Soema kan ferstan na wan joisti fasi san na „marki” wani taki?
„Oen hoigriman, oen sabi foe ondrosoekoe na dorosé fasi foe na grontapoe nanga na loktoe, ma fa a doe kon dan, dati oen no sabi foe ondrosoekoe na spesroetoe ten disi?” — LUKAS 12:56.
1, 2. San den féjanti foe Jezus ben kan bepaal foe na fasi fa na loktoe ben loekoe, ma san den no ben kan ferstan?
KONI seman kan ferklarl na fasi foe na loktoe, èn den e poti prakseri tapoe san disi wani taki gi den. Efoe foe eksempre a loekoe leki a weer sa kon takroe srefsrefi, dan ibriwan sma e loekoe boen spesroetoe, bika ’wan warskow man e teri foe toe’.
2 Masra Jezus Kristus ben poti tapoe wan moro krakti fasi srefi ete na prakseri na tapoe sowan sortoe sani, di a ben kon tanapoe a fesi en féjanti. Foe na miti dati nanga den sma disi na evangeliumskrifiman Lukas ben skrifi: „Ne a taki moro fara ooktoe gi den ipi sma: ’Te oenoe e si wan wolkoe e opo e kon foe westsé, oenoe e taki wantronwantron: „Wan sibiboesi e kon”, èn so a e psa ooktoe, ma efoe oen si dati wan zuidsé winti e wai, oen e taki: ’Wan faja winti o kon’, èn a e psa toe. Oen hoigriman, a doroséfasi foe a grontapoe èn a loktoe oen sabi ondrosoekoe, ma fa a doe kon dan dati oenoe no sabi foe ondrosoekoe na spesroetoe ten disi?’” — Luk. 12:54-56.
3. Sortoe „marki”, di ben bewijsi dati Jezus ben de na Messias, en féjanti no ben man foe figi poeroe?
3 Den bigimemre féjanti dati ben man foe taki a fesi sortoe weer a ben sa de, ma den ben hoigri toemsi foeroe, èn na jejesé den no ben sabi notnoti foe ferstan afersi di de moro prenspari. Jezus ben doe difrenti wondroe, sodati opregti sma ben kisi jepi foe bribi na ini en (Joh. 2:23). Ma spesroetoe en dede na tapoe na paschadé ini 33 G.T. èn en opobaka na a di foe 3 dé ben de wan „marki” di ben bewijsi dati a ben de na Messias, ofoe Kristus (Matt. 12:38-41; Luk. 11:30). A no de foe taki, dati Jezus féjanti ben proeberi foe figi na „marki” dati poeroe (Matt. 27:62-28:20; Tori. 4:1-4). Ma bifo a ben opo go na hemel, moro leki 500 djoe ben si nanga égi ai dati a ben opo baka foe dede (1 Kor. 15:3-6). Ooktoe na ini a ten disi wan „marki” de di no kan figi poeroe. Wan joisti fasi foe ferstan san na marki wani taki de wan afersi foe libi ofoe dede. Ma san na a „marki” dati? Èn soema kan ferstan en na wan joisti fasi?
A „marki” gi a ten foe wi
4. Sortoe „marki” de now krin foe si èn san de wantoe pisi foe en? (Matt. 24:3).
4 Den discipel foe Jezus ben aksi en: „San sa de na marki foe joe denoja èn foe na bosroiti foe a seti foe sani?” Leki wan piki tapoe dati Kristus e taki a fesi foe oorlokoe di no ben sa abi en speri, mankeri foe njanjan, gronseki èn tra pisi foe na „marki” foe en „denoja” ini kownoekondremakti di sma no kan si. Wan prenspari pisi de na kownoekondre prékiwroko na a heri grontapoe, di moro leki 2.840.000 kotoigi foe Jehovah e doe now kaba ini 203 kondre. Foeroetron kaba den boekoe foe Na Wachttoren ben sori tapoe den bewijsi disi nanga trawan ete foe na kontroe foe na „marki” foe Jezus „denoja” ini wi ten. — Matt. kap. 24, 25; Mark. kap. 13; Luk. kap. 21.
5. Foe san-ede meki Jezus no ben taki sani di psa marki di a ben kari den fosi-jarhondro djoe „wan goddelowsoe èn soetadoe geslagti”?
