe foe en salfoe kownoe abra na naatsi Israël di ben abi srefidensi. Ini akroederi nanga disi Jezus wortoe ini Lukas 21:24 ben abi soboen foe doe nanga na trapoe foe na agersi kownoekondre foe Gado.
2. (a) O ten a trapoe dati ben bigin foe a fosi tron, èn fa? (b) Foe san-ede na Messias kownoekondre no ben opo baka na pori foe Jeruzalem ini 70 G.T.?
2 O ten na trapoe dati ben bigin foe na fosi tron? No ini na jari 70 G.T., 37 jari baka di Jezus ben taki en profétitori. Ini na jari dati na foto Jeruzalem di ben bow kon boen baka ben wai poeroe na pasi, a tron disi nanga anoe foe den Romein legre. Ma na trapoe di Jezus ben taki a fesi foe en, ben de wan go doro foe na trapoe di ben bigin di Jeruzalem ben kisi pori a fosi tron ini a jari 607 bifo G.T. Dati ben psa nanga anoe foe den Babylonsma. Di den Romeinsma someni jari-hondro na baka ini 70 G.T. ben pori na Jeruzalem di ben kon boen baka dan den „ten foe den heiden” no ben psa krinkrin ete. Jezus ben sabi dati a fesi, èn foe dati-ede a no ben taki dati na pori foe Jeruzalem di ben bow kon boen baka nanga na anoe foe den Romeinsma wantronwantron ben sa waka na en baka na a opo foe na troetroe ofoe na agersi kownoekondre foe Gado ini na anoe foe na Messias, na Kristus. Na presi foe dati a ben sa de so dati na agersi prenki kownoekondre foe Gado, soleki na Jeruzalem ini Jezus dé ben teki presi, den naatsi di no ben besnij ben sa go doro foe trapoe en te leki, volgens Gado égi tenschema, den „ten foe den heiden” ben sa kon na wan kaba.
3. (a) Fa wi kan bereken na langa nanga a kaba foe den ten foe den heiden? (b) Sortoe toemsi prenspari stré-aksi ben kon na fesi ini 1914?
3 Te wi go now na kapiter 4 foe Daniël profétitori, dan wi e si dati sébi ten ben abi foe doe nanga na tori. Na nomroe foe den jari di ibri ten ben kan teki ben kon kroederi nanga na nomroe foe dé foe wan profétis moen-jari namkoe 360 dé. Ibri dé ben sa kroederi nanga wan jari soleki den heiden naatsi ben teri wan jari. Te na so fasi wi e teri, dan den „sébi ten” ben sa de ala nanga ala 2520 jari. (Teki gersi Daniël 4:16, 23, 25, 32.) Foe di den ben bigin di den Babylonsma ben trowe na agersi prenki kownoekondre foe Gado na Jeruzalem na gron ini 607 bifo G.T., èn dati ben de ini na laatste afoe foe na jari dati, dan den ben moe kon na wan kaba ini na laatste afoe foe na jari 1914 foe wi gewoon teri. Ini na spesroetoe pisiten dati na fosi Grontapoe feti ben bigin. Ala di dati ben de wan toemsi moi sani tokoe na kon na wan kaba foe den „ten foe den heiden” ofoe den „faste ten foe den naatsi” (Nieuwe Wereldvertaling) ben sori dati na jari di na feti doe en ogri, wani taki wan moro dipi sani, dati ben de disi: Na agersi jeje kownoekondre foe Gado ini anoe foe en salfoe Manpikin Jezus Kristus ben bigin foe tiri na tapoesé ini hemel. Dati den kerki fesiman foe na kristenheid nanga tra sma e taki dati disi no de so e meki a de wan toemsi prens-pari „stré-aksi”! Èn wi tanapoe na fesi na stré-aksi disi!
Kon kisi reti ini a tori foe na stré-aksi
4. Soema ben kon kisi reti nanga den sani di ben psa na grontapoe?
4 Ini na fosi presi wi e aksi soboen: Soema ben de den sma di foeroe jari na fesi ben meki bekenti gi na heri grontapoe krin dati den „ten foe den heiden” ben sa kon na wan kaba ini na laatste afoe foe 1914? A ben de den Internationaal Bijbelondrosoekoeman, di ben meki gebroiki foe den kolom foe na tijdschrift Na Wachttoren nanga tra boekoe foe na Wachttoren-, Bijbel- èn Traktaatgenootschap. Now na heri grontapoe sabi den leki „Jehovah Kotoigi”. Den sani di psa na grontapoe meki den kisi reti? Ija!