5 A no wan sani di wi no kan taki dati a no de so, dati foe sensi na bigin foe na Fosi Grontapoefeti na ini 1914 den bewijsi dati na „marki” e kon troe ben kon moro foeroe. San disi moesoe wani taigi wi? We, wi no wani de leki den djoe foe tinanégihondro jari pasa kaba di ben de sma di ben kan taki boen a fesi fa a weer ben sa de, ma di ben poti na krin bewijsi di den ben kan si nanga den égi ai na wan sé èn no ben wani teki na wan logisfasi na bosroiti di ben de so foe teki. Langa ten a fesi Gado ben gi Mozes a makti foe doe dri marki leki bewijsi dati a ini na makti foe Gado a ben seni go na den Israëlsma di den ben e kwinsi (Ex. 4:1-31). Ma ala di den djoe foe na fosi jarhondro famirilo ben kan si nanga den égi ai foeroe moro marki leki den dri marki dati, tokoe den no ben de klari foe ben teki na Messias leki na moro bigi Mozes (Joh. 4:54; Hebr. 2:2-4). Jezus no ben taki sani moro bigi di a ben kari den „wan godlowsoe nanga hoeroedoe famirilo”. — Matt. 12:39.
6. San sma di sabi san e psa na ini grontapoe e taki now foe den grontapoe toestand?
6 Sma foe na di foe twenti-jarhondro geslagti disi di no e warderi na di foe toe kon foe Jezus Kristus ofoe di no e bribi na ini, no e ferstan a „marki” foe na kaba foe na seti foe sani san a wani taki a wan joisti fasi. Ma den disiten toestand no e gi dek’ati srefsrefi, soleki e kon na krin na ini den eksempre di e kon now:
Na sektetarsi-generaal foe den Verenigde Naatsi, Javier Perez de Cuellar, ben taki dati na grontapoe na ini na evolutie foe den internationaal afersi ben doro wan toemsi kritiek stadium, èn dati na moeiti foe doro wan regtvaardiki, vrédefasi nanga stabiel internationaal orde gersi taki ai lasi krakti. . . ’Na. . . go na baka ini na fertrow ini makandra na mindri den naatsi de wan boen fatoe gron foe spanning nanga kesekese’, leki fa na sekretarsi-generaal foe den V.N. taki.” — Indian Express, 22 oktober 1983.
„Foeroe foe wi e taki jari kaba dati wan kernoorlokoe ben sa kiri miljoenmiljoen sma di no doe noti èn ben sa meki bigi pisi foe na grontapoe tron presi pe sma no ben sa kan libi. Wan groepoe foe sabiman di sma e respeki ben doro na doengroe bosroiti disi, taki wan kernoorlokoe, ofoe srefi wan gewoon nucleaire toeka a mindri den supermakti, ben sa meki wan rampoe doe kon na heri grontapoe di foe en sé no ben sa kiri wawan miljoenmiljoen ma miljardmiljard sma èn di kan de ben sa tjari wan kaba kon na a libi foe libisma a grontapoe. Na ondrosoekoe di teki toe jari ben doe gi na conferentie di e go foe na biologis bakapisi na a heri grontapoe di o kon tapoe wan langa termijn foe wan kernoorlokoe. Den konklusie di den ben doro, moro leki wanhondro sabiman ben taki dati a de so. . . Carl Sagan . . . ben tjari den bakapisi foe wan kernoorlokoe kon a ondro wortoe di joe no kan ferstan fowtoe: ’Na figi poeroe na libisma pransoen ben sa de wan troetroe mogelekheid.’” — The Express (Easton, Pa., VS), 3 november 1983.
7. Pe sma di e angri foe libi ini wan moro betre grontapoe, kan feni bodoi di e gi den wan korostoe ati?
7 Disi de na doengroe ferwakti di frantwortoe kommentator di abi makti e tjari kon na fesi. Èn san e meki a de spesroetoe doengroe, de dati ini na tori foe na rampoe di den taki o kon, den no kan sori na tapoe no wan enkri pasi foe komoto. Sma di e angri foe libi na ini wan moro betre grontapoe, nanga ala prisiri séker ben sa wani kisi sote bodoi di e gi howpoe. Kolokoe dati wan pasi de foe komoto foe na grontapoe rampoe di de foe kon, bika sma ben tan a libi kaba foe densrefi grontapoe rampoe di ben de leki wan kefar. Ija, efoe sma no ben tan a libi foe na Froedoe ini den dé foe Noach, dan a no ben sa monjo na grontapoe foe moro leki fo miljard libisma di e libi na grontapoe! Soso wán boekoe — na bijbel — e ferteri wi a tori soifri foe na fasi fa soso aiti sma, èn ooktoe eksemplaar foe na libi foe den meti, ben psa libilibi na grontapoe rampoe dati.
8. San den discipel foe Jezus moe doe kontrari den tra sma, te na disiten seti foe sani ben sa de so fara foe moe komoto a pasi?
8 Wi no moe proberi foe ferstan na wan joisti fasi san na „marki” wani taki, foe di na srefi betrouwbaar boekoe e ferteri wi foe den wortoe foe Jezus foe den toestand di ben sa de na grontapoe te na disiten seti foe sani di o fadon ini makandra ben sa poeroe a pasi? Dritentinasébi jari bifo Jeruzalem ben kisi pori ini 70. G.T. foe na anoe foe den Romein sroedati. Jezus ben gi wan langa opsomming foe den pisi di ben o meki na samengestelde marki di ben sa waka a fesi foe na grontapoe rampoe di na Froedoe de wan prenki foe en. Jezus ben taki foe eksempre: „Marki sa de ini son nanga moen, èn stari èn na grontpoe broeja skreki foe den naatsi, di foe na babari foe na se nanga na sekseki foe en no sabi wan pasi foe komoto, ala di den sma kon weri foe frede èn ferwakti foe den sani di sa kon tapoe na grontapoe pe sma e libi bika den krakti foe hemel sa seki. Èn dan den sa si na Manpiklin toe libisma e kon na ini wan wolkoe nanga krakti èn bigi glori. Efoe den sani disi now bigin foe pasa, opo tanapoe dan letopoe èn opo joe ede go na loktoe, bika joe ferloesoe e kon krosbé.” — Luk. 21:25-28.
9. Sortoe prenki ben de foe na zending foe na tijdschrift disi tapoe na fes’séblad foe sensi 1895 te 1931?
9 Wan pisi foe na profétitorl dati ben kon na ini den uitgave foe Watch Tower foe 1 januari 1895 te nanga 1 oktober 1931 tapoe na fesisé foe na tijdschrift. A tapsé foe a pisi dati foe a bijbel den ben teken wan wachttoren di ben e seni faja go na doro, aladi wan krasi se ben naki tége na stonbergifundamenti pe na toren ben tanapoe a tapoe. Na so na tijdschrift disi ben sori sortoe boskopoe a ben abi foe meki kon troe na mindri wan libismafamiri, foe soema te now ete memre foe en de na libi èn di e lési na spesroetoe nummer disi.
10. Fa wi kan komoto a pasi, dati na frede di libisma tiriman abi now e tergi wi?
10 Na ini a ten disi den tiriman foe grontapoe, di na ati foe den kon weri foe frede, e gi den égi uitleg foe den pisi foe na samengestelde „marki”. Ma na sma di e gi wan moro boen uitleg na Jezus Kristus, èn efoe wi e hori na san en taki a „marki” wani taki dan frede no sa tergi wi, wan frede di de algemeen a mindri den libisma di no sabi wan pasi foe komoto foe den brokobroko stonipi pe na disiten grontapoe de na ini. Ma presi foe dati wi sa prisiri foe di na ferloesoe foe wi komoto foe a disten seti foe sani e kon krosbé.
Na spesroetoe ten foe a „marki” sori ensrefi
11. Fa Jezus ben sori taki den sani di e psa na grontapoe èn e sori na tapoe na kaba, ben sa feni presi tapoe precies na joisti ten?