5. (a) Sortoe piki ben gi na den sma di ben stré tegen na opo foe Gado Kownoekondre? (b) Fa na kontroe foe Lukas 21:25-27 de wan historia fundamenti foe na waarheid dati den ten foe den heiden ben kon na wan kaba ini 1914?
5 Foe di na moro bigi pisi foe den sma no e poti prakseri now tapoe na berekening foe na ten foe Gado èn foe di na kristenheid nanga en hondrohondro sekte nanga bribi e taki dati na joisti fasi foe disi no de so, meki wi kan aksi na aksi: Den gensman disi di pasa Jehovah Kotoigi ini nomroe krinkrin, den wini na faja kesekese ini a tori foe na opo foe Gado kownoekondre ini anoe foe Kristus, wan sani di ben pasa ini 1914 ini hemel? Na kontroe foe Jezus profétitori foe na sani di ben sa marki na „kaba foe na grontapoe” (SV) ofoe na „besroiti foe na seti foe sani” (NW), e taigi wi tranga èn krin a piki foe nomo! Moro leki aititenti na siksi jari baka 1914 wi e si den toestand di Jezus ben taki na fesi ini Lukas 21:25-27 ini den wortoe di e kon now: „Na grontapoe [joe sa abi] broeja skreki a mindri den naatsi, di foe na babari foe na se èn a sekseki foe en no sabi wan pasi foe komoto, ala di den sma e kon weri foe frede èn froewakti foe den sani di sa kon na tapoe na grontapoe pe libisma e libi; bika den krakti foe na hemel sa seki. Èn dan den sa si na Manpikin foe libisma e kon ini wan wolkoe nanga bigi krakti èn glori.” Soboen, nanga reti wi kan taki dati te now ete wan stéfi historia fundamenti de foe na fundamenti kownoekondre waarheid dati den ten foe den heiden ben kon na wan kaba ini na laatste afoe foe 1914. Disi de wan foe den waarheid di wi moe hori na en ini disiten.
6. Foe san-ede Jezus disiten discipel e prisiri na presi dati den de ini na broeja skreki foe den naatsi?
6 Ibriwan sma moe kon weri foe frede foe den sani di wan sma e si e kon abra na grontapoe? Jezus ben taki dati disi ben sa de so nanga ibriwan sma? Kwetkweti! Jezus srefi ben taki namkoe dati a ben sa de trafasi nanga en getrow discipel foe di pikinso moro fara ini na profétitori a ben taigi den: „Te den sani disi bigin now foe psa, opo tanapoe let’opoe dan èn opo joe ede na loktoe, bika joe ferloesoe e kon krosibé” (Luk. 21:28). Akroederi Mattéus 24:32, 33 Jezus ben taki sosrefi toe: „Leri now foe na figabon leki eksempre na sani disi: So esi leki en jongoe taki e kon safoe èn e kisi blati, dan joe sabi dati dréten de krosbé. Sosrefi toe, te oen e si ala den sani disi e psa dan oen sabi dati a de krosibé, a mofodoro.” (Loekoe toe Markus 13:28, 29.) Foe di den toestand nanga den sani di e psa ini na grontapoe de gi den na bewijsi di joe kan si dati den ferloesoe de krosibé, ija leki a de na mofo-doro, meki den e prisiri èn den no e teki prati ini na broeja skreki foe den heiden naatsi.
Loyaal jepiman foe na kownoekondre
7, 8. (a) Sortoe sé den jeje brada foe Kristus e teki, èn foe san-ede? (b) Sortoe verprekti den ben teki na den tapoe?