11 Den sani di o psa na grontapoe e feni presi precies tapoe a joisti ten. Fa so?, We, bifo Jezus ben gi na profétitori di tanapoe na ini Lukas 21:25-28 a ben taki foe na di foe tweede pori foe Jeruzalem. Ini akroederi nanga en wortoe a pori dati ben kon ini 70 G.T. Foe na sé foe den djoe di ben sa de ete na libi, Jezus ben taki: „Den sa fadon nanga na srapoe sé foe na feti-owroe èn den sa tjari den gwe leki strafman go na ala naatsi; èn den naatsi sa trapoe Jeruzalem te leki den faste ten foe den naatsi kon troe.” A tori ben e go dja foe no-djoe ofoe heiden naatsi. Foe dat’ede meki na pisiten foe na strafoe den e sori foeroetron a tapoe leki „den ten foe den heiden” (Luk. 21:24, NW; Nieuwe Vertaling van het Nederlands Bijbelgenootschap). Oten den ten dati ben kon na wan kaba? We, moro sani de ini a tori leki san ben psa nanga na Jeruzalem na grontapoe. Na sani di de prenspari de foe dat’ede ooktoe no na datum tapoe san den Israëlisma ben kisi na owroe foto Jeruzalem di ben lontoe nanga skotoe ini anoe, èn ooktoe no a sani dati a de na mamafoto foe na disiten onafhankeleke naatsi Israël. Na teri foe ten foe na sé foe Gado de na sani di de prenspari!
12. Oten den ten foe den heiden ben bigin, o langa den ben de, èn oten den ben kon na wan kaba?
12 Den heiden Romeinsma ben bigin foe trapoe Jeruzalem ini 63 bifo G.T. Ma bifo den dan heiden grikisma, Persiasma, nanga Babyloniasma ben trapoe na „foto” dati „foe na bigi Kownoe” (Matt. 5:34, 35). Den Babylonsma ben pori na foto nanga en tempel ini 607 bifo G.T. Foe sensi a pisten dati den heiden ben bigin trapoe na sani, di ben e teki a presi foe a kownoekondre foe Gado èn den ten foe den heiden ben bigin foe troe. Leki fa Daniël kapitel fo ben taki, dan den ten foe den heiden ben sa de sébi ini nomroe, aladi ibriwan foe den ben sa langa 360 dé, èn ibri dé ben sa akroederi nanga wan bijbel proféti jari. Foe dat’ede meki ala ten „sébi ten” ben sa de ala nanga ala makandra 2520 jari. Foe di den ben bigin nanga a pori foe Jeruzalem ini 607 bifo G.T. meki den ben sa kon a wan kaba ini 1914 G.T.
13. Foe sensi oten bijbelondrosoekoeman ben sabi na ini sortoe jari den ten foe den heiden ben sa kon na wan kaba?
13 Ini 1880 kaba ben tanapoe ini na tijdschrift Na Watch Tower dati den ten foe den heiden ben sa go doro te na jari 1914. Moro fara den bijbelondrosoekoeman na na heri grontapoe den prakseri ben poti na tapoe a sani disi dati den ten foe den heiden ben sa kon na wan kaba na ini na dréten foe 1914, di den ben tjari a boekoe The Time Is At Hand ini 1889.
14. Foe san-ede wi kan taki dati den ten foe den heiden ben kon na wan kaba na ini 1914, aladi sortoe sani ben psa na ini 1948 na ini Jerusalem?
14 Now dan, na ini a jari dati wan kaba ben kon na na trapoe di den no-djoe ofoe heiden naatsi ben e trapoe na owroe Jeruzalem? Nono, bika ini 1914 na historia foto ben de te nanga a ten dati ini anoe foe na Torkoe Kownoekondre, na patna foe na keizerkondre Doisrikondre. Tapoe 9 december 1917 den legre foe Ingrisikondre na ondro generaal Allenby ben wini Jeruzalem poeroe na anoe foe den Torkoe. Akroederi wan makti di na Folkoebontoe ben gi dan Jeruzalem ben tan te nanga 1948 ondro tiri foe Ingrisikondre. Ne den djoe graboe wapen èn wini na westsé foe na disiten Jeruzalem, dorosé foe na owroe foto di ben lontoe nanga skotoe. Den mohamedaansma ben wini na foto di lontoe, nange skotoe. Fa wi kan taki dan dati den ten foe den heiden ben kon na wan kaba na ini 1914? Foe di na ini na jari dati na tiri foe na bigi Kownoe Jehovah ben kon gebore ini hemel.