7 Sortoe sé den sma disi e teki now ini na tori foe na kownoekondre stré-aksi? Den memre foe na disiten fikapisi ofoe den wan di tan abra foe Kristus discipel, di a e kari en jeje „brada” èn di abi na howpoe foe abi makandra nanga en wan pisi ini en hemel kownoekondre, e teki na sé foe Jehovah Kownoekondre ini anoe foe en Kristus leki loyaal jepiman (Matt. 25:40). Den e gi na joisti bodoi foe den marki foe den ten èn den e si den leki wan marki dati na kownoekondre, pe sma ben begi so langa kaba foe en, ben opo ini 1914, na a kaba foe den ten foe den heiden, èn ben bigin nanga en wroko. Den e erken dati a de gi den na ten foe meki bekenti gi ibriwan sma dati na hemel tiri disi di de moro hé leki libisma sensi 1914 abi tirimakti èn dati a sa tjari na grontapoe seti foe sani disi kon krinkrin na wan kaba èn nanga dati sa tjari na universele soevereiniteit na a moro Hé Gado kon na wan glori fasi. Tapoe den na verprekti de foe handri ini akroederi nanga Jezus profétitori di taki:
8 „Na boen njoensoe disi foe na kownoekondre sa préki na a heri grontapoe pe libisma e libi leki wan kotoigi gi ala naatsi èn dan na kaba sa kon.” — Matt. 24:13; Mark. 13:10.
Na sortoe sé den „skapoe” sa poti densrefi
9. Fa „Kristus brada” e gi jesi na proféti komando èn nanga sortoe bakapisi?
9 Na profétitori dati foe Jezus de wan komando gi ala discipel di kisi salfoe nange jeje foe na Kownoe foe den kownoe di e tiri now Jezus Kristus. Foe di den gi jesi na a komando dati meki den psa go doro nanga na préki foe na kownoekondre boskopoe kaba ini 205 kondre nanga eilanti ini den grontapoe se. Sosrefi toe na glori boskopoe e tjari joe go na a libismalo nownow ini 174 tongo — den difrenti gebarentongo no e teri — sondro degedege, a de so dati foeroe tra sma foe grontapoe wi moe miti ete nanga ala modern communicatie-jepi, sodati bifosi „na kaba” praktisch „na heri grontapoe pe libisma e libi” e kisi „wan kotoigi”.
10, 11. (a) Fa na Kownoekondrepréki tjari na stré-aksi kon na fesi? (b) San Jezus e taki te a e gi na laatste „marki”?
10 Ma fa a ben de te nanga now nanga na fasi fa sma ben teki na grontapoe kownoekondre préki — ija, ala di ala gens nanga ferfolgoe ben sa de leki fa Jezus taki leki wan piki foe „a marki” foe en „de-noja” ini na hemel kownoekondre èn foe „na bosroiti foe na seti foe sani”? Wan srapoe prati ben tjari kon a mindri den sma na grontapoe di de na a sé foe na kownoekondre nanga den sma di de kontrari na kownoekondre. Jezus ben taki a prati disi na fesi ini en profétitori foe „na marki”, èn a de na hèmarki foe en profétitori soleki na apostel Mattéus ben skrifi dja. Jezus ben bigin na laatste agersitori disi foe en profétitori nanga den wortoe:
11 „Te na Manpikin foe libisma ben sa kon ini en glori, èn ala engel makandra nanga en, den a sa teki presi tapoe en glori troon èn ala naatsi sa tjari konmakandra na en fesi èn en sa prati den sma foe makandra, soleki wan herder e prati den skapoe foe den bokoboko èn en skapoe a sa poti na en reti-anowsé èn den bokoboko na en kroektoe-anoesé. Den na kownoe sa taki gi den di de na en reti-anoesé: ’Oen kon, oen di a blesi foe mi Tata de na oen tapoe, oen teki na kownoekondre di foe sensi na fundamenti foe na grontapoe ben sreka gi oenoe.’” — Matt. 25:31-34.
12. Foe sortoe profétitori Jezus ben poeroe den wortoe „Manpikin foe libisma” èn san na profétitori disi e tjari kon na krin gi wi foe na kownoekondre?
12 Wi e si dati Jezus e bigin na proféti agersitori disi nanga den wortoe „na Manpikin foe libisma”. A ben teki den wortoe disi foe Daniël 7:13, 14, pe wi e lési: „Loekoe! nanga den wolkoe foe hemel wan sma di ben gersi wan libisma manpikin ben kon èn a ben kisi pasi foe go na na Owroewan foe dé, èn den ben tjari en go krosbé foe en, krosbé, ija, na fesi foe Disi. Èn a ben kisi tirimakti èn wartifasi èn wan kownoekondre, soleki den folkoe, nationaal groepoe, èn tongo ben sa dini alamala en. En tirimakti de wan tirimakti foe ten di no abi marki, di no sa pasa gwe èn en kownoekondre wan di no sa brokosaka na gron.”
13. (a) Sortoe ondrosoekoe na Kownoe e doe na grontapoe, komoto foe en boen positie ini hemel? (b) San e bewijsi dati na Folkoe-bontoe no de wan nen gi Gado Kownoekondre?
13 Sensi na kaba foe den ten foe den heiden ini 1914 den folkoe nanga nationaal groepoe ben tjari komakandra na fesi na kownoe disi di e tiri. Foe na positie foe en ini hemel na kownoe kan si ala sma, ala di na grontapoebol e drai lontoe en as. A sabi dati na Fosi Grontapoefeti no ben feti foe na afersi foe en kownoekondre tirimakti. Nono! Bikasi di na toemsi ogri feti dati ben kon na wan kaba, dan ini Versaille (Fransikondre) na Folkoebontoe ben opo, di na Federale Raad foe Kerki foe Amerkankondre ben kari „na politiek nen foe Gado kownoekondre na grontapoe”. Ma efoe dati ben de so, foe san-ede na Folkoebontoe ben poti na wan sé di na di foe Toe Grontapoefeti ben kon èn foe san-ede wan tra organisaatsi di libisma ben meki, na Verenigde Naties ben teki na presi foe na Bontoe?
14. (a) Na fesi foe sortoe persoonlek aksi ibriwan foe wi tanapoe now? (b) Fa wan sma kan kisi boen-ati foe na Kownoe? (c) Na sortoe positief fasi den „skapoe” e hori baka gi den „brada” foe na Kownoe?
14 Na a fasi dati den naatsi leki politiek eenheid ben sori sortoe sé den ben teki ini na tori foe na kownoekondrestré-aksi, di den ben tanapoe na en fesi sensi 1914. Ma na persoonlek aksi di ibriwan foe wi tanapoe na en fesi de: ’Sortoe sé wi e teki srefi ini a tori foe na Kownoekondrestré-aksi?’ Wi e teki na srefi sé leki den agersi „skapoe” di komakandra na a reti-anoe foe na kownoe Jezus Kristus di e tiri? Na Herder-Kownoe disi e ferteri wi fa wan sma moe doe foe meki a kon na a sé foe na boen-ati foe Gado kontrari den sma di gersi bokoboko. Na boen-ati foe Gado wi kan kisi soso te te wi e doe boen na den sma foe den jeje „brada” foe na Kownoe di e tiri. Den de ete na grontapoe èn den boen nofo foe sdon makandra nanga en tapoe en hemel troon. A doe foe den sortoe boen sani dati wani taki dati den piki dati na kownoekondre kotoigi foe den jeje „brada” foe a kownoe moe doe. Den e jepi a kownoekondre prékiwroko tapoe ibri sortoefasi èn den no e sjen gi den prékiman disi foe na boen njoensoe foe na kownoekondre, srefi awinsi den e poti den getrow prékiman na strafoe-oso. Den e proberi srefi foe jepi den komoto foe na strafoe-oso dati, soleki ben psa ini na jari 1919 baka na feti. Moro positief ete: Makandra nanga a salfoe fikapisi den e teki direkt prati na a préki foe a „boen njoensoe disi foe na Kownoekondre”, a prékiwroko di Jezus ben taki a fesi ini Matteus 24:14. Den e doe disi publiki èn foe oso na oso.
15. (a) Fa na paiman foe den „Skapoe” kenki foe di foe Jezus „brada”? (b) Fa disi abi foe doe nanga Gado fosi prakseri? (c) Foe san-ede wan hemel kownoekondre de fanowdoe foe meki na prakseri disi kon troe?