15, 16. (a) Oten na owroe Jerusalem no ben de moro „na foto foe na Bigi Kownoe”, Jehovah? Ma sortoe moro bigi Jerusalem de? (b) Fa Jehovah sa poti Jezus leki kownoe?
15 Di Jezus ben de na grontapoe na tempel foe Jehovah ben tanapoe na ini Jeruzalem, èn Jezus ben go drape foe anbegi. Foe dat’ede den ben kan kari Jeruzalem na a ten dati „na foto foe na bigi Kownoe Jehovah” (Matt. 5:34,35). Ma foe sensi na ten foe a dede foe Jezus tapoe a Paschadé ini 33 G.T., di na inisé tempel garden ben priti na tapoe wan wondroefasi, dan Jeruzalem séker no ben de moro langa Jehovah kownoe foto. Na pori foe Jeruzalem nanga en tempel nanga anoe foe den heiden Romeinsma ini 70 G.T. ben gi a bewijsi foe a sani dati. Wan kolokoe omstandigheid gi den djoe kristensma na ini a ten dati èn gi ala kristensma foe sensi a ten dati, de, dati wan tra moro hé Jeruzalem de, namkoe na „hemel Jeruzalem”. — Hebr. 12:22.
16 Ini akroederi nanga na sani disi meki na fosi pisi foe a profétitori foe Jezus di skrifi ini Lukas 21:24 ben kon troe tapoe na grontapoe Jeruzalem, ma na laatste pisi moe abi foe doe nanga na „hemel Jeruzalem”. Ija, bika gi na grontapoe Jeruzalem na „hemel Jeruzalem” ben kon ini a presi foe „na foto foe na bigi Kownoe”, Jehovah Gado. Drape, ini na hemel „foto” dati, na „bigi Kownoe” Jehovah ben poti ini 1914 na a kaba foe den ten foe den heiden en glori Manpikin Jezus Kristus, tapoe a troon.
17. Sortoe komando foe Gado ben gi na Jezus Kristus di ben poti na tapoe na troon leki kownoe, èn soema ben pristeri densrefi nanga den heri ati foe doe dienst gi en?
17 Dati ben de gi Jehovah na a faste ten di ensrefi ben poti foe ben gi na en Manpikin Jezus Kristus di ben poti na tapoe en troon, na komando di tanapoe na ini Psalm 110:2, 3: „Na tiki foe joe tranga Jehovah sa seni komoto foe Sion, taki: ’Go poti na joe ondro a mindri foe joe féjanti.’ Na pipel foe joe sa de klari foe pristeri ensrefi na tapoe a dé foe joe sroedatimakti. Na ini na moifasi foe na santafasi, komoto foe na bere foe moesoedé, joe ben abi joe mati foe jongoeman netleki dowdropoe.” Ini akroederi nanga na profétitori disi na „pipel” di ben gi densrefi abra èn di ben go waka na ini den foetoemarki foe Jezus èn di ben erken dati den ten foe den heiden ben kon na wan kaba na ini 1914, ben pristeri densrefi nanga den heri ati foe doe dienst leki boskopoeman foe na tirimakti foe Jehovah Gado ini na hemel Sion èn di Masra Jezus Kristus ben e sori. Ma den sokari kristen naatsi no ben saka densrefi safri na ondro Jehovah Kownoe di ben poti pas na tapoe na troon. Den ben sori taki den ben de troe en féjanti, bikasi den ben teki prati na a Fosi Grontapoe oorlokoe ini na libisma histori, di ben feti foe kisi grontapoe tirimakti. Moro fara den ben hendri na a beri grontapoe na meki bekenti foe na kownoekondre foe Gado.
18. Fa na féantifasi ben kon na krin tégen a kownoekondre foe Gado na ini 1918?
18 Na féjantifasi a mindri Gado kownoekbndre ben kon spesroetoe na krin ini 1918. Tapoe 8 mei 1918 na redakteur foe na tijdschrift na Watch Tower èn wan nomroe foe kompe wrokoman den ben kisi na ini a ten di na oorlog lawfasi ben de. Bakaten, tapoe 21 juni den ben kisi foeroe jari strafoe na ini na federale straf’oso na ini Atlanta (Georgia, VS). Pas baka di na oorlokoe ben kon na wan kaba èn den ben tan négi moen na ini na straf’oso, dan den bedinari disi ini na kownoekondre foe Gado ben kon fri nanga na moni di den ben pai leki borgstelling. Baka wan pisten den ben poeroe ala den falsi kragi tapoe den nen èn den ben kon poti baka krinkrin a den reti presi.
19. Sortoe sé na Federale Rai foe Kerki na ini Amerika ben teki ini na Fosi Grontapoe oorlokoe ini a tori foe na Folkoebontoe?
19 Na Fosi Grontapoe oorlokoe ben kon na wan kaba tapoe 11 november 1918, èn na ini na moen di ben kon a baka, na Federale Rai foe Kerki na ini Amerkankondre na fesi foe ala sma ben taki dati a de na a sé foe a Folkoebontoe di na a ten dati den ben taki foe ben opo. A kerkiskin dati ben kari na Folkoebontoe „na politlek nen foe na kownoekondre foe Gado na grontapoe”. Ma den Verenigde Staten foe Amerkankondre ben poti na rikomanderi foe den kerki dati na wan sé èn ben wégri foe politiek reden ede foe sroiti densrefi na na Folkoebontoe. Den ben sroiti densrefi wawan na na Permanent Hof foe Internationale Justitie. Ma ete na Folkoebontoe na ini na bigin foe 1920 ben bigin wroko èn den memre foe na Federale Rai foe Kerki ben gi a ségi nanga jepi foe den na a bontoe.
20. Sortoe sé Jehovah pipel ben teki na ini a tori foe na Folkoebontoe, èn san den ben bigin foe préki?
20 Na tijdschrift na Watch Tower nanga den sma di e prati en, Jehovah pipel, na a tra sé ben wégri foe erken na Folkoebontoe leki na politiek falsi wrokosani gi a Kownoekondre foe Gado. Den no ben erken noiti na Folkoebontoe leki na kontroe foe na modelbegi di Jezua Kristus ben leri sma: „Joe Kownoekondre moe kon. Joe wani moe psa, soleki ini hemel sotoe na grontapoe” (Matt. 6:9, 10). Den no ben pristeri densrefi foe dini na falsi wrokosani dati di libisma ben meki! Na presi foe dati den ben gi na getrowfasi foe den na a troetroe kownoekondre foe Gado na ini anoe foe Jezus Kristus èn di de na ini a „hemel Jeruzalem”. Nanga a jepi foe Gado den ben tjari na wan joistifasi kon na krin na „marki” foe Jezus „denoja, èn foe na bosroiti foe na seti foe sani”. Foe dat’ede meki den ben bigin wroko foe meki na kownoekondre bekenti na a heri grontapoe.
Fa na piki foe joe de?
◻ Sortoe „marki” de now krin foe si, èn san de wantoe pisi foe en?
◻ Fa wi kan komoto na a pasi foe na frede, di libisma tiriman abi now?
◻ Oten den ten foe den heiden ben bigin èn oten den kon a wan kaba?
◻ Ini sortoe „Jeruzalem” Jehovah ben poti en Manpikin leki kownoe?
◻ Fa a pipel foe Jehovah ben si na Folkoebontoe?
[Schema/Faki na tapu bladzijde 4 di e tyari sani kon na krin]
Oktober, 607 bifo G.T. — Oktober, 1 bifo G.T. = 606 jari
Oktober, 1 bifo G.T. — Oktober, 1914 bifo G.T. = 1914 jari
SÉBI TEN FOE DEN NAATSI = 2520 jari
[Prenki na tapoe bladzijde 3]
Den sma di e ferstan na wan joisti fasi san a „marki” wani taki, kan libi pasa na kaba foe na seti foe sani disi, netleki fa aiti sma ben libi psa na Froedoe
[Faki na tapu bladzijde 5]
16 En ati moe kon kenki, sodati a no de moro di foe wan libisma èn a moe kisi wan ati foe wan meti, èn meki sébi ten pasa abra en. 17 . . . nanga na prakseri dati den libiwan kan sabi, dati na Moro Héwan de Tiriman na ini na kownoekondre foe libisma èn dati a e gi en na soema a wani.