15 Den sma disi di gersi skapoe sa kisi leki paiman na kari foe na kownoe foe teki na kownoekondre di sensi na fundamenti foe grontapoe bon sreka gi den (Matt. 25:34). Disi no wani taki dati den moe dede èn moe kisi wan opobaka foe go na hemel, makandra nanga den jeje „brada” foe na kownoe. A no e kari den en „brada”. Den de sma di teki poeroe na mindri foe den naatsi di tjari kon makandra na fesi en troon. Den e loekoe na fesi foe kisi blesi foe na kownoekondre foe Jezus Kristus èn en jeje „brada”. San den e kisi, de soboen na grontapoe kontren foe na kownoekondre, pe na paradijs sa kon baka tapoe na heri aardbol. Di Jehovah Gado ben meki na grontapoe disi, a ben de en prakseri dati a ben sa de wan paradijs na alape èn a ben poti na man èn a oema na grontapoe foe ben meki disi ben doe kon foe bigin nanga na djari foe Eden ofoe na paradijs foe prisiri. Dati Adam nanga Eva ben fadon go ini sondoe èn ben dede, no ben stop na prakseri foe Gado (Jesaja 55:11). Wantronwantron a ben sreka sani foe ben meki na grontapoe paradijs kon baka nanga jepi foe wan hemel kownoekondre, nanga en loyaal Manpikin leki tiriman ofoe kownoe. Na tiri disi ben moesoe de ini hemel, bikasi noso a no ben sa kan masi na soetoe-fajaman foe sondoe nanga bidrigifasi, na makti jeje mekisani Satan na Didibri. — Gen. 3:15.
16. (a) Fa den sma di gersi skapoe sa kisi spesroetoe boen-ati? (b) Oten den „bokoboko” e go ini na „tégo kotipoeroe”?
16 Den sma di gersi skapoe sa kisi na paradijs kontren disi foe na hemel kownoekondre. Wan „bigi ipi” foe den sa kisi na Paradijs disi sondro foe dede wan ten èn foe abi wan opobaka fanowdoe foe dede kon na libi baka na grontapoe (Openb. 7:9; 21:4). Fa disi de gi den wan wondroefasi foe tjari go leki wan „regtvaardikiwan” ini na „tégo libi”! Den sa de kotoigi dati ala den sma di gersi bokoboko na grontapoe ben kisi na komando (go ini na tégo kotipoeroe’ (Matt. 25:41-46). Disi sa feni presi ini na „bigi benawtoe”, di sa abi en hémarki ini na „feti foe na bigi dé foe Gado na Almaktiwan,” tapoe na fetigron foe Har-mágeddon (Openb. 7:14; 16:14-16). Drape den laatste wan foe den ferfloektoe „bokoboko” sa kotipoeroe foe tégo foe na grontapoe disi.
17. (a) Na fesi foe sortoe tranga fanowdoe aksi joe e si joesrefi now? (b) Ini sortoe grani joe sa teki prati te joe e hori baka gi na Kownoekondre nanga joe heri ati?
17 Di den sma di e libi na grontapoe abi na den fesi den sortoe alternatieve froewakti disi, dan na toemsi tranga fanowdoe aksi de: „Sortoe sé joe e teki ini a tori foe na kownoe-kondrestré-aksi?” Leki soema joe wani den teri joe leki den „skapoe di” den feni boen? Ofoe leki den ferfloektoe „bokoboko”? Den sma di nanga den heri ati e teki a sé foe a kownoekondre foe jepi en, no wawan sa kisi na grontapoe paradijs, ma den sa abi wan toemsi span prati na a tjari kon reti foe na universele soevereiniteit foe Jehoveh, na Gado foe den gado èn na Koenoe foe den kownoe. — Ps. 136:2; Dan. 2:47.
Ini a tori foe na Kownoekondrestré-aksi, fa joe piki de tapoe den aksi di e kon now:
□ O langa den ten foe den heiden, di kari ini Lukas 21:24, de?
□ Sortoe sani di psa e marki na kaba foe den ten foe den heiden?
□ Fa Jehovah Kotoigi ben teki na disiten grontapoecrisis, akroederi Lukas 21:28?
□ Na sortoe fasi den profétitori e taki foe na „Manpikin foe libisma” èn sortoe positief libifasi a e aksi na a ten foe en konbaka?